येरमीया 18:13 - Sunuwar Bible

¹³ मोपतीके परमप्रभु यावेम “रागी रागी ङा मुर आन दातेम लशा हिल्‍लो पावो। ओदेंशो लोव़ सुम नेंशो बाक्‍नीमी? ग्‍युंबे मपशो मीश आल इस्राएलम थम ग्रांग्रा दिशो गेय पशो बाक्‍ब।

येरमीया 18:13 ပူးပေါင်းရင်းမြစ်များ

यसैया 36:22

मिनु दरवार कोव़ब, हिल्‍कीयाह आ तौ, एल्‍याकीम, ब्रेक्‍ब शेब्‍ना नु इतिहास ब्रेक्‍ब आसाफ आ तौ, योआहम आन वा खाक्‍शा हिज्‍कीयाह आ ङोंइती जाक्‍शा, मेको राब्‍शाके आ लोव़ नेल्‍ल शोव़तेक्‍म।

यसैया 66:8

मोदेंशो लोव़ सुम नेन्‍मे, सुम तामे? मार, नाक्‍त कामी रागी का दुम्‍बा ङा? याम कामी रागी का जरमेसीबा ङा? सियोनमी सुत्‍केरी रोइ पचा चिक्‍तानु, आलपुकी थिप्‍तु।

येरमीया 14:17

गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७

येरमीया 18:14

मार, लेबानोन ङा फुं सिरीयोन रोंगु आ काक्‍पे रे जाम्‍बा?। मार, आ बुक्‍तीके पहाड रे ग्रूशा यिशो खोला ङा शाइश्‍शो ब्‍वाक्‍कु सोव़बा ङा?।

येरमीया 23:14

तन्‍न यरूसलेम ङा आं लोव़ पाइब आन दातेम सामरीया क्‍येङा यो ग्रांग्रा दिचा ङा गेय ताता। मेकोपुकीम तेल्‍लेम पशा जोल ला पाइनीम। मरिम्‍शो पाइब आन कली बोल्‍यो सेल्‍नी‍म। मोपतीके सुइ मुर परमप्रभु यावे आ अरेशो मटितीक रे मलेत्‍नीम। मेको नेल्‍ल आं कली सोदोम खोदेंशो नु यरूसलेम ङा मुरपुकी चहिं गोमोररा खोदेंशो दुम्‍तेक्‍म” दे परमप्रभु यावेमी देंत।

येरमीया 31:4

गो इ कली लेंशा सेल्‍नुङ। गे लें‍शा सेल्‍चा पुंइसीनेवे। मिनु गे कन्‍ने मीश आल, इस्राएल, गे लेंशा इ खैजडी शेशा, ग्‍येरसीशोपुकी नु सिल पथ लाइनेवे।

येरमीया 5:30

मिनु परमप्रभु यावेम “एको रागीम ग्रांग्रा दिचा ङा नु शुश हिंचा ङा श्‍येत दुम्‍त।

बिलाप 1:15

परमप्रभुमी आं दाते ङा लडाइ पाइब नेल्‍ल आन कली प्रोंइतु। मुल मेकोमी आं कली वारच मपथु, आ ठिटा वोंइश मुर नेल्‍ल आन कली साइक्‍तु। परमप्रभुम अङगुर ख्राक्‍शो खोदेंशो पा यहूदा ङा कन्‍ने मीश आल, यरूसलेम कली ख्राक्‍शो बाक्‍ब। यसैया ६३:३

होसे 6:10

गो इस्राएली आन खिंमी हिंचा ङा गेय का ताता। एफ्राइममी तेल्‍लेम पना पन नु इस्राएल ग्रांग्रा दित्‍चा ङा दुम्‍शो बाक्‍त। होसे ५:३

आमोस 5:1

मिनु आमोसमी “ए इस्राएल आ खिं ङा मुरपुकी, इन पर्बम आं रोंका पशो नेनीन।

आमोस 5:2

आं मीश आल इस्राएल लेंशा गेनायो मबोक्‍चा ङा पा गोल्‍त। मेको आ रागीमीन प्रोंइचा पुंइसीशो बाक्‍ब। मेको कली पोक्‍ब सुइ मबाक्‍नीम” देंत।

१ कोरिन्‍थी 5:1

गे नु बाक्‍ब कामी हेंथे पाप्‍तु देंशो लोव़ नेंता। मोदेंशो पात्‍के अर्को रागी ङा मुर आन दातेमी यो मबाक्‍ब। मुर कामी आ आफ आ मीश वोंइसाक्‍व, देंशो लोव़ नेंता। लेवी १८:८

१ सामुएल 4:7

मिनु पलिस्‍तीपुकी हिंशा “परमप्रभु मेको आन बाक्‍तीकेम जाक्‍त।