येरमीया 2:10 - Sunuwar Bible

¹⁰ कित्तीम माइश्‍शो साइप्रस ङा समुन्‍द्र आ नेक्‍था बाक्‍ब आन कली कोव़ङीन। केदारमी क्‍यारी पाइब मुर सोइश्‍शा कोव़ङीन। मार, मेकेर मोदेंशो गेय दुम्‍शो बाक्‍बा?

येरमीया 2:10 ပူးပေါင်းရင်းမြစ်များ

उत्पत्ती 25:13

इश्‍माएल आ तौ सु सु बाक्‍मा बाक्‍त देंशा हना, आ ङोंइती जरमेशो तौ नेबायोथ बाक्‍माक्‍त। मिनु नोले थिशो आन नें केदार, अदबेल, मिब्‍साम,

१ राजा 9:9

मिनु मुरपुकीमी ‘मेकोपुकीमी परमप्रभु यावे, आन परमप्रभुम मेको आन किकी पिपी आन कली इजीप्‍त रागी रे ग्रुंइशा चाक्‍तु हना यो, मेको कली प्रोंइशा, देवी देवता आन कली मानेशा, पूजा पाम्‍तेक्‍म। मोपतीके परमप्रभु यावेमी मेको आन कली मोदेंशो श्‍येत गेप्‍तु’ देंनीम” देंमाक्‍त।

१ इतिहास 1:7

यावान आ तौ एलीशाह, टारशीश, कित्तीम नु रोदानीम बाक्‍मा बाक्‍त।

१ इतिहास 23:1

मिनु दाऊद खूशो नु शुश बर्स दुम्‍शा, आ तौ सोलोमन कली इस्राएल ङा पिप सेला बाक्‍त। १राजा १:२८-४०

१ इतिहास 23:12

कोहाथ आ तौ अम्राम, इच्‍हार, हेब्रोन नु उज्‍जीएल ४ जना बाक्‍मा बाक्‍त।

भजन संग्रह 120:5

गो श्‍ये‍त जाइब दुम्‍ती। गो मेशेक रागीम बाक्‍चा माल्‍नुङ। केदार आ ताम्‍बु आन दातेम बाक्‍चा माल्‍नुङ।

यसैया 21:16

मिनु परमप्रभुमी आं कली “गाल्‍च ताइबम आ बर्स हिक्‍शो खोदेंशो पा बर्स का नोले केदार आ दारस नेल्‍ल जाम्‍ब। यसैया १६:१४

यसैया 23:1

मिनु परमप्रभु यावेमी टायर आ पर्बम यसैया कली “गे, टारसीस ङा जहाजपुकी रोंका पने। मारदे हना टायर खतम दुम्‍शो बाक्‍ब। मेकेर खिं नु जहाज नाइक्‍तीके मलीब। साइप्रस टापु रे जाक्‍ब आन कली नेंपाइश्‍शो बाक्‍तेक्‍म। इजीकीएल २७:१२

यसैया 23:12

मिनु मेकोमी “गे दिप्चा पुंइसी‍शो कन्‍ने तमी सीदोन, मुल रे ठेयब लेश्‍शो मबाक्‍नेवे। बोक्‍को, साइप्रस टापु गे लावो। गे मेकेर यो इ थुं नाइश्‍शा बाक्‍चा मताइनेवे” देंत।

येरमीया 49:28

बेबीलोन ङा पिप नेबुकदरेसरम केदार नु हासोर आस कली ग्रात। एको केदार नु हासोर आस पर्बम पशो लोव़ बाक्‍ब। मिनु परमप्रभु यावेमी “बोक्‍कीन। केदार मेर लने। पूर्ब ङा मुर आन कली खतम पोक्‍कीन। यसैया २१:१६-१७; यहोसु ११:१०

इजीकीएल 16:16

गे इ वा रे लाइश्‍शा, इ कली दारशो थान सेल्‍तीवी। मिनु मेकेर गे तेल्‍लेम पाप्‍तीवी। मेको मोदेंशो ङोंइती गेनायो मदुम्‍शो बाक्‍त। मिनु नोले यो गेनायो मदुम्‍ब।

इजीकीएल 27:21

अराब रागी नु केदार ङा पिप आन तौ नेल्‍ल इ मार मार ग्‍याप्‍ब मुर बाक्‍तेक्‍म। मेकोपुकीम भेडा पाठा, सांड, क्‍यारश चाक्‍शा इ मार मार नु फाइक्‍तेक्‍म।

इजीकीएल 27:6

मेकोपुकीम इ ब्‍वाक्‍क शाक्‍तीके बाशान ङा बोल्‍यो शी के सेल्‍तेक्‍म। इ थेक्‍शा गाक्‍तीक साइप्रस ङा समुन्‍द्र आ शुंइच रे चाक्‍शो तोव़शी रवा आ शी के सेल्‍शा हात्ती आ दारा के बुटा आप्‍शा सेल्‍तेक्‍म।

इजीकीएल 5:7

मोपतीके परमप्रभु यावेमी “गे इ एर ओंथ रागी रागी ङा मुर आन क्‍येङा मरिम्‍शो पाइब बाक्‍नेवे। गे आं फुल्‍लुम मुशा ब्रेक्‍शो लोव़ नु आं निसाफ पतीके लोव़ मेको आन क्‍येङा मटीब बाक्‍नेवे। तन्‍न इ एर ओंथ ङा मुर आ निसाफ पतीक लोव़ पाइनेवे।

दानीएल 11:18

मिनु नोले मेकोमी समुन्‍द्र आ नेक्‍था बाक्‍शो रागी नु लडाइ पा, शुश रागी आंम के सेल्‍ब। तन्‍न आ लडाइ पाइब आन ठेयब मुर कामी मेको आ ठेयब लेश्‍शो थुं थमा पा खतम पोक्‍‍शा गेब।

दानीएल 11:30

कित्तीम रे पा मेको नु लडाइ पचा कली जहाजपुकी जाक्‍नीम। मिनु मेको पिप आ थुं लुक्‍च लशा, आ रागी लेप्‍ब। मेकोमी परमप्रभु यावे आ कबल पशो आ पर्बम गाइश्‍शा, थमा सुइक्‍ब आन कली खेदा पाइब। मिनु परमप्रभु यावे आ कबल प्रोंइशो मुर नु गारब।

गन्‍ती 24:24

कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२

१ कोरिन्‍थी 5:1

गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८

न्‍यायाधीस 19:30

मेको ताइब नेल्‍लेमी “गो इस्राएलीपुकीम इजीप्‍त रागी रे पिशो रे मुलाक्‍त सम्‍म ओदेंशो मदुम्‍शो नु मतशो बाक्‍तय। मोपतीके मुल मार पचा मिम्‍तीन। मिनु सल्‍ला पने” देंमा बाक्‍त। होसे १०:९