येरमीया 20:5 - Sunuwar Bible

⁵ गो एको सहर ङा शोंप नेल्‍ल, आ चेम्‍शो क्‍येट नेल्‍ल, आ शुश क्‍येट लाइब थोव़क नेल्‍ल नु यहूदा ङा पिप आन शोंप नेल्‍ल आन जोरी सत्रु आन कली गेनुङमी। मेकोपुकीमी आन मारेइ मारेइ रोइश्‍शा, मेको आन कली ग्‍याइश्‍शा बेबीलोन लाइक्‍नीम। यहोसु ३९:६

येरमीया 20:5 ပူးပေါင်းရင်းမြစ်များ

२ इतिहास 36:10

मिनु बर्खा जाक्‍चावानु, पिप नेबुकदनेसरम मुर सोइश्‍शा परमप्रभु यावे आ खिं ङा रिम्‍शो रिम्‍शो ग्‍योंबपुकी नु मेको पिप कली बेबीलोनम चाक्‍पदा बाक्‍त। मिनु मेकोमी मेको पिप आ खिं ङा मुर का सिदकीयाह कली यहूदा नु यरूसलेम ङा पिप सेला बाक्‍त। येरमीया २२:२४-३०

यसैया 39:6

‘इ खिंम बाक्‍शो, इ किकी पिपीमी तेल्‍शा वोइश्‍शो मुल सम्‍म बाक्‍शो मारेइ मारेइ काबु बेबीलोन चाक्‍दीत्‍नीम। मारेइ मलीनीम’ दे परमप्रभु यावेमी देंत। २राजा २४:१३

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 15:13

इन पापम पतीके इन रागी नेल्‍लेम इन शोंप नु इन मारेइ मारेइ गो मोशान रोइश्‍शो मार मार खोदेंशो पा योक्‍शा गेनुङमी। येरमीया १७:३

येरमीया 17:3

मेको डांडा तार नु रूम बाक्‍तेक्‍म। मिनु इन रागी ङा शोंप नु इन रिम्‍शो मारेइ मारेइ थोव़क नेल्‍ल इन पाप पतीकेम रोइक्‍पाइक्‍नुङ। येरमीया १५:१३

येरमीया 3:24

गोपुकी आंइ ठिटा ठिटी रेन मेको मुने तोक्‍ब गेयमी आंइ किकी पिपी रे श्‍येत पा गेय पशो नेल्‍ल नेक्‍‍तु। मेको आन क्‍यारश भेडा, आन बी ब्‍यफ नु आन तमी तौ आन कली नेक्‍‍तु।

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 39:2

मिनु सिदकीयाहम सासन पशो ११ बर्स ४ महिना ९ नाक्‍ती मेको सहर ङा गारो प्रेश्‍शा ओव़तेक्‍म।

येरमीया 39:8

कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म।

येरमीया 4:20

खतम दुम्‍तीक तार खतम दुम्‍तीक जाक्‍ब। रागी नेल्‍ल मुर मबाक्‍तीक दुम्‍त। आं ताम्‍बु नु फारतीक वा नेल्‍ल याम काम खतम दुम्‍तेक्‍म।

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

बिलाप 1:7

यरूसलेममी ठेयब श्‍येत जतीक नु सुर्ता पतीक नाक्‍ती जाक्‍चा क्‍येङा ङोंइती आंम के बाक्‍शो शोंप नेल्‍ल मिम्‍ब। मेको आ मुर आन जोरी सत्रु आन गुइमी गेचा पुंइसीची ना सुइमी मेको कली वारच मपाम। आ जोरी सत्रुम मेको आ श्‍येत तशा शुक्‍शी पाम्‍तेक्‍म।

बिलाप 4:12

आ जोरी सत्रु यरूसलेम ङा ठेयब लाप्‍चो रे पा ओव़नीम, देंशो रागी नेल्‍ल ङा पिप नु मेकेर बाक्‍ब मुर सुइमी यो थमा सुइक्‍ने मचबेम।

इजीकीएल 22:25

मेकेर बाक्‍ब पिप आ तौ आन सिखार ग्‍याइश्‍शो ङरर ङरर पाइब गुप्‍स खोदेंशो बाक्‍नीम। मेकोपुकीम मुर आन कली नेक्‍तेक्‍म। शोंप नु शुश क्‍येट लाइब, मार मार रोइक्‍ताक्‍म। मिनु मेको आन दाते ङा शुश मीश मुर आन कली वोंइश बेक्‍शो मीश मुर सेल्‍तेक्‍म। इजीकीएल ३४:३,८; सेफन्‍याह ३:३; भजन संग्रह १४:४

दानीएल 1:2

मिनु परमप्रभुमी यहूदा ङा पिप येहो-याकीम कली ब्रुपाइक्‍तु। मिनु परमप्रभुमी आ खिं ङा बोस का निक्‍शी यो मेको कली गेप्‍तु। मिनु नेबुकदनेसरमी मेको बोसपुकी शिनार रागीमी लाइश्‍शा, आ देवता आ खिं ङा मार मार शोंप वोइक्‍तीके कोठाम वोइक्‍तु। शिनार रागी बेबीलोन रागी बाक्‍ब। उत्‍पत्ती ११:२

होसे 13:15

मेको आ लोक्‍ब आन दातेमी रिम्‍शो दुम्‍शा सोशा बोशा लत हना यो, गो मेको कली शिशी मपाइनुङ। परमप्रभु यावे रे पा पूर्ब ङा फश गोरशो रागी रे पा जाक्‍ब। मिनु आ ब्‍वाक्‍कु बुक्‍तीक सोव़ब। मेको आ इनार यो सोव़नीम। मोपा मेको आ शुश क्‍येट लाइब मारेइ मारेइ नेल्‍ल नुप्‍नीम।