येरमीया 2:16 - Sunuwar Bible

¹⁶ मेम्‍फीस नु ताहपनेस ङा मुरपुकीम इन पिया ङा सिरपेच पुइक्‍तेक्‍म। येरमीया ४४:१

येरमीया 2:16 ပူးပေါင်းရင်းမြစ်များ

२ राजा 18:21

गे इजीप्‍त रागीम इन कली वारच पाइब, दे मिम्‍नीनी। मेको जिक्‍शो किन्‍दा खोदेंशो बाक्‍ब। मेकोमी ‘वारच पाइब’ देंब आन गुइ थोक्‍ब। ‘मेकोमी वारच पाइब’ देंब नेल्‍ल आन कली इजीप्‍त ङा पिप फाराओ मोदेंशोन बाक्‍ब।

२ राजा 23:33

मिनु फाराओ नेकोमी मेकोम यरूसलेमम सासन मपवल, दे साङलोम फ्रेंशा हमाथ रागी ङा रिब्‍लामी चोक्‍शा वोदा बाक्‍त। मिनु मेकोमी यहूदा कली सहे का टलेन्‍ट चांदी नु टलेन्‍ट का सुन तिरो थाप्‍पदा बाक्‍त। टलेन्‍ट का ३४ किलो बाक्‍ब। इजीकीएल १९:४

यसैया 19:13

सोआन ङा ठेयब मुरपुकी मूर्ख दुम्‍तेक्‍म। मेम्‍फीस ङा ठेयब मुरपुकीम जोल लोव़ कली थमा सुइक्‍नीम। मिनु मेको आन नेल्‍ल क्‍येङा ठेयब मुरपुकीमी इजीप्‍त ङा मुर आन कली हेंथे लां खोइक्‍पाइक्‍नीम।

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

यसैया 8:8

मिनु मेको बारशा, यहूदा आ शुर सम्‍म जाक्‍दीत्‍नीम। आ लडाइ पाइबपुकीमी हाम्‍शो फ्रांम खोदेंशो पा इन रागी नेल्‍ल सुम्‍नीम। तन्‍न इम्‍मानुएल, परमप्रभु यावे गे नु बाक्‍ब” देंत।इम्‍मानुएल आ अर्थ “परमप्रभु यावे गे नु बाक्‍ब” देंशो बाक्‍ब। यसैया ७:१४

येरमीया 44:1

परमप्रभु यावेमी येरमीया कली इजीप्‍त मिग्‍दोल, ताहपनेस, मेम्‍फीस नु पथ्रोस रागीम बाक्‍ब यहूदी नेल्‍ल आन पर्बम लोव़ पाप्‍तु। येरमीया ४३:७

येरमीया 46:14

मार लोव़ पाप्‍तु देंशा हना “इजीप्‍तमी एको लोव़ नेंपतो। मिग्‍दोलमी एको लोव़ नेंपतो। मेम्‍फीस नु ताहपनेसमी यो एको लोव़ नेंपतो। गे नेल्‍ल ठीक दुम्‍शा आंम आंम राप्‍तीकेम र‍पीन। मारदे हना तरवारम इन एर ओंथ नेल्‍ल साइक्‍तु।

येरमीया 46:19

गे इजीप्‍त ङा दारशो तमी ग्‍याइश्‍शा लाइक्‍चा पुंइसीचा कली इ मार मार कुम्‍लो पावो। मारदे हना मेम्‍फीस श्‍येत्‍थ दुम्‍ब। मेको खिं नेल्‍ल ब्रेश्‍शा, मुर मबाक्‍तीके दुम्‍ब।

येरमीया 48:45

परमप्रभु यावेमी “प्रोक्‍बपुकी हेश्‍बोन आ वांकुमी दिक्‍नीम। मारदे हना हेश्‍बोन रे मी का ग्रूत। सीहोन आ खिं रे मी ग्रूत। मेकोमी मोआब आ कुप्‍फ नु जीब नु मरिम्‍शो पाइब आन पिया जेप्‍ब। गन्‍ती २१:२८-२९

इजीकीएल 30:13

मिनु परमप्रभु, परमप्रभु यावेमी “गो देवी देवता आन कली खतम पोक्‍नुङमी। मिनु मेम्‍फीसम बाक्‍शो देवी देवता आन कली खतम पोक्‍नुङमी। इजीप्‍त रागीम गेनायो सासन पाइब मदुम्‍नीम। मोपा गो इजीप्‍त रागी ङा मुर आन कली हिंतीक थुं गेनुङमी। मेम्‍फीस सहर कली नोफ यो देंनीम

इजीकीएल 30:16

गो इजीप्‍त रागी कली मी सुइक्‍नुङ। मिनु पेलुसीयम श्‍येत जशा ग्‍येत्‍थ लुक्‍च दुम्‍ब। थेबेस सहर ङा गारो ब्रेत्‍नीम। मेम्‍फीस सहरम चहिं नाक्‍ती लडाइ दुम्‍‍ब।

होसे 9:6

मेकोपुकी खतम दुम्‍चा कली प्रोक्‍तेक्‍म हना यो, इजीप्‍त रागीमी मेको आन कली खुप्‍ब। मिनु मेम्‍फीस ङा मुरपुकीमी मेको आन कली थिम्‍नीम। मेको आन चांदी के सेल्‍शो थोव़कपुकी चू नु चोंकम सुम्‍ब। मिनु आन ताम्‍बुमी चू वानीम। होसे १०:८

ब्‍यवस्‍था 33:20

मिनु गाद आ पर्बम मार देंशो बाक्‍त, देंशा हना “गाद कली सोशो बोशो दुम्‍शा ग्‍येरसो। गाद गुप्‍स खोदेंशो पा बाप्‍शा बाक्‍ब। मेकोमी गुइ नु पिया रेप्‍ब।