येरमीया 21:9 - Sunuwar Bible

⁹ मेको सहरम बाक्‍ब मुर तरवार, अन्‍काल नु मुर बेक्‍तीक रोइम बेक्‍चा माल्‍नीम। तन्‍न सु लाङगा ग्रूशा, इन कली पुम्‍ब कल्‍दी आन कली जिम्‍मा गेंसीबा, मेको ब्रोंइब। मेकोम आ सोक्‍त ला प्रोंइब। येरमीया ३८:२

येरमीया 21:9 ပူးပေါင်းရင်းမြစ်များ

येरमीया 14:12

मेकोपुकी माइजा बाक्‍तेक्‍म हना यो, गो मेको आन पुंइशो मनेंनुङ। मेकोपुकीमी चोशा चढ़ेतीके, अन्‍न चढ़ेतीके चढ़ेम्‍तेक्‍म हना यो, गो मेको आन कली मब्राइ‍नुङमी। मेको आ पा ङा गो मेको आन कली, तरवार, अन्‍काल नु बेक्‍तीक रोइम साइक्‍नुङमी” दे माइक्‍ती। यसैया ५८:३; येरमीया ६:२०

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 27:11

तन्‍न तेको रागी आ शुर बेबीलोन ङा पिप आ जुवा आगाम वोइक्‍बा, मेको आ वाइल दुम्‍बा, मेको रागी ङा मुर आन कली गो आन रागीमीन दोचा कोक्‍‍चा नु बाक्‍चा गेनुङमी” दे परमप्रभु यावेम देंत।

येरमीया 27:12

मिनु गो मेको लोव़ यहूदा ङा पिप सिदकीयाह कली देंती। मेको कली “बेबीलोन ङा पिप आ जुवा इन शुरम वोतीन। मिनु मेको नु मेको आ मुर आन वाइल दुमीन। मिनु गे ब्रोंइनीनी।

येरमीया 27:13

परमप्रभु यावेम बेबीलोन ङा पिप आ वाइल मदुम्‍ब, रागी ङा मुर आन कली गे तरवार, अन्‍काल नु मुर बेक्‍तीक रोइम बेक्‍चा माल्‍नीनी। मारदे गे नु इन मुर बेक्‍चा दाक्‍नीनी?

येरमीया 38:2

परमप्रभु यावेम “सु सु एको सहरमी बाक्‍नीमी, मेकोपुकी तरवार, अन्‍काल नु मुर बेक्‍तीक रोइम बेक्‍नीम। तन्‍न सु सु गुइ पोक्‍शा, कल्‍दी आन बाक्‍तीके जाक्‍दीत्‍नीमी, मेकोपुकी चहिं ब्रोंइनीम। मेको आन गिंम प्रोंइशा लडाइ रे ब्रोंइनीम” देंशो बाक्‍त। येरमीया २१:९

येरमीया 38:3

मिनु परमप्रभु यावेमी “एको सहर थमा पा बेबीलोन ङा पिप आ लडाइ पाइब आन गुइम दुम्‍ब। मिनु मेकोपुकीमी एको सहर आन के सेल्‍नीम” देंत, दे येरमीयाम देंशो बाक्‍त।

येरमीया 39:18

परमप्रभु यावेमी ‘गो इ कली थमा पा प्रोंइनन। गे तरवारम साइक्‍चा मपुंइसीनेवे। गे लडाइ रे इ गिंम प्रोंइशा प्रोक्‍नेवे। मारदे हना गे आं कली थमा सुइश्‍शो बाक्‍नेवे देंशो बाक्‍ब’ दे मतो” दे परमप्रभु यावेमी देंत।

येरमीया 45:5

मिनु गे आंम इ कली मारेइ मारेइ ठेयब थोव़क माल्‍नेवे? गे मेको ममालो। मारदे हना गो मुर नेल्‍ल आन कली ठेयब श्‍येत जपाइक्‍नुङमी। तन्‍न गे ते लाइनेवे, मेके गो इ कली लडाइ रे ब्रोंइचा गेनुङ’ ” दे परमप्रभु यावेमी बारुक आ पर्बम देंत। येरमीया ३९:१८; येरमीया ४३:४-६

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२