येरमीया 23:15 - Sunuwar Bible

¹⁵ मोपतीके मुर नेल्‍ल आन परमप्रभु यावेम आ लोव़ पाइब आन पर्बम “गो मेको आन कली कशो थोव़क उम्‍नुङमी। मिनु तूचा कली बीस ब्‍वाइश्‍‍शो ब्‍वाक्‍कु तूचा गेनुङमी। मारदे हना यरूसलेम ङा परमप्रभु यावे आ लोव़ पाइब रेन रागी नेल्‍लेम परमप्रभु यावे कली थमा मसुइश्‍शो बाक्‍नीम” देंत। येरमीया ९:१५

येरमीया 23:15 ပူးပေါင်းရင်းမြစ်များ

भजन संग्रह 69:21

मेकोपुकीमी आं जचा थोव़कमी खाइल कुर पा गेतीमी। गो तूतू दाक्‍ङानु, ग्‍युरशो तूचा थोव़‍क गेतीमी। मत्ती २७:३४,४८

येरमीया 14:15

मोपतीके परमप्रभु यावेम मेको आ लोव़ पाइब आन पर्बम, सुम आ नेंम लोव़ पाइनीमी, मेको आन कली सोइश्‍शो मनङ। मो हना यो मेकोपुकीम ‘तरवार नु अन्‍कालम एको रागी कली मताइब’ देंशो बाक्‍नीम। मुल तरवार नु अन्‍कालमीन जोल पा आं लोव़ पाइबपुकी साइक्‍चा पुंइसीनीम। ब्‍यवस्‍था १८:२०

येरमीया 8:14

मुरुमी “गो मारदे एकेर निश्‍शा बाक्‍या। मुर आन कली पुक्‍शा, गो गारो हिरशो सहर आ आगा मेर प्रोक्‍य। मिनु मेकेरेन बेक्‍य। मारदे हना परमप्रभु इं परमप्रभु यावेम इं कली बेक्‍पाइक्‍चा कली सोइश्‍शो बाक्‍ब। मिनु इं कली बीस ब्‍वाइश्‍शो ब्‍वाक्‍कु तूचा गेप्‍तु। मारदे हना गो परमप्रभु यावे कली पाप पाइतय। येरमीया ९:१४

येरमीया 9:14

मेको आन खकटा थुंमी आन दला दाक्‍स पा बाल देवता आ नोले खोइक्‍तेक्‍म। मेको आन किकी पिपी शेंशो लांम गाक्‍तेक्‍म। येरमीया ७:२४

येरमीया 9:15

मोपतीके परमप्रभु यावे, मुर नेल्‍ल आन परमप्रभु, इस्राएली आन परमप्रभुमी “गो एको मुर आन कली कशो थोव़क उम्‍नुङमी। मिनु तूचा कली बीस ब्‍वाइश्‍शो ब्‍वाक्‍कु तूपाइक्‍नुङमी। येरमीया २३:१५; येरमीया ८:१४

बिलाप 3:15

मेकोमी आं थुं खाइक्‍पाइश्‍शा, आं कली कशो तूचा थोव़क तूपाइक्‍ती।

बिलाप 3:19

आं श्‍‍येत आ पर्बम मिम्‍तीके नु आं खिं मबाक्‍तीके खाइल खोदेंशो पा कशो दुम्‍ती।

बिलाप 3:5

मेकोमी आं कली सुर्ता पतीक नु श्‍येत जतीकेम पुम्‍शा गिल्‍पाइक्‍ती।

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

मत्ती 27:34

मिनु ग्‍युरशो अङगुर शांबु खाइल ब्‍वाइश्‍शा तूतीके सेल्‍शा, तूचा गेमेनु, येसुमी थाम्‍शा ङा मिन, तूने मबिस्‍से बाक्‍त। भजन संग्रह ६९:२२

ब्‍यवस्‍था 29:18

मिनु इन दाते रे सुइ वोंइश मुर, मीश मुर, खिं ङा मुर नु थर ङा सुइ आन थुं परमप्रभु यावे, इं परमप्रभु रे नोले शोंइसी‍शा, मेको रागी रागी ङा देवी देवता आन कली पूजा पचा दाक्‍ब बाक्‍नीम कों? इन दातेमी मोदेंशो ओश्‍येर पाइश्‍शो शाक्‍श का बाक्‍बा कों? ब्‍यवस्‍था ३२:३२; होसे १०:४; आमोस ६:१२; हिब्रू १२:१५

प्रकाश 8:11

मेको सोरुल आ नें कशो बाक्‍त। तेकेर मेको सोरुल दोक्‍मे, मेकेर ङा ब्‍वाक्‍कु कशो दुम्‍त। मिनु शुश मुरपुकी मेको कशो दुम्‍शो ब्‍वाक्‍कु तूशा बेक्‍तेक्‍म।