येरमीया 2:28 - Sunuwar Bible

²⁸ तन्‍न आंम इन सेल्‍शो देवी देवता ते लाक्‍गमे? मेकोपुकीमी इन कली प्रोंइने चाप्‍तेक्‍म हना, इन श्‍येत जची ना मेको आन कली जाक्‍प‍तीन। मारदे हना यहूदा, गे इ के गिश सहर बाक्‍मा, मिश देवी देवता बाक्‍नीम। ब्‍यवस्‍था ३२:३७-३८; न्‍यायाधीस १०:१४; येरमीया ११:१३

येरमीया 2:28 ပူးပေါင်းရင်းမြစ်များ

२ राजा 3:13

मिनु एलीशाम इस्राएल ङा पिप कली “गे नु गो इस के मार बाक्‍बा ङा? इन आम आफ आस नोले दुम्‍ब लोव़ पाइब आन बाक्‍तीक लने” देंमाक्‍त। तन्‍न इस्राएल ङा पिपमी मेको कली “ममाइ, परमप्रभु यावेमी गो पिप सांफा आंइ कली मोआबी आन गुइमी जिम्‍मा गेचा कली एक चाक्‍शो बाक्‍ब” देंमाक्‍त।

यसैया 45:20

मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।

यसैया 46:2

मिनु मेकोपुकी कालेम दिङ गोल्‍शा, गुर ब्‍वेनीम। आन भारी प्रोंइने मचाप्‍‍नीम। मिनु आंमा ग्‍याइश्‍शा लाइक्‍चा पुंइसीनीम।

यसैया 46:7

मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६

यसैया 57:13

गेपुकी श्‍येत जशा, थोनीनु, इन खुप्‍शो मूर्तिपुकीम इन कली प्रोन्‍मेक्‍ल। तन्‍न फशेमी मेको आन कली बेरपाइश्‍शा योल्‍ब। मुइश्‍शोमी मेको जाम्‍शा लाइनीम। तन्‍न सु सु आं गे जाक्‍शा पुंइसीनीमी, रागी मेको आन के दुम्‍ब। मिनु आं डांडा मेको आन के दुम्‍ब” देंत। भजन संग्रह ३७:९-११

येरमीया 1:16

मेकोपुकीमी आं कली प्रोंइशा, आं अरेशो मटितीके, गो मेको आन पर्बम आं निसाफ नेंपाइक्‍नुङमी। मेकोपुकीमी अरु देवी देवता आन कली धूप चोम्‍तेक्‍म। मिनु आन गुइमी सेल्‍शो देवी देवता आन कली पूजा पाम्‍तेक्‍म।

येरमीया 11:12

मिनु नोले यहूदा सहर ङा मुरपुकी नु यरूसलेमम बाक्‍ब मुरपुकीमी लशा, मेको आन पूजा पशो देवी देवता आन कली पुंइनीम। तन्‍न मेकोपुकीमी मेको आन कली आन श्‍येत रे गेनायो मप्रोंइनीम। येरमीया २:२८; ब्‍यवस्‍था ३२:३७-३८

येरमीया 11:13

यहूदा, इ के दोशो सहर बाक्‍मा, मोशो इ देवी देवता दुम्‍तेक्‍म। यरूसलेममी गिश लां बाक्‍मा, मीश मुने दोक्‍तीक बाल देवता कली चढ़ेतीक सेल्‍तेक्‍म।

येरमीया 30:7

आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५

येरमीया 37:19

इन कली नु एको रागी कली लडाइ तोचा कली बेबीलोन ङा पिप मजाक्‍ब, दे इन कली देंब, परमप्रभु यावे आ लोव़ पाइबपुकी ते बाक्‍मा?

होसे 10:1

ङोंइती इस्राएल ब्राक्‍शो नु शुश फल सिप्‍ब अङगुर बोट का बाक्‍‍त। मिनु इस्राएल ङा मुरपुकी शुश क्‍येट थीब दुम्‍तेक्‍म। मिनु मोपा मेकोपुकीमी फुल्‍लु के चढ़ेतीक यो शुश सेल्‍तेक्‍म। मिनु मेको रागीमी दोशो क्‍येट चेम्‍मे, मोशोन मे कोपुकीमी आन थाम ङा मूर्ति दारपाइक्‍तेक्‍म। येरमीया २:२१; लेवी २६:१

हबकुक 2:18

मिनु “मूर्तिम मार गेय पने चाप्‍बा ङा? मुर आ चेम्‍शो मूर्ति जोल ला बाक्‍ब। मारदे हना मेको चेम्‍बमी आंम चेम्‍शो मूर्ति कली थमा सुइक्‍ब। तन्‍न मेको मूर्ति ब्‍वाक्‍ने मचाप्‍ब। यसैया ४४:१०-२०

हबकुक 2:19

आबी आबी, गे शी कली ‘सेंसो’ दे ब्‍वाक्‍ने मचाप्‍ब फुल्‍लु कली ‘बोक्‍को’ देंनेवे। मार, मेकोमी मुर कली शेंने चाप्‍बा? मेको सुन चांदीमी गिल्‍शो बाक्‍त। तन्‍न मेको नु काइ ब्रोंइतीक सोक्‍त मबाक्‍ब। भजन संग्रह ११५:४-८

ब्‍यवस्‍था 32:37

मेको आन देवी देवता ते बाक्‍नीमी? मेको आन ख्रुइक्‍तीक सेरथे फुल्‍लु ते बाक्‍बा ङा? ब्‍यवस्‍था ३२:३१

न्‍यायाधीस 10:14

लने, इन योव़शो देवी देवता आन कली थोन। मेकोपुकीमी इन कली इन श्‍येत रे प्रोन्‍मेक्‍ल” दे परमप्रभु यावेमी देंमाक्‍त। ब्‍यवस्‍था ३२:३७-३८; येरमीया २:२८