येरमीया 22:11 - Sunuwar Bible

¹¹ परमप्रभु यावेम यहूदा ङा पिप योसीयाह आ तौ शाल्‍लुम आ पर्बम लोव़ पाइब। मेको आ आफ आ पा ङा यहूदा ङा पिप दुम्‍त। मिनु मुल मेको एक रे लत। मेको एक लेश्‍शा मजाक्‍ब।शाल्‍लुम कली योआहास यो देंनीम। १इतिहास ३:१५; २इतिहास ३६:१-४

येरमीया 22:11 ပူးပေါင်းရင်းမြစ်များ

२ राजा 23:29

पिप योसीयाहम सासन पवा ना इजीप्‍त ङा पिप फाराओ नेको अस्‍सुर ङा पिप नु लडाइ पचा कली युफ्रेटीस खोला गे लमाक्‍त। मिनु पिप योसीयाह फाराओ नेको नु लडाइ पचा कली मेकेर लमाक्‍त। तन्‍न नेकोम योसीयाह नु लडाइ पा मेको कली मेगीददोम सदा बाक्‍त।

२ राजा 23:30

मिनु मेको आ गेय पाइबपुकीम मेको आ बेक्‍शो रां बग्‍गीम कुर पा मेगीददो रे यरूसलेमम चाक्‍गमे बाक्‍त। मिनु मेको कली आ तुरसुमीन वोद‍मे बाक्‍त। मिनु मेको रागी ङा मुरपुकीम मेको आ तौ येहो-अहाज कली तेल लुक्‍शा, मेको आ पा ङा पिप सेल्‍मे बाक्‍त।

२ राजा 23:31

येहो-अहाज पिप दुम्‍मेनु २३ बर्स दुम्‍शो बाक्‍माक्‍त। मेकोम यरूसलेममी महिना सां सासन पवा बाक्‍त। मेको आ ममा आ नें हामुतल बाक्‍माक्‍त। मेको लिब्‍ना ङा येरमीया आ तमी बाक्‍माक्‍त।

२ राजा 23:34

मिनु फाराओ नेकोमी योसीयाह आ तौ एल्‍याकीम कली मेको आ आफ योसीयाह आ पा ङा पिप सेल्‍शा वोदा बाक्‍त। मिनु फाराओ नेकोमी मेको आ नें एल्‍याकीम रे येहो-याकीम वोदा बाक्‍त। तन्‍न मेकोमी येहो-अहाज कली इजीप्‍त रागी लदा बाक्‍त। मिनु मेको इजीप्‍त उइ बेक्‍माक्‍त। १इतिहास ३:१५

१ इतिहास 3:15

योसीयाह आ ङोंइती थिशो तौ योहानान बाक्‍माक्‍त। योसीयाह आ माइला येहो-याकीम, आ साइला सिदकीयाह नु आ कान्‍छा शाल्‍लुम बाक्‍माक्‍त।

२ इतिहास 28:12

मिनु लेंशा का निक्‍शी एफ्राइम ङा ठेयब मुर योहानान आ तौ अजारयाह, मेशील्‍लेमोथ आ तौ बेरेक्‍याह, शाल्‍लुम आ तौ येहीज्‍क्‍याह नु हादले आ तौ आमासाम लडाइ रे लेश्‍शा जाक्‍शो आन कली ग्रुम्‍शा,

२ इतिहास 34:22

मोपतीके हिल्‍कीयाह नु पिपम सोइश्‍शो मुरपुकी परमप्रभु यावे आ लोव़ पाइब हुल्‍दा आ बाक्‍तीकेम हिल्‍लो पथ लमा बाक्‍त। मेको पिप आ दरवार ङा वासी कोव़ब हास्रा आ चच तोखाथ आ तौ शाल्‍लुम आ मीशे बाक्‍माक्‍त। मेको यरूसलेम ङा नक सहरम बाक्‍बाक्‍माक्‍त। मिनु मेको कली नेल्‍ल लोव़ देंमा बाक्‍त।

येरमीया 22:27

तन्‍न मेको आस लेत्‍चा माल्‍शो रागीम, लेत्‍चा मताइनीस।

सेफन्‍याह 1:1

यहूदा ङा पिप आमोन आ तौ योसीयाहमी सासन पवा ना परमप्रभु यावेमी सेफन्‍याह कली लोव़ पाप्‍तु। सेफन्‍याह आ आफ कूशी बाक्‍माक्‍त। कूशी आ आफ गेदाल्‍याह बाक्‍माक्‍‍त। गेदाल्‍याह आ आफ अमारयाह बाक्‍माक्‍‍त। मिनु अमारयाह आ आफ हिज्‍कीयाह बाक्‍माक्‍त। येरमीया १:२