येरमीया 22:18 - Sunuwar Bible

¹⁸ मोपतीके परमप्रभु यावेम “यहूदा ङा पिप योसीयाह आ तौ येहो-याकीम आ पर्बम ‘आबी, मुरपुकीमी मेको आ पर्बम रोंका पची ना आं लोक्‍ब, आबी, आ समी मदेंनीम’ मेको आ पर्बम मङाक्‍नीम। मिनु ‘आबी, आं प्रभु, आबी, मान ताइब पिप’ दे मेको आ पर्बम मङाक्‍नीमी। २राजा २३:३४

येरमीया 22:18 ပူးပေါင်းရင်းမြစ်များ

२ सामुएल 1:26

आं लोक्‍ब योनाथन, गो इ पर्बम रोंका पाइ‍नुङ। गो इ कली थाम्‍पा दाक्‍ताक्‍न। इ आं कली दाक्‍शो ठेयब बाक्‍त। मीश मुर आन कली दाक्‍तीक क्‍येङा यो लाक्‍शो बाक्‍त।

१ राजा 13:30

मिनु मेकोम मेको बेक्‍शो मुर कली आ तुरसुमीन थिमा बाक्‍त। मिनु मेकोपुकीम “ए आंइ लोक्‍ब, ए आंइ लोक्‍ब” दे रोंका पामे बाक्‍त। येरमीया २२:१८

२ राजा 23:36

येहो-याकीम पिप दुम्‍मेनु मेको २५ बर्स दुम्‍शो बाक्‍माक्‍त। मेकोम यरूसलेममी ११ बर्स सासन पवा बाक्‍त। मेको आ ममा आ नें जेबीदाह बाक्‍माक्‍त। मेको रूमाह सहर ङा पेदायाह आ तमी बाक्‍माक्‍त।

२ राजा 23:6

मेकोमी अशेराह देवी आ मूर्ति पाइश्‍शो थाम परमप्रभु यावे आ खिं यरूसलेम रे ग्रुंइशा, किद्रोन खोल्‍साम लाइश्‍शा चोपाइक्‍मी बाक्‍त। मिनु मुरपुकीम मेको कली फुरक सेल्‍मे बाक्‍त। मिनु मेको आइक्‍च मुर आन तुरसुम फ्रामे बाक्‍त। २राजा २१:७

२ राजा 24:6

मिनु येहो-याकीन बेक्‍माक्‍त। मिनु मेको आ पा ङा आ तौ येहो-याकीन पिप दुम्‍माक्‍त।

१ इतिहास 3:15

योसीयाह आ ङोंइती थिशो तौ योहानान बाक्‍माक्‍त। योसीयाह आ माइला येहो-याकीम, आ साइला सिदकीयाह नु आ कान्‍छा शाल्‍लुम बाक्‍माक्‍त।

२ इतिहास 35:25

मिनु येरमीयाम यो योसीयाह आ पर्बम रोंका पशो कुम्‍सो सेला बाक्‍त। मिनु कुम्‍सो पाइब मीश मुर वोंइश मुर नेल्‍लेमी मुल सम्‍म मेको रोंका पतीक कुम्‍सो पा योसीयाह कली मिम्‍नीम। मिनु मेको रोंका पतीक कुम्‍सो इस्राएली आन पतीके दुम्‍शो बाक्‍ब। मेको कुम्‍सो बिलाप किताबपुकी बाक्‍नीम।

२ इतिहास 36:5

मिनु येहो-याकीम पिप दुम्‍मेनु, २५ बर्स दुम्‍शो बाक्‍माक्‍त। मेकोमी यरूसलेमम ११ बर्स सासन पवा बाक्‍त।

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 16:6

एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१

येरमीया 21:11

परमप्रभु यावेम “यहूदा ङा पिप आ खिं ङा मुर आन कली ‘परमप्रभु यावे आ लोव़ नेनीन।

येरमीया 22:10

बेक्‍शा लशो आन पर्बम मङाक्‍कीन। मेको आन पर्बम रोंका मपने। मेको क्‍येङा यो ग्‍याइश्‍शा लाइश्‍शो मुर आन पर्बम ङाक्‍कीन। मारदे हना मेको गेनायो मलेप्‍ब। मेकोमी आ रागी गेनायो मताइब। २राजा २३:२९-३४

येरमीया 22:12

मेको कली तेको रागीम ग्‍याइश्‍शा लद‍मे। मेको मेक उइ बेक्‍ब। मेकोमी एको रागी लेंशा गेनायो मताइब।

येरमीया 34:5

गे इन थुं नाइश्‍शा बेक्‍नीनी। मिनु दोपा इन किकी पिपी इन ङोंइती ङा पिप आन कली मुरपुकीमी ब्रोव़शो रिना पाइब थोव़क चोशा थिम्‍मे, मोपा मेकोपुकीमी इन कली यो थिम्‍नीम। इन पर्बम ‘आंइ प्रभु’ दे रोंका पाइनीम। गो मेको लोव़ पाता, दे नेल्‍लेम नेंचा ङा पा देनो” दे परमप्रभु यावेमी देंत। २इतिहास १६:१४; येरमीया २२:१८

येरमीया 36:30

मोपतीके परमप्रभु यावेमी यहूदा ङा पिप येहो-याकीम आ पर्बम “मुल रे दाऊद आ नित्‍तीकेम मेको आ चच युइ तेकोइ मनित्‍नीम। मेको पिप आ बेक्‍शो रां नाक्‍त नांम नु नाक्‍दो फुरशेम जिप्‍पाइक्‍चा ङा पा तांइसीब। येरमीया २२:३०; येरमीया २२:१९