येरमीया 20:17 - Sunuwar Bible

¹⁷ मारदे हना मेकोमी आं कली आं ममा आ कोव़ज उइ मसाइय्‍यी। मो दुम्‍शो हना, आं ममा, आं तुरस दुम वा। मिनु आ कोव़ज गेना हना यो ठेयब दुम वा।

येरमीया 20:17 ပူးပေါင်းရင်းမြစ်များ

अय्‍युब 3:16

मारदे गो शाम्‍शो आल खोदेंशो पा थिम्‍चा मपुंइसीङा? मो दुम्‍शो हना गो हाम्‍सो गेनायो मतशो आल खोदेंशो पा बाक्‍ङ वा।

उपदेसक 6:3

सुइ मुर का के सहे का जना आल बाक्‍शा, मेको शुश बर्स ब्रोंइशा यो आ चेम्‍शो जशा मग्‍येरसीब, रिम्‍शो पा थिम्‍चा यो मपुंइसीब। मेको क्‍येङा शाम्‍शा लशो आल कली रिम्‍शो बाक्‍ब। उपदेसक ४:३

येरमीया 15:10

आं ममा, मारदे आं कली जरमेनी। गो आं कली रागी नेल्‍लेम सुइ सुइम जिचा पोक्‍शा, गो नु सुइ मदुइनीम। गो मेको आन कली ना जेर गेशो बाक्‍नुङा, ना मेको आन रे जेर ज‍शो बाक्‍नुङा। मो हना यो मुर नेल्‍लेम आं कली सराप पाइनीम। येरमीया २०:१४