येरमीया 2:18 - Sunuwar Bible

¹⁸ गे मारदे इजीप्‍त रागी लाइनीनी? नील खोला ङा ब्‍वाक्‍कु तूथ लाइनीनी? गे अस्‍सुर रागी लनीनु, मार रिम्‍शो दुम्‍बा ङा? गे युफ्रेटीस खोला ङा ब्‍वाक्‍कु तूथ लाइनीनी?

येरमीया 2:18 ပူးပေါင်းရင်းမြစ်များ

२ इतिहास 28:16

मेना पिप आहाजम अस्‍सुर ङा पिप कली “वारच पाइक्‍की” दे पुंइथ मुर सोइक्‍ता बाक्‍त।

यसैया 23:3

इन मुर ठेयब ब्‍वाक्‍कु शोक्‍शा, लशो बाक्‍तेक्‍म। शीहोरम शोक्‍शो अन्‍न नु नील खोला आ एर ओंथ खुप्‍शो इन ग्‍याप्‍तीक लेयतीक बाक्‍त। मिनु गे रागी रागी ङा मुर आन ग्‍याप्‍ब लेयब बाक्‍तीनी।

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

यसैया 7:20

मेको नाक्‍त परमप्रभुमी युफ्रेटीस खोला आइक्‍ची हांबु रे क्‍येट थाप्‍शा चाक्‍शो छूराम, अस्‍सुर ङा पिपमी पिया ङा चां नु गिरशी प्रेक्‍पाइक्‍ब। मेको छूरामी गाल शोक्रे यो प्रेक्‍पाइक्‍ब। २राजा १५:२९

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३

येरमीया 31:22

गे काइ मटीब तमी, गे गेना सम्‍म रिम्‍नेवे? मारदे हना परमप्रभु यावेम मेको रागी ङा मुर आन पशो नक सेल्‍तु। मेको मीश मुरुम वोंइश मुर कली दाक्‍ब।

बिलाप 4:17

वारच पाइब जाक्‍बा, कों देंशा लां कोव़शा मिक्‍च चोप्‍तु। रागी कामी आंइ कली वारच पाइबा कों, दे कोव़शा बाक्‍तक। तन्‍न मेकोमी आंइ कली प्रोंइने मचब।

बिलाप 5:6

गो इजीप्‍त नु अस्‍सुर रागी नु जचा थोव़क तचा कली सल्‍ला पाइतक।

इजीकीएल 16:28

गे अस्‍सुर ङा मुर नु यो तेल्‍लेम पाप्‍तीवी। मारदे हना गे मोपा मरूशो बाक्‍ते। तेल्‍लेम पशा नोले यो मरूङे। इजीकीएल २३:१२

इजीकीएल 17:15

तन्‍न यरूसलेम ङा पिपमी मेको बेबीलोन ङा पिप कली मटिथु, इजीप्‍त रागीम शारा नु ठेयब हुल का लडाइ पाइब गेयीनी, दे मुर सोइक्‍ताक्‍व। मार, मेको कली रिम्‍शो दुम्‍बा ङा? मार मोदेंशो गेय पाइब मुर ब्रोंइने चाप्‍बा ङा? कबल पशो प्रोंइशा यो, मेको ब्रोंइने चाप्‍बा ङा?” देंत।

इजीकीएल 23:30

मारदे हना गे रागी रागी नु तेल्‍लेम पा, गे मेको आन मूर्ति रे पा ग्रांग्रा दिशो सेल्‍साक्‍वे।

होसे 5:13

एफ्राइम नु यहूदामी आस श्‍येत तुइक्‍तसे नोले, एफ्राइममी अस्‍सुर ङा ठेयब पिप कली ‘वारच पने’ दे पुंइथ मुर सोइक्‍ताक्‍व। तन्‍न मेकोमी इ कली वारच पने मचाप्‍ब। होसे ७:११; होसे १०:६; होसे १२:२

होसे 7:11

“एफ्राइम निप्‍स मपाइश्‍शो ढुकुर खोदेंशो बाक्‍ब। मेको कली निप्‍स मपाइश्‍शो आन कली खोदेंशो पा जोल पने चाम्‍सीब। मुल मेकोपुकीमी इजीप्‍त रागी कली ‘वारच पने’ दे ब्रेत्‍नीम। इच्‍का नोले मेकोपुकीमी अस्‍सुर रागी कली ब्रेत्‍नीम। होसे ५:१३

यहोसु 13:3

इजीप्‍त रागी ङा पूर्ब ङा शीहोर खोला रे लाइश्‍शा इजीप्‍त आ उत्तर ङा एक्रोन सम्‍म लीशो बाक्‍तेक्‍म। मेको नेल्‍ल कनानी आन रागी बाक्‍ब। मिनु पलिस्‍ती आन ५ जना सासन पाइब आन सहर गाजा, अश्‍दोद, अश्‍कलोन, गाथ नु एक्रोन लीशो बाक्‍नी‍म। मिनु दक्‍खिन ङा आव्‍वीम ङा मुर आन रागी यो लीशो बाक्‍त।