येरमीया 2:33 - Sunuwar Bible

³³ गे दाक्‍मुतीक माल्‍शा गाक्‍चा कली शुश जोक्‍ब बाक्‍नेवे? मिनु गे परमप्रभु यावे आ अरेशो लोव़ मटीब मीश मुर अरु लां शेंशा गाक्‍पाइक्‍तीवी।

येरमीया 2:33 ပူးပေါင်းရင်းမြစ်များ

२ इतिहास 33:9

मनस्‍सेम यहूदा नु यरूसलेम ङा मुर आन कली थम दूली लां खोइक्‍पाइश्‍शो बाक्‍माक्‍त। परमप्रभु यावेमी इस्राएली आन ङोंइती खतम पोक्‍शो रागी रागी ङा मुर आन क्‍येङा यो शुश मरिम्‍शो पपाइश्‍शो बाक्‍माक्‍त।

येरमीया 2:23

मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।

येरमीया 2:32

मार, मीश आलम आ सुन चांदी नु ग्‍युम्‍लीम आ ग्‍युंबे पशो दारशो वा प्रेंने चाप्‍नीमी ङा? तन्‍न आं मुरपुकीम दा आं कली शुश नाक्‍ती रे प्रेंताक्‍यीमी।

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३

इजीकीएल 16:27

मोपतीके गो इ कली सजाइ गेतन। गो इ कली शुश जचा थोव़क मगेथु, इ जोरी सत्रु आन गुइम गेतन। गो इ कली पलिस्‍ती आन दाक्‍शो सिखार दुम्‍पाइक्‍चा कली गेतामी। पलिस्‍ती आन तमीपुकी इ मरिम्‍शो पशो तशा मुने पाम्‍तेक्‍म।

इजीकीएल 16:47

गे मेको आन गाक्‍शो लांम ला मगाक्‍ङे। मिनु मेको आन मूर्ति पूजा पशो आ नोले यो खोइक्‍तीवी। मिनु इच्‍का नाक्‍तीमीन इ पतीक नेल्‍लेम मेको आन क्‍येङा यो शुश मरिम्‍शो पाप्‍तीवी” देंत।

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।