येरमीया 18:10 - Sunuwar Bible

¹⁰ तन्‍न मेकोपुकीम आं लोव़ मनेंथु, आं ङोंइती मरिम्‍शो पाम्‍तेक्‍म हना, गो मेको आन कली रिम्‍शो मसेल्‍नुङमी।

येरमीया 18:10 ပူးပေါင်းရင်းမြစ်များ

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 33:12

मिनु ए मुर, गे इ मुर आन कली ठीक पाइब मुर हेंथे गाक्‍त हना, आ ङोंइती ठीक पशोमी मेको कली प्रोंइने मचाप्‍ब। ङोंइती आं अरेशो मटीब मुर, ठीक पाइब दुम्‍त हना, आं ङोंइती मटिशो आ पर्बम मबेक्‍ब। मिनु ठीक पाइब मुरुम पाप पाप्‍तु हना, मेको आ ङोंइती ठीक पशो आ पर्बम ब्रोंइचा मताइब। इजीकीएल ३:२०

इजीकीएल 33:18

सुइ ठीक पाइब मुरुम मेको आ ठीक पतीके प्रोंइशा, मरिम्‍शो पाप्‍तु हना, मेको आ मरिम्‍शो पशो आ पर्बम बेक्‍ब।

इजीकीएल 45:20

मिनु सुइम ममिम्‍थु मतुइक्‍थु पाप पशो बाक्‍त हना, महिना ङा ७ नाक्‍त गेपुकीम मो पचा माल्‍नीनी। मोपा गे परमप्रभु यावे आ खिं कली यो पाप क्‍याम्‍तीक गेय पचा माल्‍नीनी। लेवी ४:२२; लेवी ५:१७-१८

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

गन्‍ती 14:22

मेकोपुकीमी इजीप्‍तमी नु गोरशो रागीमी आं ठेयब सक्ति नु छक लाक्‍चा ङा गेय तशा यो, आं कली १० खेयप नाक्‍शा, मटीब दुम्‍शा, मेको नेल्‍लेमी

गन्‍ती 14:23

मेको आन किकी पिपी आन कली कसम जशा ‘गेनुङ’ देंशो रागी ओव़चा मताइनीम। मिनु आं कली काइ मदाक्‍बपुकीम मेको रागी मताइनीम। भजन संग्रह ९५:११; हिब्रू ३:११,१७-१९

गन्‍ती 14:34

गेपुकीमी मेको रागी क्‍यारी पचा कली ४० नाक्‍त सम्‍म माल्‍शो बाक्‍तीनी। मोपतीके नाक्‍त का ङा बर्स का पा ४० बर्स सम्‍म गेपुकीम इन मरिम्‍शो पशो आ पर्बम श्‍येत जचा माल्‍नीनी। मिनु गो इन पर्बम गाइक्‍ताक्‍ङ, दे तुइक्‍नीनी’ दे येरमीया २:१९; गन्‍ती ३२:१३

१ सामुएल 13:13

मिनु सामुएलमी सावल कली “गे मूर्ख गेय पाप्‍तीवी। परमप्रभु यावे, इ परमप्रभुमी शेंशो लोव़ मटिवी। गे टिशो नवे हना, परमप्रभु यावेमी इ राज्‍य इस्राएलमी गेना हना यो लीपद वा।

१ सामुएल 15:11

“गो बित्‍‍चीम ला सावल कली पिप सेलु बाक्‍त। मारदे हना मेकोमी आं नोले खोइक्‍चा प्रोंइतु। मिनु आं देंशो मटीव” देंमाक्‍त। मिनु सामुएल गाइश्‍शा नाक्‍दो रे परमप्रभु यावे कली पुंइना पुंइन बाक्‍माक्‍त। उत्‍पत्ती ६:६

१ सामुएल 15:35

मिनु सामुएल मबेक्‍म सम्‍म गेनायो सावल कली ग्रुम्‍थ मलमाक्‍त। तन्‍न परमप्रभु यावेम “सावल कली बित्‍चीम ला इस्राएल ङा पिप सेलु बाक्‍त” देंशो, मिम्‍शा सुर्ता पस ङा पस बाक्‍माक्‍त।

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८