येरमीया 22:26 - Sunuwar Bible

²⁶ गो गे नु इ कली जरमेब इ ममा इस कली अर्को रागीम ताइक्‍नन्‍सी। मिनु गे निम्‍फा मेकेर बेक्‍नीसी।

येरमीया 22:26 ပူးပေါင်းရင်းမြစ်များ

२ राजा 24:15

नेबुकदनेसरमी येहो-याकीन कली ग्‍याइश्‍शा बेबीलोनम लदा बाक्‍त। पिप आ ममा, पिप आ मीशपुकी, मेको आ ठेयब गेय पाइबपुकी नु नेल्‍ल क्‍येङा जोक्‍ब तुइक्‍ब आन कली यरूसलेम रे ग्‍याइश्‍शा बेबीलोन लदा बाक्‍त। येरमीया २२:२६

२ राजा 24:8

येहो-याकीन पिप दुम्‍मेनु १८ बर्स दुम्‍शो बाक्‍माक्‍त। मेकोमी यरूसलेमम महिना सां सासन पवा बाक्‍त। मेको आ ममा आ नें नहुश्‍ता बाक्‍माक्‍त। मेको यरूसलेम ङा एल्‍नाथान आ तमी बाक्‍माक्‍त। येरमीया २२:२४-३०

२ राजा 25:27

यहूदा ङा पिप येहो-याकीन ग्‍याइश्‍शा लाइश्‍शो ३७ बर्स, १२ महिना ङा २७ नाक्‍त दुम्‍मेनु, प्रोंइचा पुंइसे बाक्‍त। मिनु एवील-मेरोदक बेबीलोन ङा पिप दुम्‍शा सासन पशो आ ङोंइती ङा बर्सम मेको कली प्रोना बाक्‍त। २राजा २४:१५

२ राजा 25:29

मोपा येहो-याकीनमी आ चोक्‍सीशो वा प्रुदा बाक्‍त। मिनु आ लीशो नाक्‍त नेल्‍ल पिप नु बाक्‍शा जवा बाक्‍त।

२ राजा 25:30

बेबीलोन ङा पिपमी मेको कली ब्रोंइम सम्‍म नाक्‍त किंत किंत आ माल्‍शो मारेइ मारेइ गेवा बाक्‍त।

यसैया 22:17

परमप्रभु यावेमी इन कली एक रे मरिम्‍शो पा ङोन ताइक्‍ब। इन कली बोल्‍यो पा ग्‍याइक्‍ब।

येरमीया 10:18

मारदे हना परमप्रभु यावेम “गो मेको रागी ङा मुर आन कली ताइक्‍नुङमी। मेको आन कली शुश श्‍येत गेनुङमी। मिनु मेकोपुकीम तुइक्‍नीम” देंत।

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 16:13

मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४

येरमीया 22:27

तन्‍न मेको आस लेत्‍चा माल्‍शो रागीम, लेत्‍चा मताइनीस।

येरमीया 28:4

मिनु गो यहूदा ङा पिप येहो-याकीम आ तौ येकोन्‍याह नु यहूदा रे ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे चाक्‍नुङमी। मारदे हना गो बेबीलोन ङा पिप आ जुवा जिक्‍शा गेनुङ’ ” दे परमप्रभु यावेमी देंत। येरमीया २७:२०

येरमीया 29:2

पिप येकोन्‍याह आ ममा, दरवार ङा ठेयब मुरपुकी, यहूदा नु यरूसलेम ङा सरकार आ गेय पाइब, रिम्‍शो पा मारेइ मारेइ सेल्‍स जोल्‍ब मुर नु तुप्‍तीलपुकी यरूसलेम रे ग्‍याइश्‍शा लाइक्‍चा पुंइसीमा नोले मेको चिठी ब्रेक्‍शो बाक्‍ब। येहो-याकीम आ नें २राजा २४:६ योयाकीन बाक्‍ब। तन्‍न येरमीया २२:२४ आ नें कोन्‍याह बाक्‍ब। मिनु येरमीया २४:१ येकोन्‍याह यो देंनीम। २राजा २४:१४-१५

येरमीया 44:14

मोपा इजीप्‍तम बाक्‍शो यहूदा ङा लीशो मुर सुइ प्रोक्‍चा मताइनीम। सुइ मब्रोंइनीम। मिनु सुइ यहूदा रागी लेत्‍चा मताइनीम। मो हना यो मेकेर बाक्‍चा कली लचा दाक्‍नीम। ङोंइती प्रोक्‍शा लशो का निक्‍शी ला लेत्‍चा ताइनीमी” देंत।