येरमीया 2:4 - Sunuwar Bible

⁴ गे याकूब आ खिं ङा मुर नु इस्राएल आ खिं ङा मुर नेल्‍ले, परमप्रभु यावे आ लोव़ नेनीन।

येरमीया 2:4 ပူးပေါင်းရင်းမြစ်များ

येरमीया 10:1

गे इस्राएल आ खिं ङा मुरपुकी, परमप्रभु यावेम इन कली मार, देंमे, मेको नेनीन।

येरमीया 13:15

नोफा दाइश्‍शा नेनीन। ठेयब लेश्‍शो मदुमीन। मारदे हना परमप्रभु यावेम लोव़ पाप्‍तु।

येरमीया 19:3

यहूदा ङा पिप नु यरूसलेमम बाक्‍ब मुरपुकी परमप्रभु यावे आ लोव़ नेनीन। मुर नेल्‍ल आन परमप्रभु यावे, इस्राएली आन परमप्रभुमी ‘आं लोव़ नेनीन। गो एको रागीम थम मरिम्‍शो दुम्‍पाइक्‍नुङ’ मेको आ पर्बम लोव़ नेंब नेल्‍ल आन नोफा दाइक्‍नीम। २राजा २१:१२

येरमीया 2:3

इस्राएल आंम परमप्रभु यावे कली आ का ला बाक्‍शो ग्‍युम्‍ली खोदेंशो बाक्‍त। मेको, आ गेय ङा ङोंइती ङा फल खोदेंशो बाक्‍त। मेको कली नेक्‍‍ब नेल्‍ल दोस ताइब दुम्‍तेक्‍म। मेको श्‍येत जाम्‍तेक्‍म’ देनो” दे माइक्‍ती। प्रस्‍थान २८:३६; आमोस ६:१; याकूब १:१८

येरमीया 2:5

परमप्रभु यावेमी मार देंत देंशा हना “इन किकी पिपीम आं कली मार, दोस गेयीमी? मारदे आं कली प्रोंइशा, ङोन लमा? मेकोपुकी शोर गाक्‍शो मूर्ति आन नोले खोइक्‍तेक्‍म। मिनु मेको यो शोर गाक्‍शो दुम्‍तेक्‍म। मीका ६:३

येरमीया 31:1

परमप्रभु यावेमी “गो इस्राएली आन खिं नेल्‍ल ङा मुर आन परमप्रभु दुम्‍नुङ। मिनु मेकोपुकी आं मुर दुम्‍नीम” देंशो बाक्‍ब। येरमीया ७:२३

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

येरमीया 34:4

मो हना यो ए यहूदा ङा पिप सिदकीयाह, परमप्रभु यावे आ लोव़ नेनीन “गे तरवारम साइक्‍चा मपुंइसीनीनी। येरमीया ५२:११

येरमीया 5:21

गे मूर्ख नु मिम्‍तीक मपाइश्‍शो मुरपुकी, एको लोव़ नेनीन। इन मिक्‍ची बाक्‍ब, तन्‍न मताइनीनी। इन नोफा बाक्‍ब, तन्‍न मनेंनीनी।

येरमीया 7:2

“गे आं खिं ङा लाप्‍चोम राप्‍शा ‘गे यहूदा ङा मुर नेल्‍ल परमप्रभु यावे आ लोव़ नेनीन। गे परमप्रभु यावे कली ठेयब सेल्‍चा कली एक जाक्‍ब यहूदा ङा मुर परमप्रभु यावे आ लोव़ नेनीन’ देनो” देंत।

होसे 4:1

गे इस्राएली, परमप्रभु यावे आ लोव़ नेनीन। मारदे हना परमप्रभु यावेमी रागीम बाक्‍ब इन कली दोस गेब। मार दोस गेब देंशा हना “एको रागी ङा मुरुमी आं कली प्रोंइतीमी, आं कली मदाक्‍थु, आं कली मटीनीम।

मीका 6:1

परमप्रभु यावेमी मार देंबा, इन नोफा दाइश्‍शा नेनीन “बोक्‍कीन। मिनु पहाड आन ङोंइती इन देंचा माल्‍शो लोव़ शोव़ङीन। मिनु डांडापुकीमी इन लोव़ नेन्‍मेक्‍ल। इजीकीएल ६:२