येरमीया 23:24 - Sunuwar Bible

²⁴ मिनु मुर आं ङोंइती रे ख्रुइश्‍शा बाक्‍ने चाप्‍नीमी ङा? मिनु गो मेको आन कली तने मचाप्‍नुङमी ङा? मार, सरीङ नु रागी निम्‍फा कली गो प्रिंने मचाप्‍नुङा ङा?” दे परमप्रभु यावेमी देंत। बजन संग्रह १३९:७-१६

येरमीया 23:24 ပူးပေါင်းရင်းမြစ်များ

उत्पत्ती 16:13

मिनु हागारमी आ नु लोव़ पाइब परमप्रभु यावे कली “गे आं कली ताइब परमप्रभु ननी। गो थमा पा आं कली ताइब कली ताता” देंमाक्‍त। उत्‍पत्ती २२:१४; प्रस्‍थान ३:७; २राजा १३:४

१ राजा 8:27

मेकोमी “मार, थमा पा परमप्रभु रागीम बाक्‍बा ङा? कोव़ङीन, इर ङा ठेयब सरीङम ला यो गे मरिक्‍नीनी हना, एको आं सेल्‍शो खिंम दोपा रिक्‍नीनी ङा? यसैया ६६:१; प्रेरित १७:२४

२ इतिहास 2:6

तन्‍न सरीङ नु स्‍वर्गम मेको मरिक्‍ब हना, सुम मेको कली खिं सेल्‍ने चाप्‍बा ङा? मेको कली मार मार चढ़ेचा क्‍येङा लाक्‍शा, आ खिं सेल्‍ब गो सु नङा ङा? २इतिहास ६:१८; १राजा ८:२७

२ इतिहास 6:18

मिनु मार, परमप्रभु थमा पा मुर नु रागीम बाक्‍बा ङा? सरीङ नु स्‍वर्गम इन कली मरिक्‍ब हना, इन कली सेल्‍शो खिंम इन कली दोपा रिक्‍बा ङा? १इतिहास २:५

अय्‍युब 34:21

मेकोमी मुर नेल्‍ल आन पतीके कोव़शो बाक्‍ब। मिनु मेको आन गाक्‍शो नेल्‍ल कोव़शो बाक्‍ब। अय्‍युब ३१:४; हितोपदेस ५:२१

अय्‍युब 34:22

मेकेर मरिम्‍शो पाइब आन ख्रुंइसी‍तीक छिङछिङ मबाक्‍ब। भजन संग्रह १३९:११-१२

भजन संग्रह 10:11

मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५

भजन संग्रह 139:7

मिनु गो इन सोक्‍त क्‍येङा ते लशा ख्रुइक्‍ने चाप्‍नुङा ङा? गो इन ङोंइती रे ते प्रोक्‍ने चाप्‍नुङा ङा?

भजन संग्रह 139:8

गो सरीङ लती हना यो, गे मेके बाक्‍नीनी। गो बेक्‍शो मुर आन बाक्‍तीकेम आं बाक्‍तीक सेल्‍ता हना यो, गे मेके बाक्‍नीनी। आमोस ९:२

भजन संग्रह 148:13

मेको नेल्‍लेमी परमप्रभु यावे आ नें ठेयब सेल्‍मेक्‍ल। मारदे हना मेको आ नें ला ठेयब बाक्‍ब। मेको आ मान ततीक ङा छेङछेङ रागी नु सरीङ तार बाक्‍ब।

भजन संग्रह 90:8

आंइ मरिम्‍शो पशो इन ङोंइती वोइश्‍शो बाक्‍तीनी। आंइ ख्रुइश्‍शा पशो इन कुल ङा छेङछेङ आ ङोंइती बाक्‍ब।

हितोपदेस 15:3

परमप्रभु यावेमी नेल्‍ल ताइब। मेकोमी रिम्‍शो पाइब नु मरिम्‍शो पाइब नेल्‍ल आन कली ताइब। २इतिहास १६:९

यसैया 29:15

गे सु सुमी आंमा मिम्‍शा पशो गेय परमप्रभु यावे आ ङोंइती ख्रुइक्‍नीनी नु छिङछिङम गेय पशा, इं कली सुम ताइबा ङा? इं कली सुम तुइक्‍बा ङा?” देंनीनी। भजन संग्रह १०:११

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 16:17

मारदे हना गो मेको आन लां नेल्‍ल तुइक्‍नुङ। मेको आं ङोंइती मख्रुइश्‍शो बाक्‍नीम। मेको आन मरिम्‍शो पशो यो आं ङोंइती मख्रुइश्‍शो बाक्‍ब। अय्‍युब ३४:२१

येरमीया 32:19

इन अर्ती ठेयब नु इन गेय नेल्‍ल क्‍येङा सक्ति पाइश्‍शो बाक्‍नीम। मुर आन पशो मारेइ मारेइ इन ङोंइती तचा ङा पा बाक्‍नीम। गे मुर नेल्‍ल आन कली कोव़नीनी। गे नेल्‍ल आन लां नु आन पशो तशा इनाम गेनीनी। रोमी २:६

येरमीया 49:10

तन्‍न गो एसाव कली शिश्रा सेल्‍ता। गो मेको आ ख्रुइक्‍तीक नेल्‍ल तांइसीतीके सेल्‍ता। मिनु मेको ख्रुइक्‍चा मताइब। मेको आ आल, आ खिं ङा मुर, आ नेक्‍था बाक्‍ब नु आंमा यो मली।

इजीकीएल 8:12

नोले मेकोमी आं कली “ए मुर, इस्राएल आ खिं ङा खाल्‍पा छिङछिङम मार पाइनीमी, मेको आन आन मूर्ति कोठाम मार पना पन बाक्‍मा, तवी? मेकोपुकीम ‘परमप्रभु यावेमी आंइ कली मताइब। परमप्रभु यावेमी एको रागी प्रोंइने थुम्‍शो बाक्‍ब’ देंशो बाक्‍नीम” देंत। इजीकीएल ९:९

इजीकीएल 9:9

मिनु मेकोमी आं कली “इस्राएल नु यहूदा ङा मुर आन खिं ङा मुर आन दोस थम ठेयब बाक्‍ब। रागी नेल्‍ल हुश ख्राक्‍शेम ब्रीशो बाक्‍ब। मिनु सहर दूली पतीकेम ब्रीशो बाक्‍ब। मारदे हना मेकोपुकीम ‘परमप्रभु यावेमी एको रागी प्रोंइशो बाक्‍ब। मिनु परमप्रभु यावेमी मारेइ मताइब’ देंनीम। इजीकीएल ८:१२

दानीएल 2:22

गे ठेयब नु ख्रुइश्‍शो लोव़ तुइक्‍पाइक्‍नीनी। छिङछिङम बाक्‍शो मारेइ मारेइ नेल्‍ल तुइक्‍नीनी। मारदे हना गे छेङछेङम बाक्‍नीनी।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

एफिसी 1:23

मोपा थमा सुइक्‍बपुकी येसु ख्रीस्‍त आ रां दुम्‍तेक्‍म। मिनु मेको रां आ पिया येसु ख्रीस्‍त आंमान दुम्‍शा, मारेइ मारेइ खाप्‍शो बाक्‍त” दे लोव़ पाइनुङ। एफिसी ३:३०; १कोरिन्‍थी १२:२७; कलस्‍सी १:१९

हिब्रू 4:13

मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।