येरमीया 25:28 - Sunuwar Bible

²⁸ तन्‍न मेकोपुकीमी इ गुइ रे मेको कचौरा तूने मबिस्‍साक्‍म हना, गे मेको आन कली मुर नेल्‍ल आन परमप्रभु यावेमी ‘गेपुकीम मेको तूचान माल्‍नीनी’ देंशो बाक्‍ब” दे माइक्‍मी।

येरमीया 25:28 ပူးပေါင်းရင်းမြစ်များ

अय्‍युब 34:33

मार, मेकोम इन देंशो खोदेंशो पा इन कली पचा माल्‍बा ङा? मारदे हना गे आ देंशो मबित्‍नीनी। गे इन लां योव़चा माल्‍नीनी। गो मो मपाइनुङ। मोपतीके इन तुइश्‍शो आं कली शेंदीनी।

येरमीया 25:17

मोपतीके गो मेको कचौरा परमप्रभु यावे आ गुइ रे ताक्‍ता। मिनु गो परमप्रभु यावेमी सोइश्‍शो रागी नेल्‍ल नु मुर नेल्‍ल आन कली तूपाइक्‍तामी।

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

येरमीया 49:12

परमप्रभु यावेमी “श्येत ङा कचौरा तूचा ममाल्‍शोमी यो मेको तूचा माल्‍ताक्‍व हना, मार, गे सजाइ मतथु ब्रोंइचा ताइनेवे? गे सजाइ तचा माल्‍नेवे। गे मेको तूचा माल्‍नेवे। येरमीया २५:१५,२८,२९; भजन संग्रह १३७:७

येरमीया 51:29

ख्रिनु कुशा रागी ख्रिंख्रि पाइब। मारदे हना परमप्रभु यावेम बेबीलोन कली श्‍येत्‍थ नु मुर मबाक्‍तीके सेल्‍नुङ देंशो लोव़ गाप्‍ब।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

ओबदिया 1:16

गे दोपा आं डांडाम तूङी, मोपा इ एर ओंथ बाक्‍ब रागी रागी ङा मुरुम गेना हना यो तूनीम। मिनु गेनायो मबाक्‍‍शो खोदेंशो दुम्‍नीम। येरमीया २५:१५

प्रेरित 4:28

मेकोपुकीमी इन देंशो ङा लाक्‍शा मारेइ पने मचबेम। इन देंशो ला पने चाप्‍तेक्‍म। प्रेरित २:२३

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२