येरमीया 2:15 - Sunuwar Bible

¹⁵ गुप्‍सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्‍तीके सेल्‍तेक्‍म। मेको आ सहर नेल्‍ल ब्रेत्‍तेक्‍म। मिनु मेकेर मुर मबाक्‍नीम। येरमीया ४:७

येरमीया 2:15 ပူးပေါင်းရင်းမြစ်များ

अय्‍युब 4:10

गुप्‍स ग्रीमल, बोल्‍यो गुप्‍स ङरर ङरर पामेक्‍ल। मो हना यो ठिटा गुप्‍स आन ख्रुइ जिक्‍चा पुंइसाक्‍म।

भजन संग्रह 57:4

गो गुप्‍स आन दातेमी बाक्‍शो बाक्‍नुङ। गो मुर ब्‍वाइब जन्‍तु आन दातेमी गोल्‍शो बाक्‍नुङ। मेको मुर आन ख्रुइ तूतीक नु ब्रा खोदेंशो बाक्‍नीम। मेको आन लें हेश्‍शो तरवार खोदेंशो बाक्‍ब।

यसैया 1:7

इन रागी गोरशो रागी दुम्‍ब। इन ङोंइती इन सहर मीम क्रोइक्‍तेक्‍म। इन ङोंइती इन रू ङा मारेइ मारेइ अर्को रागी ङा मुरपुकीम नेक्‍तेक्‍म। मिनु मेकोपुकीम इन रागी लडाइम खोदेंशो पा ग्रांग्‍ये माग्‍ये सेल्‍तेक्‍म।

यसैया 24:1

परमप्रभु यावेमी रागी नेल्‍ल मुर मबाक्‍तीक सेल्‍ब। नेल्‍ल श्‍येत्‍थ सेल्‍ब। रागी कली ग्‍येत्‍थ लुक्‍च पा मेकेर ङा मुर नेल्‍ल आन कली ब्रपाइक्‍ब।

यसैया 5:29

मेको आन रेयके गुप्‍स आन ग्रीशो खोदेंशो बाक्‍ब। मेको गुप्‍स आ चाइक्‍ब खोदेंशो पा ङरर ङरर पाइनीम। मेको आन सिखार कली सुइम प्रोंइने मचाप्‍नीम।

यसैया 5:9

मुर नेल्‍ल आन परमप्रभु यावेमी “थमा पा इन खिं नेल्‍ल ब्रेत्‍नीम। मेको ब्रेश्‍शो खिं दारशो नु ठेयब बाक्‍तेक्‍म हना यो, मुर मबाक्‍नीम।

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

येरमीया 10:22

रेयके का जाक्‍शो बाक्‍ब। मेको नेनीन। उत्तर रागी रे ठेयब ग्रांग्‍ये माग्‍ये दुम्‍शो बाक्‍ब। मेकोमी यहूदा इन सहरपुकी मुर मबाक्‍तीके सेल्‍ब। मेको सिवार आन बाक्‍तीक दुम्‍नीम। येरमीया १:१४

येरमीया 25:30

परमप्रभु यावेमी “मुल गे मेको नेल्‍ल आन पर्बम एको आं लोव़ पावो। मेको आन कली ‘परमप्रभु यावे इर आ बाक्‍तीक रे ब्‍वाक्‍ब। आ बाक्‍तीक रे आ सेंदा ग्रुंइब। मिनु आंम रागी आ पर्बम मेको ठेयब सेंदा पा ब्‍वाक्‍ब। रागीम बाक्‍ब नेल्‍ल आन पर्बम अङगुर ख्राक्‍‍ब खोदेंशो पा ग्रीब। होसे ११:१०; योएल ४:१६; आमोस १:२

येरमीया 25:9

गो उत्तर ङा जात नेल्‍ल नु आं गेय पाइब बेबीलोन ङा पिप नेबुकदरेसर कली ब्रेश्‍शा चाक्‍नुङमी। गो मेको आन कली एको रागी ङा मुर नु एर ओंथ ङा जात नेल्‍ल आन पर्बम चाक्‍नुङमी। मिनु गो मेको नेल्‍ल आन कली साइक्‍पाइक्‍नुङमी। गो मेको आन कली शुश हिंचा ङा, शुक्‍शी पाइक्‍चा पुंइसीब नु शिशी मताइब सेल्‍नुङमी। दानीएल ३:३१-३३

येरमीया 26:9

गे मारदे परमप्रभु यावे आ नेंम लोव़ पा ‘एको खिं शिलो खोदेंशो दुम्‍ब। मिनु एको सहर चहिं श्‍येत्‍थ नु मुर मबाक्‍तीके दुम्‍ब’ देने” देंशा, परमप्रभु यावे आ खिंम येरमीया आ एर ओंथ मरिक्‍थ्री पा मुर देल्‍तेक्‍म।

येरमीया 33:10

परमप्रभु यावेमी “मेको सहर आ पर्बम गेपुकीम ‘एको मुर नु बस्‍तु भाव मारेइ मबाक्‍शो रागी बाक्‍ब। यहूदा ङा सहर नु यरूसलेम ङा लां गाक्‍ब मुर नु बस्‍तु भाव, जन्‍तु मबाक्‍थु, श्‍‍येत्‍थ दुम्‍शो बाक्‍ब। मेको मारेइ मबाक्‍शो सहरम लेंशा, येरमीया ३२:४३

येरमीया 34:22

परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८

येरमीया 4:7

गुप्‍स का आ पुक्‍खी रे ग्रूशा, जाक्‍शो बाक्‍ब। रागी रागी कली खतम पोक्‍ब का ग्रूब। मेको आ बाक्‍तीक रे ग्रूशा, इन रागी कली मुर मबाक्‍तीके सेल्‍ब। इन सहर ङा खिं नेल्‍ल ब्रेत्‍‍नीम। मेकेर मुर बाक्‍ने मचाप्‍नीम। येरमीया २:१५; येरमीया ५:६; येरमीया २५:३८; येरमीया ४९:१९; येरमीया ५०:४४

येरमीया 44:22

परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।

येरमीया 5:6

मोपतीके परमप्रभुमी “ब्‍वाकी ङा गुप्‍स कामी मेको आन कली ग्राम्‍शा साइक्‍ब। गोरशो रागी ङा फर कामी मेको आन कली खतम सेल्‍ब। जोइ का मेको आन सहर कोव़ना कोव़न बाक्‍शो बाक्‍ब। सु मेकेर रे ग्रूबा, मेकोमी मेको कली क्राइश्‍शा चोकटा लाम्‍टा सेल्‍ब। मारदे हना मेकोपुकी शुश हेंथे गाक्‍ब बाक्‍नीम। मेको आन मटितीके ठेयब बाक्‍ब” देंत। येरमीया ४:७

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 51:38

मेकेर ङा मुर नेल्‍ल गुप्‍स खोदेंशो पा ग्रीनीम। मेकोपुकी गुप्‍स आन चाइक्‍ब खोदेंशो पा ङरर ङरर पाइनीम।

येरमीया 6:8

गे यरूसलेम, एको इ कली अरेशो मपाप्‍तीवी हना, गो इ कली तशा ग्रांग्रा दिशा प्रोंइ‍नुङ। गो इ कली गोरशो नु मुर मबाक्‍शो सेल्‍नुङ” देंत।

येरमीया 9:10

गे डांडा आन पर्बम ङाक्‍शा रोंका पने। मिनु गोरशो रागी ङा योव़तीक आन पर्बम बिलाना पने। मेको गोरशो सेल्‍शो बाक्‍नीम। मेकेर सुइ मगाक्‍नीम। मिनु मेकेर बी ब्‍यफ क्‍‍यारश भेडा आन ग्रीशो मनेंसीब। सरीङ ङा चिक्‍ब नु जन्‍तु नेल्‍ल प्रोक्‍शा लाम्‍तेक्‍म। येरमीया ४:२५; येरमीया १२:४

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

इजीकीएल 36:3

मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।

इजीकीएल 5:14

गो इ कली श्‍येत्‍थ सेल्‍नुङ। गे रागी रागी ङा मुर आन दातेम नु इ नेक्‍था रे पा लाइब नेल्‍ल आन ङोंइती इ कली शुक्‍शी पाइक्‍चा पुंइसीब सेल्‍नन। ब्‍यवस्‍था २८:३७; येरमीया २४:९

होसे 11:10

मेकोपुकी परमप्रभु यावे आ नोले खोइक्‍नीम। मेको चहिं गुप्‍स खोदेंशो पा ग्रीब। मिनु मोपा ग्रीमेनु, आ आलपुकी पच्‍छिम रे पा ख्रिंख्रि पना पन जाक्‍नीम। येरमीया २५:३०; होसे २:१

होसे 5:14

मारदे हना गो एफ्राइम कली गुप्‍स खोदेंशो नु यहूदा कली ठिटा गुप्‍स खोदेंशो दुम्‍शो बाक्‍नुङ। गो मेको आन कली खतम सेल्‍शा, आं लां खोइक्‍नुङ। गो मेको आन कली कुरशा लाइक्‍नुङ। मिनु मेको आन कली आं रे रोइक्‍ने मचाप्‍नीम। होसे १३:७; होसे ६:१

आमोस 3:12

मिनु परमप्रभु यावेमी “दोपा गोठलामी गुप्‍स आ शोव़ रे भेडा आ खोइल निक्‍शी कि नोफा आ टुक्रा का ला हना यो रोइक्‍बा, मोपा सामरीयाम नित्‍तीक आ कुना नु खाटम बाक्‍शा यो इस्राएल ङा मुर प्रोंइचा पुंइसीनीम” देंत।

आमोस 3:4

मार, सिखार मथित्‍तु हना, ब्‍वाकीम गुप्‍स ग्रीबा ङा? मार, गुप्‍स आ चाइक्‍बम मारेइ मथित्‍थु मेको आ पुक्‍खीमी ङरर ङरर पाइबा ङा?

आमोस 3:8

गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?

नहुम 2:11

निनवे सहर ङा गुप्‍स खोदेंशो ठेयब मुर आ दरवार मार दुम्मे? मेको आ गाक्‍तीक नु आ तमी तौ आन बाक्‍तीके मार दुम्‍मे? आ आल मेकेर बाक्‍शो बाक्‍तेक्‍म। मिनु सुइमी मेको आन कली श्‍येत मगेम। यसैया १३:७-८

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

सेफन्‍याह 2:5

आबी आबी, समुन्‍द्र आ शुंगीम बाक्‍ब केरेथी जात ङा मुर परमप्रभु यावे आ लोव़ इन कली ‘गे पलिस्‍ती आन रागी बाक्‍ब, कनानी, इ कली सुइ मुर मबाक्‍चा ङा पा खतम सेल्‍नुङ’ देंत। १सामुएल ३०:१४; येरमीया ४७:-

सेफन्‍याह 3:6

गो रागी रागी ङा मुर आन कली खतम पोक्‍ता। मेको आन ब्रोंइशा बाक्‍तीक खिं प्रेश्‍शा गेता। मेको आन लां नेल्‍ल श्‍येत्‍थ सेल्‍ता। मेकेर रे सुइ मगाक्नीम। मेको आन सहरपुकी श्‍येत्‍थ बाक्‍नीम। मेकेर सुइ मुर मबाक्‍नीम।

जकरिया 11:3

गोठला आन रोंका पशो नेनीन। मेको आन रिम्‍शो योव़तीके खतम दुम्‍शो बाक्‍ब। गुप्‍स आन ग्री‍शो नेनीन। यर्दन ङा ब्‍वाकी नेल्‍ल खतम दुम्‍शो बाक्‍ब।

न्‍यायाधीस 14:5

मिनु नोले सिम्‍सोन आ आम आफ नु तिम्‍नाहमी ब्रुम्‍माक्‍त। मिनु मेकेर ङा अङगुर रूमी जाक्‍दीम्‍माक्‍त। मिनु मेकेर ठिटा गुप्‍स का ग्रूशा, मेको कली ग्राम्‍दा बाक्‍त।