येरमीया 2:20 - Sunuwar Bible20 परमप्रभु यावेमी “साइ ङोंइती रे गे इ जुवा जिक्तीवी। मिनु इ डोरी प्रोइक्तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्ल आन पुंम तेल्लेम पाप्तीवी। यसैया ५७:५५; इजीकीएल ६:१३ အခန်းကိုကြည့်ပါ။ |
येरमीया 2:20
50 ပူးပေါင်းရင်းမြစ်များ
मिनु तेको देवी देवतामी इन कली खोदेंशो पा शुश रागी आन दाते रे आंम मुर सेल्चा कली योव़शो बाक्बा? मुर आन कली नाक्शा, चिनु कोंइशा, छक लाक्चा ङा गेय पा, मेको आन पर्बम लडाइ पा, शुश हिंचा ङा सक्तिमी, परमप्रभु यावे, इन परमप्रभुमी इन कली इजीप्त रागी रे ग्रुंइशो गे ताइतीनी। ब्यवस्था ७:१९; ब्यवस्था २९:२
मिनु इस्राएलीपुकीमी लेंशा परमप्रभु यावे आ ङोंइती मार मरिम्शो बाक्मे, मेको पामे बाक्त। मेकोपुकीमी बाल, अश्तारोथ नु देवी देवता आन कली ठेयब सेल्मे बाक्त। मिनु अराम, सीदोन, मोआब नु अम्मोनी नु पलिस्ती आन देवी देवता कली यो ठेयब सेल्मे बाक्त। मोपा परमप्रभु यावे कली प्रोंइशा, मेको कली ठेयब मसेल्मे बाक्त।
मिनु नोले मेकोपुकीम परमप्रभु यावे कली ‘गो पाप पाइतक। गो परमप्रभु यावे कली प्रोंइतक। गो बाल देवता नु अश्तारोथ माइश्शो मूर्ति पाइश्शो थाम कली पूजा पाइतक। मिनु मुल आंइ जोरी सत्रु आन गुइ रे प्रोनीन। मिनु गो इन कली ला ठेयब सेल्नीकी’ देंमा बाक्त। गन्ती २१:७; यहोसु ७:२०; न्यायाधीस १०:१०; दानीएल ९:९-१९
ကြော်ငြာတွေ