येरमीया 18:23 - Sunuwar Bible

²³ मिनु परमप्रभु यावे, आं कली साइक्‍चा माल्‍शो नु मरिम्‍शो पाइब नेल्‍ल आन कली तुइक्‍ताक्‍नी। मेको आन मरिम्‍शो पशो माफ मगेने। इन ङोंइती रे मेको आन पाप मतिलीन। मेको इन ङोंइती दाइल पांइसीमल। गे गाइक्‍तीनीनु, मेको आन कली मार पचा माल्‍बा, मेको पने” देंत। मत्ती ६:१५

येरमीया 18:23 ပူးပေါင်းရင်းမြစ်များ

भजन संग्रह 119:126

परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।

भजन संग्रह 35:4

आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।

भजन संग्रह 56:8

आं रोंका पशो मिम्‍तीन। आं प्रेक्‍कु इन ग्‍यों‍बुम कुर पा वोतीन। मार, मेको इन लोव़ ब्रेक्‍शो किताबम ब्रेक्‍शो मबाक्‍बा ङा?

भजन संग्रह 59:5

परमप्रभु यावे, मुर नेल्‍ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्‍कीन। इन कली प्रोंइशा, मरिम्‍शो पाइब आन कली काइ शिशी मपने। ठेयब सेंदा पा।

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 2:9

मोपतीके मुरपुकी ब्रेम्‍शो सेल्‍चा पुंइसीनीम। मुर नेल्‍ल आइक्‍च दुम्‍नीम। गे मेको आन कली माफ मगेन।

येरमीया 11:23

मेकोपुकी सुइ मब्रोंइनीम। मारदे हना मेको आन कली सजाइ गेतीक बर्सम गो अनाथोथ ङा मुर आन तार ठेयब श्‍येत चाक्‍नुङ’ ” देंशो बाक्‍ब।

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

येरमीया 17:18

आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

येरमीया 17:4

इन पाप पतीकेम गो इन कली गेशो, इन थेरशो रू साम्‍नीनी। मिनु गो इन कली इन मतुइश्‍शो रागीम इन जोरी सत्रु आन वाइल दुम्‍पाइक्‍नन्‍नी। मारदे हना आं गाइक्‍तीके मी ब्रशो खोदेंशो बाक्‍ब। मिनु मेको गेना हना यो ब्रस ङा ब्रस बाक्‍ब” देंत।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 26:11

मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्‍ल आन कली “एको मुर कली साइक्‍चान माल्‍ब। मारदे हना एकोमी एको सहर आ पर्बम मरिम्‍शो पा परमप्रभु यावे आ लोव़ पाप्‍तु। मेको गेपुकीम आंमा यो नेंतीनी” देंतेक्‍म। प्रेरित ६:१३

येरमीया 26:8

मिनु परमप्रभु यावे आ अरेशो लोव़ नेल्‍ल, येरमीयाम मुर नेल्‍ल आन कली नेंपाइक्‍ने थुमा चोटी चढ़ेबपुकी, परमप्रभु यावे आ लोव़ पाइबपुकी नु मुर नेल्‍लेम मेको कली ग्‍याइश्‍शा “गे साइक्‍चान पुंइसीनेवे।

येरमीया 37:15

मिनु मेकोपुकी येरमीया तशा गाइक्‍ताक्‍म। मिनु मेको कली तुप्‍शा, ब्रेक्‍ब योनाथन आ खिंम चोक्‍शा वोइक्‍तेक्‍म। मारदे हना मेको खिं जेल्‍खान सेल्‍शो बाक्‍तेक्‍म। येरमीया २०:२

येरमीया 38:4

मिनु ठेयब मुरपुकीम पिप कली “एको मुर कली साइक्‍चा माल्‍ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्‍ल आन थुं लुक्‍च लपाइश्‍शो बाक्‍ब। एको मुरुम मुर आन कली रिम्‍शो ममाइ मरिम्‍शो प‍चा दाक्‍ब” देंतेक्‍म।

येरमीया 6:15

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेङानु, मेको खतम दुम्‍नीम” दे परमप्रभु यावेमी देंत।

येरमीया 6:21

मोपतीके परमप्रभु यावेम मार, देंत देंशा हना “कोव़ङीन, गो एको मुर आन ङोंइती दाइल पाइक्‍तीके थोव़क वोइक्‍नुङ। मिनु आम आफ, आलपुकी कालेम नु आन नेक्‍था ङा मुर नु आन वारच काले‍म खतम दुम्‍नीम” देंत।

येरमीया 7:20

मोपतीके परमप्रभु, परमप्रभु यावेम “आं गाइश्‍शो नु आं चुरशो मेकेर मोइक्‍चा माल्‍ब। मुर, बी ब्‍यफ, क्‍यारश भेडा, रू ङा रवा नु रागी ङा मारेइ मारेइ आन तारी मोइक्‍चा माल्‍ब। मेको मकाप्‍ब मीम नेल्‍ल दाक्‍ब” दे परमप्रभु यावेमी देंत।

येरमीया 8:12

मेकोपुकीमी मुने दोक्‍चा ङा गेय पाम्‍तेक्‍म। ग्रांग्रा दिशो गेय पाम्‍तेक्‍म। तन्‍न मेकोपुकी मुने मदोक्‍‍म। मुनेम लल जिचा देंशो मार, बाक्‍बा, दे मतुइक्‍ते‍म। मोपतीके साइक्‍चा पुंइसीशो आन दातेमी साइक्‍चा पुंइसीनीम। गो मेको आन कली सजाइ गेनुङ। मिनु मेको खतम दुम्‍नीम” दे परमप्रभु यावेमी देंत।

बिलाप 3:60

मेकोपुकीमी आं कली मरिम्‍शो पचा कली सल्‍ला पशो नेल्‍ल ताइ‍नीनी।

बिलाप 3:61

परमप्रभु यावे, गे मेको आन आं कली हिंच कोंइशा पशो लोव़ नेल्‍ल नेंतीनी।

लूका 21:22

परमप्रभु यावे आ लोव़मी एको ओदेंशो दुम्‍ब, दे ब्रेक्‍शो बाक्‍ब। एको ब्रेक्‍शो नेल्‍ल थमा दुम्‍शा, सहर खतम दुम्‍ब। ब्‍‍यवस्‍था ३२:३५

रोमी 2:5

इन थुं परमप्रभु यावे गे मलेत्‍तीके परमप्रभु यावे आ गाइश्‍शो तेम्‍नीनी। मिनु आ ठीक निसाफ पची नाक्‍त शुश सजाइ ताइनीनी।