येरमीया 25:2 - Sunuwar Bible

² मिनु परमप्रभु यावे आ लोव़ पाइब येरमीयामी यहूदा ङा मुर नेल्‍ल नु यरूसलेममी बाक्‍ब मुर नेल्‍ल आन कली मेको लोव़ पाप्‍तु।

येरमीया 25:2 ပူးပေါင်းရင်းမြစ်များ

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 25:3

यहूदा ङा पिप आमोन आ तौ योसीयाह पिप दुम्‍शो १३ बर्स रे मुल २३ बर्स सम्‍म परमप्रभु यावेमी आं कली लोव़ पना पन बाक्‍त। मिनु गो मेको लोव़ इन कली शेंस ङा शेंस बाक्‍शो बाक्‍ती। तन्‍न गेपुकीम इन नोफा मदाइक्‍तीनी। येरमीया १:२; येरमीया ३६:२

येरमीया 26:2

परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।

येरमीया 35:13

मुर नेल्‍ल आन परमप्रभु यावे, इस्राएली आन परमप्रभुमी मार लोव़ पाप्‍तु देंशा हना “गे यहूदा ङा मुर नु यरूसलेममी बाक्‍ब आन कली लशा ‘मार, गे आं देंशो मपाइनीनी? मिनु आं लोव़ मटी‍नीनी?’ देंत” दे माइक्‍मी।