येरमीया 22:8 - Sunuwar Bible

⁸ मिनु शुश रागी रागी ङा मुरपुकी एको सहर रे पा लाइनीम। मिनु मेको नेल्‍लेमी ‘परमप्रभु यावेम, मारदे एको ठेयब सहर कली ओदेंशो पवा?’ देंमुइनीम।

येरमीया 22:8 ပူးပေါင်းရင်းမြစ်များ

येरमीया 16:10

मिनु गे एको मुर आन कली एको लोव़ नेल्‍ल देंनेनु, मेकोपुकीमी इ कली ‘मारदे परमप्रभु यावेम आंइ कली ओदेंशो ठेयब मरिम्‍शो दुम्‍तीक देंमे? आंइ मरिम्‍शो पशो मार बाक्‍बा? गो परमप्रभु यावे, आंइ परमप्रभु कली मार पाप पका ङा?’ देंनीम। येरमीया ५:१९

येरमीया 40:2

मिनु पिप कली कोव़ब आन कप्‍तानमी येरमीया कली थिश्‍शा, मेको कली “परमप्रभु यावे, इ परमप्रभुम एको रागीम ठेयब श्‍येत गे‍तीक आ पर्बम लोव़ पशो बाक्‍त।

येरमीया 40:3

मुल परमप्रभु यावेम एको रागी क्‍याम्‍ताक्‍व। मिनु मेकोमी आ देंशो खोदेंशो पाप्‍तु। मारदे हना गेपुकीम परमप्रभु यावे कली पाप पाइतीनी। मिनु मेको आ देंशो मटिनी। मोपतीके इन कली ओदेंशो दुम्‍त।

बिलाप 4:12

आ जोरी सत्रु यरूसलेम ङा ठेयब लाप्‍चो रे पा ओव़नीम, देंशो रागी नेल्‍ल ङा पिप नु मेकेर बाक्‍ब मुर सुइमी यो थमा सुइक्‍ने मचबेम।

इजीकीएल 12:16

तन्‍न गो मेको आन दाते ङा का निक्‍शी आन कली तरवार, अन्‍काल नु मुर बेक्‍तीक रोइ रे प्रोंइनुङमी। मिनु मेकोपुकी ते ते बाक्‍नीमी, मेक मेक ङा रागी रागी ङा मुर आन दातेम आन ग्रांग्रा दिशो गेय पशो आ पर्बम बित्‍‍चीम ला मो पका बाक्‍त देंमल। मिनु मेकोपुकीम गोन परमप्रभु यावे नङ, दे तुइक्‍नीम” दे परमप्रभुम देंत। इजीकीएल ६:८

इजीकीएल 14:23

मेको आन मिम्‍शो नु आन पशो तशा, मेकोपुकीम इ थुं नाइक्‍पाइक्‍नीम। मिनु गो मेकेर मार मार पङा, मेको नेल्‍ल मोशीन मपङ, दे तुइक्‍नेवे” दे परमप्रभु, परमप्रभु यावेमी देंत।

इजीकीएल 39:23

मिनु रागी रागी ङा मुरपुकीम इस्राएल आ खिं ङा मुर आन मरिम्‍शो पतीके ग्‍याइश्‍शा लाइक्‍चा पुंइसीशो बाक्‍तेक्‍म, दे तुइक्‍नीम। मारदे हना मेकोपुकीम आं कली मरिम्‍शो पाम्‍‍तेक्‍म। मोपतीके गो आं कुल मेको आन रे ख्रुइक्‍ताक्‍ङ। मिनु मेको आन कली आन जोरी सत्रु आन गुइम गेतामी। मिनु मेको नेल्‍ल तरवारम साइक्‍चा पुंइसाक्‍म। यसैया ५४:८

इजीकीएल 5:15

गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

दानीएल 9:7

परमप्रभु, गे ठीक पाइब बाक्‍नीनी। गो चहिं मुने दोक्‍शो बाक्‍नीकी। मुलाक्‍ती यहूदा ङा मुर, यरूसलेममी बाक्‍ब, इस्राएली नेल्‍ल आन नेक्‍था नु ङोन रागीम खेरचा पुंइसीशो मुर नेल्‍ल इन कली प्रोंइशो आ पर्बम दोस ताइब दुम्‍तेक्‍म।