येरमीया 20:11 - Sunuwar Bible

¹¹ तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 20:11 ပူးပေါင်းရင်းမြစ်များ

भजन संग्रह 129:2

मिनु लेंशा “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी। मो हना यो आं क्‍येङा ग्राने मचबेम।

भजन संग्रह 35:26

गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।

भजन संग्रह 40:14

आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।

भजन संग्रह 47:2

मारदे हना परमप्रभु यावे, नेल्‍ल क्‍येङा ठेयब नु हिंचा ङा बाक्‍ब। मेको रागी नेल्‍ल ङा ठेयब पिप बाक्‍ब।

भजन संग्रह 6:10

आं जोरी सत्रु नेल्‍ल मुने दोक्‍शा, शुश श्‍येत जाइब दुम्‍नीम। मिनु मुने दोक्‍शा, आन बाक्‍तीके लेत्‍नीम।

भजन संग्रह 65:5

आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्‍नीनी। परमप्रभु, आंइ कली श्‍येत रे प्रोंइब बाक्‍नीनी। गे ङोन बाक्‍ब रागी नु नेल्‍ल क्‍येङा ङोन ङा समुन्‍द्र आ नेक्‍था बाक्‍ब आन आस बाक्‍नीनी।

भजन संग्रह 66:5

जाक्‍कीन, परमप्रभु आ गेय कोव़ङीन। मेकोमी मुर आन दातेमी ठेयब नु हिंचा ङा गेय पाप्‍तु।

यसैया 41:10

महिनो, मारदे हना गो गे नु बाक्‍नुङ। आइक्‍च थुं मपावो। मारदे हना गो इ परमप्रभु नङ। गो इ कली बोल्‍यो सेल्‍शा, वारच पाइनुङ। गो इ कली आं ग्राब ग्‍युरा गुइमी वारच पाइनुङ। यसैया ४३:१

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 45:16

मूर्ति सेल्‍ब नेल्‍ल मुने दोक्‍शा, कालेम आन कुल राव किक्‍शा लाइनीम। यसैया ४४:९-११

येरमीया 1:18

मुलाक्‍ती गो इ कली गारो हिरशो बोल्‍यो सहर, फलाम के थाम नु कांसा के थरपु खोदेंशो सेल्‍तन। मोपा गे यहूदा ङा पिपी, हुकुम पाइबपुकी, चढ़ेबपुकी नु रागी ङा मुर नेल्‍ले आन मरिम्‍शो पशो आ पर्बम लोव़ पने चाप्‍नेवे। येरमीया १५:२०; इजीकीएल ३:८-९

येरमीया 1:19

मेकोपुकीमी इ कली लडाइ तोइनीम। तन्‍न इ क्‍येङा ग्राने मचाप्‍नीम। मारदे हना इ कली प्रोंइचा कली गो गे नु बाक्‍नुङ” दे परमप्रभु यावेमी देंत।

येरमीया 1:8

गे मेको आन क्‍येङा महिनो। मारदे हना गो इ कली प्रोंइचा कली गे नु बाक्‍नुङ” दे परमप्रभु यावेमी देंत। प्रस्‍थान ३:१२

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

येरमीया 15:20

गो इ कली, एको मुर आन ङोंइती कांसा के बोल्‍यो गारो सेल्‍नन। मेकोपुकीमी इ कली लडाइ तोइनीम। तन्‍न इ क्‍येङा मग्रानीम। मारदे हना गो इ कली प्रोंइचा कली नु वारच पाइक्‍चा कली गे नु बाक्‍नुङ। येरमीया १:१८-१९

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

येरमीया 22:22

इ गोठला नेल्‍ल आन कली फशेम बेर पाइश्‍शा योल्‍ब। मिनु इ वारच नेल्‍ल ग्‍याइश्‍शा लाइक्‍चा पुंइसीनीम। मेना गे इ मरिम्‍शो गेयम पतीके मुने दोक्‍शा, आमाइ, मेको श्‍येत नेल्‍ल परमप्रभु यावे आ अरेशो मटितीके दुम्‍शो बाक्‍ब।

येरमीया 23:40

मिनु गो इन कली गेना हना यो शिशी मपथु, गेना हना यो मुने दोक्‍पाइक्‍नन्‍नी। मेको गेना यो मप्रेंसीब” दे परमप्रभु यावेमी देंत। येरमीया २०:११

येरमीया 32:18

हजार हजार पाला सम्‍म इन गेना हना यो दाक्‍तीक कोंइनीनी। तन्‍न आम आफ आन हेंथे पशो आन नोले जाक्‍ब आन आल आन कली रपाइक्‍नीनी। गे ठेयब नु सक्ति पाइश्‍शो परमप्रभु बाक्‍नीनी। इन नें मुर नेल्‍ल आन परमप्रभु यावे बाक्‍ब। प्रस्‍थान २०:५-६

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

रोमी 8:31

मुल मार देंनुङ देंशा हना, परमप्रभु यावे गोपुकी नु बाक्‍त हना, सुइमी इं कली मारेइ पने चाप्‍नीमी ङा? सुइमी मारेइ पने मचाप्‍नीम। भजन संग्रह ११८:६

२ तिमोथी 4:17

तन्‍न प्रभु गो नु बाक्‍शा, अर्को रागी ङा मुर आन कली परमप्रभु यावे आ लोव़ नेल्‍ल शेंचा सक्ति गेती। मोपा आं कली गुप्‍स रे प्रोंइती। प्रेरित २३:११; प्रेरित २७:२३