येरमीया 17:6 - Sunuwar Bible

⁶ मेको गोरशो रागी ङा पोथ्रा रवा खोदेंशो बाक्‍‍नीम। मेकोमी रिम्‍शो दुम्‍मेनु यो, मारेइ मताइनीम। मेको मुर मबाक्‍तीक रागी ङा नेल्‍ल क्‍येङा सोव़शो खपीम नु हिक्‍सी बाक्‍शो रागीम बाक्नीम। येरमीया ४८:६

येरमीया 17:6 ပူးပေါင်းရင်းမြစ်များ

२ राजा 7:2

मिनु पिप कली कुक्‍‍ब लडाइ पाइब आन ठेयब मुरुम परमप्रभु आ मुर कली “परमप्रभु यावेमी आ सरीङ ङा झेल नेल्‍ल रोक्‍तु हना यो, मोदेंशो गेनायो दुम्‍ने मचाप्‍ब” देंमाक्‍त। मिनु एलीशाम “गे मेको इ मिक्‍चीमीन ताइनेवे। तन्‍न जचा चहिं मताइक्‍नेवे” देंमाक्‍त।

अय्‍युब 20:17

मेको आन के तर नु खुदो शुश बाक्‍त हना यो, ग्‍येरशा जचा तूचा मताइनीम।

अय्‍युब 39:6

गो मेको आन कली ‘बाक्‍कीन’ दे गोरशो रागी गेता। मिनु हिक्‍सी बाक्‍शो रागी मेको आन कली गेता।

भजन संग्रह 1:4

परमप्रभु आ अरेशो मटीबपुकी चहिं मोदेंशो मबाक्‍नीम। मेकोपुकी फशेमी बेरपाइश्‍शो भूस खोदेंशो बाक्‍नीम।

भजन संग्रह 107:34

मेकोमी ग्रेल्‍ब रू कली हिक्‍सी रू सेल्‍ब। मारदे हना मेकेर बाक्‍ब मुर आ अरेशो मटीब बाक्‍नीम। उत्‍पत्ती १९:२४-२५

भजन संग्रह 92:7

मिनु परमप्रभु आ अरेशो मटीबपुकी घांस खोदेंशो पा बारनीम। मरिम्‍शो पाइबपुकी फू खोदेंशो पा बोइक्‍नीम। नोले मेकोपुकी गेनायो मलीचा ङा पा क्‍याम्‍चा पुंइसीनीम।

यसैया 1:30

गे सोव़शो रवा ङा सफा पाइश्‍शो नु ब्‍वाक्‍कु मतशो रू खोदेंशो दुम्‍नीनी।

येरमीया 29:32

मोपतीके गो नेहेलाम ङा शेमायाह नु मेको आ चच युइ आन कली सजाइ गेनुङमी। मेको आ मुर सुइमी आं मुर रिम्‍शो दुम्‍शो तचा मताइनीम। मारदे हना मेकोमी आं कली मटिथु आं पर्बम दूली लोव़ पाप्‍तु” दे परमप्रभु यावेमी येरमीया कली देंत।

येरमीया 48:6

प्रोक्‍कीन, आंम कली प्रोंइचा कली दोरीन। गोरशो रागी ङा गधा खोदेंशो दुमीन। येरमीया १७:६

इजीकीएल 47:11

तन्‍न मेको समुन्‍द्र आ सिम नु हिलो बाक्‍तीके ङा ब्‍वाक्‍कु रिम्‍शो मदुम्‍ब। मेको हिक्‍सी ग्रुंइचा कली बाक्‍नीम।

सेफन्‍याह 2:9

मोपतीके मुर नेल्‍ल आन परमप्रभु यावे, इस्राएली आन परमप्रभुमी ‘गो ब्रोंइशा बाक्‍शो खोदेंशो पा, मोआब सोदोम खोदेंशो नु अम्‍मोन गोमोररा खोदेंशो दुम्‍ब। मेको आन बाक्‍तीके चूले वाशो नु हिक्‍सी खाल्‍टा बाक्‍शो रागी दुम्‍ब। मेको गेना हना यो मुर मबाक्‍तीक रागी दुम्‍ब। आं लीशो मुरपुकीमी मेको आन मार मार रोइक्‍नीम। मिनु आं रागी ङा ब्रोंइशो मुरपुकीमी मेकेर हुकुम पाइनीम। उत्‍पत्ती १९:२४-२५

ब्‍यवस्‍था 29:23

मेको रागी नेल्‍लेम मी ब्रशा गन्‍धक नु हिक्‍सी बाक्‍ब। मारेइ मशोक्‍शो, काइ गिग मग्रूशो मारेइ मवाशो बाक्‍ब। मेको परमप्रभु यावेमी चुरशा गाइश्‍शो सोदोम नु गोमोररा, अदमाह नु सेबोयीम खतम सेल्‍शो रागी खोदेंशो बाक्‍ब। उत्‍पत्ती १९:२४

न्‍यायाधीस 9:45

अबीमेलेकमी सुनी रे नाक्‍दो सम्‍म लडाइ पा, मेको सहर कली आंम के सेला बाक्‍त। मेकेर ङा मुर नेल्‍ल आन कली साइक्‍मी बाक्‍त। मिनु सहर खतम पोक्‍शा, हिक्‍सी फ्रवा बाक्‍त।