येरमीया 2:24 - Sunuwar Bible

²⁴ गे गोरशो रागीम बाक्‍चा दाक्‍ब, फश नाम्‍शा गाक्‍ब ब्‍वाकी ङा गधैनी बाक्‍नेवे। मेको आ डागो माल्‍तीके सुम तेक्‍ने चाप्‍बा ङा? सु सुमी मेको कली माल्‍नीमी, मेको मदाइनीम। मारदे हना ब्‍वांइसीतीक महिनाम मेको कली थित्‍नीम।

येरमीया 2:24 ပူးပေါင်းရင်းမြစ်များ

अय्‍युब 11:12

मूर्ख मुर रुप्‍ब दुम्‍ने मचाप्‍ब। मेको मो दुम्‍त हना, ब्‍वाकी ङा गधा आ चाइक्‍ब मुर दुम्‍शा जरमेशो खोदेंशो दुम्‍ब।

अय्‍युब 39:2

मेकोपुकीम कोव़जम चाइक्‍ब कुरमेनु, गे मेको आन महिना हिक्‍ने चाप्‍नेवे? गे मेको आन गिक्‍ची ना तुइक्‍नेवे?

येरमीया 14:6

ब्‍वाकी ङा गधापुकी गोरशो डांडाम राप्‍शा सिवार खोदेंशो पा ग्रीनीम। गिगी जोतीक ठाउं मबाक्‍तीके मेको आन मिक्‍ची ब्रा ब्रा दुम्‍नीम।

येरमीया 2:27

मेकोपुकीमी रवा कली ‘गे आं आफ नवे’ मिनु फुल्‍लु कली ‘गे आं कली जरमेब नवे’ देंनीम। मेकोपुकीमी आं कली आन ची हिरशा कोंइशो बाक्‍नीम। आन कुल ममाइ। मो हना यो मेको श्‍येत जामे नाक्‍ती जाक्‍शा ‘आंइ कली प्रोंइकी’ देंनीम। येरमीया ७:२४; येरमीया १८:१७; येरमीया ३२:३३

इजीकीएल 16:33

मुरपुकीम तेल्‍लेम नेल्‍ल आन कली गाल्‍च गेनीम। तन्‍न गे चहिं दूली पा इ कली दाक्‍ब आन कली कका गाल्‍च गेप्‍तीवी। गे मेको आन कली एर ओंथ नेल्‍ल रे चाक्‍शा, गे नु इप्‍पाइक्‍चा कली घूस गेप्‍तीवी।

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 8:9

ब्‍वाकी ङा गधा हेंथे गाक्‍शो खोदेंशो पा मेकोपुकी अस्‍सुरमी लाम्‍तेक्‍म। एफ्राइम ङा मुरपुकी आंम कली दाक्‍बपुकी कली लेयसीशो बाक्‍नीम। होसे ५:१३