येरमीया 23:19 - Sunuwar Bible

¹⁹ कोव़ङीन परमप्रभु यावे आ गाइश्‍शो फश गिवार खोदेंशो पा बोक्‍ब। परमप्रभु यावे आ अरेशो लोव़ मटीब आन पियामी फश गिवार जुक्‍ब।

येरमीया 23:19 ပူးပေါင်းရင်းမြစ်များ

भजन संग्रह 58:9

इन ग्‍योंबपुकी सोव़शो चूमी ब्रशो मीम होचा क्‍येङा ङोंइती, मरिम्‍शो पाइबपुकी जाम्‍शा लाइनीम।

हितोपदेस 1:27

शुश हिंतीके ठेयब फश खोदेंशो पा इन तारी जाक्‍त हना, श्‍येत फश गिवार खोदेंशो पा इन तार जाक्‍त हना, श्‍येत नु हिंतीकेम इन कली सुम्‍तु हना,

हितोपदेस 10:25

श्‍येत फश गिवार खोदेंशो पा जाक्‍मेनु परमप्रभु यावे आ अरेशो मटीबपुकी जाम्‍शा लाइनीम। तन्‍न ठीक पाइब मुर गेना हना यो ब्रोंइशा बाक्‍नीम। हितोपदेस १२:७

यसैया 21:1

मिनु परमप्रभु यावेम समुन्‍द्र आ नेक्‍था ङा गोरशो रागी आ पर्बम यसैया कली “नेगेब रे फश पिना पिन बाक्‍ब। मेको गोरशो रागी रे पीब। मेको हिंचा ङा रागी बाक्‍ब।

यसैया 40:24

मेकोपुकी का निक्‍शी ला शोक्‍सीशो बाक्‍नीम। का निक्‍शी ला ख्रुम्‍सीशो बाक्‍नीम। शाक्‍श थोक्‍ची ना दुम्‍मेनु, मेको आन तार मुइक्‍ब। मिनु मेको बेक्‍नीमी। मिनु फश गिवारमी पराल खोदेंशो पा योल्‍ब।

येरमीया 25:31

मेको रेयके पा, थोप्‍ला दाइश्‍शो, रागी ङा सुर सम्‍म नेंसीब। मारदे हना परमप्रभु यावेम रागी रागी आन कली दोस गेब। मिनु मेकोमी मुर नेल्‍ल आन कली निसाफ पाइब। मिनु दोस ताइब तरवारम क्‍योरचा पुंइसीनीम’ दे माइक्‍मी” देंत।

येरमीया 25:32

मुर नेल्‍ल आन परमप्रभु यावेमी “कोव़ङीन शुश श्‍येत दुम्‍तीक रागी का रे अर्को रागी सम्‍म ब्रना ब्रन लाइब। रागी आ सुर रे हिंचा ङा फश गिवार जाक्‍ना जाक्‍न बाक्‍ब” देंत।

येरमीया 30:23

नेनीन, परमप्रभु यावे आ गाइश्‍शोम फश गिवार बोक्‍ब। मेको आ अरेशो मटीब आन पियाम जुक्‍ब। येरमीया २३:१९-२०

येरमीया 30:24

परमप्रभु यावे आ थुंम मिम्‍शो मगाम्‍म सम्‍म मेको आ चुरशो मनांइसीब। गेपुकीमी नोले ङा नाक्‍ती मेको रुप्‍‍नीनी।

येरमीया 4:11

परमप्रभुमी “मेना मार लोव़ पाइनीम देंशा हना ‘एको मुर नु यरूसलेम कली गोरशो रागी ङा डांडा रे होश फश आं प्रुङग मुर आन बाक्‍तीक जाक्‍ब। तन्‍न मेको फशेम क्राप्‍चा यो मदुम्‍ब, हारचा यो मदुम्‍ब।

येरमीया 51:1

मिनु परमप्रभु यावेमी “गो बेबीलोन नु लेब-कमाइ ङा मुर आन पर्बम खतम सेल्‍ब फश गिवार कली सोइक्‍नुङ। खतम सेल्‍ब फश गिवार कली यो खतम सेल्‍ब सोक्‍त देंसीब।

इजीकीएल 1:4

मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

इजीकीएल 13:13

मोपतीके परमप्रभु, परमप्रभु यावेमी “गो आं गाइश्‍शोम थम हिंचा ङा फश गिवार पपाइक्‍नुङ। मिनु आं चुरशोम खतम पोक्‍चा कली रेउ नु मुप्‍स जाक्‍ब।

आमोस 1:14

मोपतीके गो रब्‍बाह ङा गारोम मी सुइक्‍नुङ। मेकोम आन बोल्‍यो दरवार खतम पोक्‍ब। मिनु लडाइ पाइबपुकी शुश रेयके पा, फश गिवार खोदेंशो पा जाक्‍शा, मेको आन कली खतम पोक्‍नीम।

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

जकरिया 9:14

मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।