येरमीया 23:16 - Sunuwar Bible

¹⁶ मुर नेल्‍ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्‍पाइक्‍नीम। परमप्रभु यावे आ लोव़ ममाइ, तन्‍न आन थुंम मिम्‍शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्‍शा गाक्‍ब आन कली ‘गे ठेयब श्‍येत मताइनीनी’ देंनीम। येरमीया ६:१३-१४; येरमीया १४:१४

येरमीया 23:16 ပူးပေါင်းရင်းမြစ်များ

१ राजा 22:11

मेको आन दाते ङा का केनानाह आ तौ सिदकीयाहमी चहिं फलाम के ग्रोव़ सेल्‍सीशो बाक्‍माक्‍त। मिनु मेकोमी “परमप्रभु यावेमी ‘गे एको ग्रोव़मी अरामी आन कली नेल्‍ल मबेक्‍मा सम्‍म ख्रुइक्‍नीनी’ देंत” देंमाक्‍त।

२ राजा 17:15

मेकोपुकीम मेको आ फुल्‍लुम मुशा ब्रेक्‍शो लोव़, मेको आन किकी पिपी नु पशो कबल नु हिंच कोंइशो ममिम्‍तमे बाक्‍त। मेकोपुकी शोर गाक्‍शो मूर्ति आन नोले खोइश्‍शा, आंमा यो शोर गाक्‍शो दुम्‍शो बाक्‍मा बाक्‍त। मेको आन एर ओंथ बाक्‍ब रागी रागी ङा मुर आन नोले खोदमे बाक्‍त। परमप्रभु यावेमी मेको आन कली “गे मेको आन पशो खोदेंशो मपने” देंशा, अरेशो बाक्‍माक्‍त। प्रस्‍थान २३:२४

२ इतिहास 18:5

मिनु इस्राएल ङा पिपमी ४ सहे आ नोले दुम्‍ब लोव़ पाइब आन कली पुक्‍शा, मेको आन कली “गो रामोथ-गिलाद कली लडाइ तोङ देय मतोङ?” दे हिल्‍लो पामी बाक्‍त। मिनु मेकोपुकीम “लडाइ तोने। मारदे हना परमप्रभुम मेको आन कली इन गुइम गेब” देंमा बाक्‍त।

हितोपदेस 19:27

आं तौ, गे जोक्‍ब मुर आन लोव़ रे हेंथे लचा प्रोनो। मो पाप्‍तीवी हना गे शेंशो लोव़ नेंने चाप्‍नेवे। याकूब १:२२

येरमीया 14:14

मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

येरमीया 23:21

मेको आं लोव़ पाइब आन कली गो मसोइक्‍तुमी। मो हना यो मेकोपुकी आन लोव़ कुरशा दोरशा लाम्‍तेक्‍म। गो मेकोपुकी नु लोव़ मपङ। मो हना यो मेकोपुकीमी लोव़ पाम्‍तेक्‍म। येरमीया १४:१४

येरमीया 23:26

गेना सम्‍म मोदेंशो दुम्‍बा? मेको आं लोव़ पाइब आन थुं गेना आं गे लेप्‍बा? मेको जोल पाइब आंम थुं ङा दूली लोव़ पाइबपुकी गेना आं गे लेत्‍नीमी।

येरमीया 29:23

मारदे हना मेको निक्‍शीमी इस्राएलम थम ग्रांग्रा दिशो गेय पशो बाक्‍ताक्‍स। मेको निक्‍शी आस नेक्‍था ङा मुर आन मीश नु इप्‍शो बाक्‍ताक्‍स। मिनु मेकोम आं मअरेशो लोव़ पाम्‍ताक्‍स। गो मेको नेल्‍ल तुइक्‍नुङ। मिनु गो मेको आ सांकछी बाक्‍नुङ” दे परमप्रभु यावेम देंत।

येरमीया 29:8

मुर नेल्‍ल आन परमप्रभु यावे, इस्राएली आन परमप्रभुमी “इन दातेम बाक्‍ब परमप्रभु यावे आ लोव़ पाइबपुकी नु लिंक्‍यु कोव़बपुकीम इन कली जोल पा थमा मसुइक्‍पदमेक्‍ल। आन ङोमु ङा लोव़ मनेनीन। येरमीया १४:१४

येरमीया 9:12

मेको लोव़ रुप्‍चा कली जोक्‍ब तुइक्‍ब सु बाक्‍बा ङा? परमप्रभु यावेम सु कली लोव़ पवा, मेकोमी एको शेंने चाप्‍ब। मारदे मेको रागीम ब्रेश्‍शो खिं ला बाक्‍नीमी? मारदे मेको मुर मबाक्‍तीके खोदेंशो दुम्‍शा, सुइ लने मचाप्‍चा ङा पा, श्‍येत्‍थ दुम्‍शो बाक्‍बा? लूका १९:४२

येरमीया 9:20

मिनु गे मीश मुरपुकी परमप्रभु यावे आ लोव़ नेनीन। मेको आ लोव़ नेंचा कली इन नोफा दाइक्‍तीन। इन तमी आन कली रोंका पचा शेंदीन। आंम नेक्‍था ङा मुर नु रोंका पतीक शेंमुने।

बिलाप 2:9

मेको आ ठेयब लाप्‍चो खपीम दोक्‍तेक्‍म। मेकोमी आ आग्‍लो जिक्‍शा खतम पोक्‍तु। मेकेर ङा पिप नु आन तौ नेल्‍ल रागी रागी ङा मुर आन दातेमी बाक्‍नीम। मेकेर लां कोंइब परमप्रभु यावे आ अरेशो मबाक्‍ब। मिनु परमप्रभु यावे आ लोव़ पाइबपुकीमी परमप्रभु यावे रे पा मारेइ लोव़ मताइ‍नीम।

इजीकीएल 13:16

इस्राएल ङा मेको जोल पा परमप्रभु यावे आ लोव़ पाइबपुकीम यरूसलेम आ पर्बम लोव़ पाम्‍तेक्‍म। मिनु मेकेर थुं नाइश्‍शा बाक्‍तीक मदुम्‍थु यो ‘थुं नाइश्‍शा बाक्‍तीक ताइतक’ देंतेक्‍म।

इजीकीएल 13:23

मोपतीके गेपुकीम मुल रे जोल पा कोंइतीक मताइ‍नीनी। गे लिंक्‍यु मकोव़नीनी। गो आं मुर आन कली इन गुइ रे प्रोंइनुङमी। मिनु गेपुकीम गोन परमप्रभु यावे नङ, दे तुइक्‍नीनी” दे परमप्रभुम देंत।

इजीकीएल 13:3

मेको निप्‍स मपाइश्‍शो आं लोव़ पाइब आन कली ‘आबी, मेको आंमा आन थुं ङा लोव़, आं कोंइतीके मतथु, लोव़ पाइ‍नीम। येरमीया १४:१४

इजीकीएल 13:6

मेको आन तशो लोव़ जोल बाक्‍शा, आन लिंक्‍यु कोव़तीक जोल बाक्‍ब। मेकोपुकीम ‘परमप्रभु यावेमी देंशो बाक्‍ब’ देंनीम। तन्‍न मेको परमप्रभु यावेमी सोइश्‍शो मनम। मो हना यो मेकोम आन लोव़ गाप्‍ल, दे आस पाइनीम। इजीकीएल २२:२८; येरमीया ५:३१

इजीकीएल 22:28

मेको आं लोव़ पाइबपुकीम ‘गो कोंइतीक ताता’ देंखु पा, जोल पा शेंनीम। मेको आन पशो मरिम्‍शो नेल्‍ल बुलु ब्रुइश्‍शो खोदेंशो पा सुम्‍नीम। मेकोपुकीम गो मारेइ मदेंथु ‘परमप्रभु, परमप्रभु यावेमी ओं देंत’ दे फश लोव़ पाइनीम।

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

रोमी 1:21

परमप्रभु यावे नेल्‍ल क्‍येङा ठेयब बाक्‍ब, दे तुइश्‍शा यो ठेयब मसेलेम। परमप्रभु यावे कली “गे रिम्‍शो पाइतीनी” दे यो मदेंम। तन्‍न आन मिम्‍तीकेमी दूली पना पन बाक्‍तेक्‍म। मिनु आन मरुप्‍ब थुं क्‍येङा मरुप्‍ब दुम्‍त। एफिसी ४:१८

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५