येरमीया 2:29 - Sunuwar Bible

²⁹ गेपुकीम मारदे आं कली गन गन पाइनीनी? गे नेल्‍ल आं कली काइ मटीब दुम्‍शो बाक्‍नीनी।

येरमीया 2:29 ပူးပေါင်းရင်းမြစ်များ

येरमीया 2:23

मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।

येरमीया 2:35

गे ‘गो दोस मताइब बाक्‍नुङ। मेको थमा पा गो नु मगाइक्‍ब’ देंनेवे। मारदे हना गेमी ‘गो पाप मपङ’ देंतीके गो इ कली निसाफ पाइनुङ। यसैया ४३:२५-२६

येरमीया 3:2

परमप्रभु यावेम “इर कोव़ङो। गोरशो डांडा मेर कोव़ङो। गे सु नु मइ‍मे? गे मुर मबाक्‍तीके अराब खोदेंशो पा लांमी बाक्‍शा, गे नु इप्‍ब मुर आन कली रिम्‍ना रिम्‍न बाक्‍ते। गे इ तेल्‍लेम पतीके नु आं अरेशो मटितीकेम मेको रागी ग्रांग्रा दिशो सेल्‍तीवी। होसे ४:१३

येरमीया 5:1

परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२

येरमीया 6:13

परमप्रभु यावेमी “नेल्‍ल क्‍येङा आइक्‍च मुर रे नेल्‍ल क्‍येङा ठेयब सम्‍म ठीक पा मचेम्‍शो क्‍येट तचा कली शिंम दुम्‍शो बाक्‍नीम। परमप्रभु यावे आ लोव़ पाइब रे चढ़ेब सम्‍म नेल्‍ल जोल पाइब दुम्‍शो बाक्‍नीम। येरमीया ८:१०-१२; इजीकीएल १३:१०-१६; १थिस्‍सलोनिकी ५:३

दानीएल 9:11

इस्राएली नेल्‍लेमी इन क्‍येङा ङोन लशा, इन अरेशो मटिथु, इन देंशो मपामे। मोपतीके गो इन गेय पाइब मोसामी ब्रेक्‍शो इन अरेशो लोव़मी सराप नु कसम आंइ तारी मोइक्‍चा पुंइसीशो बाक्‍नीक। मारदे हना गोपुकीमी इन कली पाप पाइतक। लेवी २६:१४-३९; ब्‍यवस्‍था २८:१५-६८

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२