येरमीया 25:22 - Sunuwar Bible

²² टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 25:22 ပူးပေါင်းရင်းမြစ်များ

यसैया 23:1

मिनु परमप्रभु यावेमी टायर आ पर्बम यसैया कली “गे, टारसीस ङा जहाजपुकी रोंका पने। मारदे हना टायर खतम दुम्‍शो बाक्‍ब। मेकेर खिं नु जहाज नाइक्‍तीके मलीब। साइप्रस टापु रे जाक्‍ब आन कली नेंपाइश्‍शो बाक्‍तेक्‍म। इजीकीएल २७:१२

यसैया 23:15

मिनु नोले टायर ७० बर्स, पिप का आ ब्रोंइतीके बर्स खोदेंशो, मदुम्‍म सम्‍म प्रेंचा पुंइसीब। मिनु मेको ७० बर्स नोले टायर सहर तेल्‍लेम आ कुम्‍सो देंशो खोदेंशो दुम्‍ब।

यसैया 23:4

सीदोन, गे मुने पावो। मारदे हना समुन्‍द्र ङा बोल्‍यो टायर सहरमी ‘गो सुत्‍केरी रोइ मपङ। गो आल मथिङ। गो वोंइश आल नु मीश आल आन कली मथुलु’ देंतीनी।

येरमीया 27:3

मिनु यहूदा ङा पिप सिदकीयाह आ बाक्‍तीके यरूसलेममी जाक्‍ब लोव़ कुरब आन कली एदोम, मोआब, अम्‍मोन, टायर नु सीदोन ङा पिप आन बाक्‍तीकेम मेको लोव़ सोइक्‍तीमी। येरमीया २५:२१-२२

येरमीया 31:10

गे रागी रागी ङा मुरपुकी, परमप्रभु यावे आ लोव़ नेनीन। ङोन ङा समुन्‍द्र आ नेक्‍था ङा रागी नेल्‍ल आन कली नेंपतीन। मेको आन कली ‘इस्राएल कली ब्रपाइक्‍बम मेको आन कली ग्रुम्‍पाइक्‍ब। मिनु गोठलाम आन बगाल आन कली खाल पशो खोदेंशो पा, मेकोमी इस्राएली आन कली कोव़ब’ देंत।

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

इजीकीएल 27:27

मिनु इ खतम दुम्‍तीक नाक्‍ती इ शोंप, इ ग्‍याप्‍तीक लेयतीक मार मार, इ गेय पाइब, इ कली चलेब, इ जहाज कली सेल्‍ब, इ ग्‍याप्‍ब लेयब, इ लडाइ पाइब नु गे नु बाक्‍ब मुर नेल्‍ले समुन्‍द्र आ दातेमी ग्रुम्‍शा खतम दुम्‍नीम।

इजीकीएल 28:1

परमप्रभु यावेमी आं कली लोव़ पाप्‍तु।

इजीकीएल 28:20

परमप्रभु यावेमी आं कली लोव़ पाप्‍तु।

इजीकीएल 28:21

मार लोव़ पाप्‍तु देंशा हना “ए मुर, सीदोन गे कोव़ङो। मिनु मेको आ पर्बम आं लोव़ पावो। यसैया २३:२-४

इजीकीएल 29:18

मार लोव़ पाप्‍तु देंशा हना “ए मुर, बेबीलोन ङा पिप नेबुकदरेसरम टायर कली लडाइ पाइब आन कली शुश श्‍येत पपाइक्‍तु। मिनु मुर नेल्‍ल आन पिया ङा चां दुल्‍त। आन बला खोरसीशा, गार दुम्‍त। मो हना यो टायर आ पर्बम पशो गेय आ पर्बम मेको नु मेको आ लडाइ पाइबम मारेइ मतामे।

इजीकीएल 32:30

उत्तर रागी ङा सासन पाइब नु सीदोन ङा मुर नेल्‍ल मेकेर बाक्‍नीम। मेको आन सक्तिम मुर नेल्‍ल आन कली शुश हिंपाइक्‍तेक्‍म। मोपतीके मेकोपुकी तरवारम साइक्‍चा पुंइसीशो मुरपुकी नु मुने दोक्‍शा उइ लाम्‍तेक्‍म। मेकोपुकी ख्रोइक्‍तीक चि‍नु मख्रोइक्‍थु तरवारम साइक्‍चा पुंइसीशो नु मुने दोक्‍शा तुरसुम बाक्‍शो बाक्‍नीम। इजीकीएल २८:२१-२३

इजीकीएल 39:6

गो मागोग ङा मुर नु समुन्‍द्र आ नेक्‍था रिम्‍शो पा बाक्‍शो आन तार मी सोइक्‍नुङ। मिनु मेकोपुकीम गोन परमप्रभु यावे नङ, दे तुइक्‍नीम।