येरमीया 24:6 - Sunuwar Bible

⁶ गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

येरमीया 24:6 ပူးပေါင်းရင်းမြစ်များ

उत्पत्ती 44:21

मिनु गेमी ‘आं कली कोंइचा कली मेको एक चाक्‍कीन’ देंतीनी।

२ इतिहास 16:9

परमप्रभु यावेमी सु आन थुंम थमा पा मेको नु बाक्‍बा, मेकोमी रागी नेल्‍लेम माल्‍ना माल्‍न मेको कली कोव़शा, मेको आन कली बोल्‍यो सेल्‍ब। गे अराम ङा पिप नु गारशा मरिम्‍शो पाइतीनी। मुल रे गे लडाइ पस ङा पस बाक्‍चा माल्‍नीनी” देंमाक्‍त। हितोपदेस १५:३

नेहेम्‍याह 5:19

गो परमप्रभु यावे कली “आं परमप्रभु, गो एको मुर आन कली मार मार रिम्‍शो पङा, मेको मप्रेंदीन” देंती। नेहेम्‍याह १३:१४,२२,३१

भजन संग्रह 34:15

परमप्रभु यावेमी ठीक पाइब आन गे कोव़शा, मेको आन पुंइशो नेंब।

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

येरमीया 1:10

नेनो, मुलाक्‍ती गो इ कली रागी रागी नु राज्‍य आन पर्बम लोव़ पाइब सेल्‍तन। तुल्‍चा नु प्रेत्‍चा कली, खतम पोक्‍चा, ग्रांग्‍ये माग्‍ये पपाइक्‍चा नु सेल्‍चा नु ख्रुम्‍चा कली वोइक्‍तन” देंत। येरमीया १८:७-१०

येरमीया 12:15

तन्‍न गो मेको आन कली तुलुमी नोले लेंशा शिशी पाइक्‍नुङमी। मिनु मेको नेल्‍ल आन कली आन आन किकी पिपी आन शोंप गेशा, आन रागीम लेंशा चाक्‍नुङमी।

येरमीया 16:15

तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो नु इस्राएली आन कली उत्तर ङा रागी नु तेको तेको रागी रे चाक्‍शो खोदेंशो पा’ देंनीम। मारदे हना गो मेको आन कली आन किकी पिपी आन कली गेशो रागीम चाक्‍नुङमी। येरमीया २३:७-८

येरमीया 21:10

गो एको सहर कली थमा पा क्‍याम्‍नुङ। रिम्‍शो पचा कली ममिम्‍नुङ। एको सहर बेबीलोन ङा पिप आ गुइम गेनुङ। मेकोमी एको सहर कली मीम क्रोइक्‍ब” देंत’ देनो” देंत। येरमीया ३४:२

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

येरमीया 29:10

परमप्रभु यावेमी “बेबीलोनम मो पशो ७० बर्स गाम नोले गो इन बाक्‍तीक जाक्‍नुङ। मिनु इन कली एको रागीम लेश्‍शा चाक्‍नुङ, दे आं शिशी पा देंशो लोव़ खाप्‍नुङ। येरमीया २५:११-१३

येरमीया 31:28

गो दोपा मेको आन कली तुल्‍चा, प्रेत्‍चा, ताइक्‍चा नु खतम पोक्‍चा कली मरिम्‍शो पङा, मोपा गो मेको आन कली सेल्‍चा नु ख्रुम्‍चा कली कोव़नुङ। येरमीया १:१०

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

येरमीया 33:7

गो यहूदा नु इस्राएल ङा मुर आन शोंप लेश्‍शा गे‍नुङमी। मिनु मेको आन कली ङोंइती ङा खोदेंशो सेल्‍नुङमी। येरमीया २९:१४; येरमीया २४:६

येरमीया 33:9

मिनु एको सहर आं ङोंइती ग्‍येरपाइक्‍तीक, ठेयब सेल्‍तीके नु आं कली मान पतीके दुम्‍ब। मिनु रागी रागी ङा मुरुम गो इस्राएली आन कली मार मार रिम्‍शो पशो नेंनीम। मिनु मेको आन कली रिम्‍शो नु आन माल्‍शो क्‍येङा शुश गेशो तशा आं पर्बम हिंशा ख्रिंख्रि पाइनीम” देंत।

येरमीया 39:12

“मेको कली लाइश्‍शा, रिम्‍शो पा कोव़शा वोतीन। मेको कली मारेइ मरिम्‍शो मपावो। मेकोमी इ कली देंशो खोदेंशो पा, गे मेको कली पावो” दे माइक्‍तु। येरमीया ४०:४

येरमीया 42:10

मिनु परमप्रभु यावेमी इन कली ‘एको रागीमीन बाक्‍तीनी हना, गो इन कली रिम्‍शो सेल्‍नन्‍नी, मप्रेत्नन्‍नी। गो इन कली ख्रुम्‍नन्‍नी, मतुल्‍नन्‍नी। मारदे हना गो इन कली खतम पोक्‍शो आ पर्बम आं थुं खाइश्‍शो बाक्‍नुङ। येरमीया १:१०

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

ब्‍यवस्‍था 11:12

परमप्रभु यावे, इन परमप्रभुमी मेको रागी कली कोव़ब। मेकोमी बर्स ङा ङोंइती ङा नाक्‍त रे नोले ङा नाक्‍त सम्‍म, गेना हना यो कोव़ब।

१ पत्रुस 3:12

मारदे हना परमप्रभु यावेमी ठीक पाइब आन कली कोव़ब। आन पुंइशो लोव़ नेंचा कली आ नोफा दाइक्‍ब। तन्‍न मरिम्‍शो पाइब आन कली मकोव़ब, आन पुंइशो लोव़ यो मनेंब” दे ब्रेक्‍शो बाक्‍ब। भजन संग्रह ३४:१३-१७