येरमीया 22:22 - Sunuwar Bible

²² इ गोठला नेल्‍ल आन कली फशेम बेर पाइश्‍शा योल्‍ब। मिनु इ वारच नेल्‍ल ग्‍याइश्‍शा लाइक्‍चा पुंइसीनीम। मेना गे इ मरिम्‍शो गेयम पतीके मुने दोक्‍शा, आमाइ, मेको श्‍येत नेल्‍ल परमप्रभु यावे आ अरेशो मटितीके दुम्‍शो बाक्‍ब।

येरमीया 22:22 ပူးပေါင်းရင်းမြစ်များ

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

यसैया 65:13

मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्‍नीनी। आं गेय पाइब तूचा ताइनीम। गे चहिं तूतू दाक्‍शा बाक्‍नीनी। आं गेय पाइबपुकी ग्‍येरनीमी, गे चहिं मुने दोक्‍नीनी। यसैया ५५:१

येरमीया 10:21

गोठलापुकी निप्‍स मपाइश्‍शो बाक्‍नीम। मेकोपुकीमी परमप्रभु यावे कली हिल्‍लो मपाइनीम। मोपतीके मेकोपुकी रिम्‍शो मदुम्‍नीम। मेको आन क्‍यारश भेडा नेल्‍ल ब्राम्‍तेक्‍म। येरमीया २३:१

येरमीया 12:10

शुश गोठलापुकीम आं अङगुर रू खतम सेल्‍तेक्‍म। मेकोपुकीमी आं भाग दिम्‍शा ताइश्‍शा पाम्‍तेक्‍म। मेकोपुकीमी आं दारशो भाग कली गोरशो रागी खोदेंशो पा मुर मबाक्‍तीक सेल्‍तेक्‍म। येरमीया ६:३

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३

येरमीया 2:37

गे मेकेर रे यो हिंचा ङा पा प्रोक्‍चा माल्‍नेवे। मारदे हना परमप्रभु यावेमी थमा सुइक्‍चा कली योव़शो आन कली आ नेक्‍था मजाक्‍चा ङा पा तिल्‍तु। मेको आन वारच पतीके इ कली शोर गाक्‍शो बाक्‍ब” दे परमप्रभुम देंत।

येरमीया 2:8

चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

येरमीया 4:30

गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

येरमीया 5:13

परमप्रभु यावे आ लोव़ पाइबपुकी फश बाक्‍नीम। मारदे हना परमप्रभु यावे आ लोव़ मेकोपुकी नु मबा। तन्‍न मेको लोव़ मेको मो देंब आन कली दुम्‍ब” देंतेक्‍म।

येरमीया 7:19

मिनु मार, मेकोपुकीमी आं कली गाइक्‍पाइक्‍चा कली मो पशो मनमी ङा? मिनु मार, मेकोपुकीमी श्‍येत जचा कली मो पशो मन‍मी ङा?” देंत

होसे 12:1

एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 13:15

मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।

होसे 4:19

ठेयब फश गिवार पशा, मेको आन कली योल्‍ब। मिनु मेको आन चढ़ेशो आ पर्बम मुने दोक्‍नीम।

जकरिया 11:17

आबी आबी, शोर गाक्‍शो गोठला। मेकोमी बगाल प्रोंइब। तरवारमी आ ग्‍युरा गुइ नु आ ग्‍युरा मिक्‍च कली आ‍बल। मिनु मेको आ ग्‍युरा गुइ नेल्‍ल सोव़ल। आ ग्‍युरा मिक्‍च बुक्‍शा मताइब दुम्‍ल” देंत।

जकरिया 11:8

गो महिना कामी गोठला सां आन कली खेर‍तामी। गो मेको आन गेय तशा ब्रीशा, फाल्‍ने मचाप्‍शो बाक्‍ती।