येरमीया 17:5 - Sunuwar Bible

⁵ परमप्रभु यावेम मार देंत देंशा हना “सु सुमी मुर आन कली थमा सुइक्‍नीमी, मेको सराप राइनीम। आन रां ङा सक्तिम थमा सुइक्‍ब यो सराप राइनीम। मारदे हना मेको आन थुं परमप्रभु यावे रे ङोन लशो बाक्‍ब। भजन संग्रह ११८:८; भजन संग्रह १४६:३; २इतिहास ३२:८

येरमीया 17:5 ပူးပေါင်းရင်းမြစ်များ

२ इतिहास 16:12

आसाम सासन पशो ३९ बर्स दुम्‍मेनु, आ खोइली राक्‍तीक रोइ पवा बाक्‍त। मिनु मेको रोइ शुश ठेयब दुम्‍माक्‍त। शुश रोइ पवा बाक्‍त हना यो परमप्रभु यावे आ वारच पशो कली ममाल्‍थु, ओख्‍ती ख्रेक्‍ब आन कली मला बाक्‍त।

२ इतिहास 32:8

मेको नु शुश मुर ला बाक्‍नीम। तन्‍न गोपुकी नु परमप्रभु यावे, इं परमप्रभु बाक्‍ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्‍कीयाहमी मुर आन थुं बारपदा बाक्‍त। येरमीया १७:५-६

भजन संग्रह 18:21

मिनु गो परमप्रभु यावे आ लां गाक्‍शा, आ अरेशो टिशा, आं परमप्रभु रे नोले मशोंइसीङ।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

यसैया 2:22

मोपतीके नेंम सास मुइक्‍चा पुंइसीशो बेक्‍शा लाइब मुर रे ङोन लने। मेको मारेइ मनम।

यसैया 20:5

मिनु सु सुमी ‘एथीयोपीया ङा मुरुम आंइ कली वारच पाइनीम। इजीप्‍त बोल्‍यो बाक्‍ब’ देंनीमी, मेको नेल्‍ल मुने दोक्‍नीम।

यसैया 36:6

गे जिक्‍शो कोक्‍के खोदेंशो इजीप्‍त कली थमा सुइक्‍नेवे? सु सु मेको कोक्‍के तिक्‍शा गाक्‍नीमी, मेको आन गुइ थोक्‍ब। सु सुमी इजीप्‍त ङा पिप फाराओ कली थमा सुइक्‍नीमी, मेको कोक्‍केम थोक्‍शो खोदेंशो दुम्‍नीम। इजीप्‍त ङा फाराओ मोदेंशो बाक्‍ब’ दे मतीन। इजीकीएल २९:६-७

यसैया 59:15

थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।

येरमीया 11:3

गे मेको आन कली ‘इस्राएली आन परमप्रभु यावेम मार देंत देंशा हना, सु सुमी एको कबल मखाप्‍नीमी, मेको सराप राइनीम। ब्‍यवस्‍था २७:२६;

इजीकीएल 6:9

मिनु मोदेंशो रागी रागीम ब्रोंइशा लीशोपुकी ग्‍याइश्‍शा लाइक्‍चा पुंइसीशो रागीम आं कली मिम्‍नीम। मिनु मेकोपुकीम आन दला दाक्‍स पशा, आं रे दिल्‍शा लशा, आन मूर्ति आन नोले खोइक्‍नी‍म। मेको आन पशो मरिम्‍शो नु ग्रांग्रा दिशो गेयम आंमा मुने दोक्‍नीम।

होसे 1:2

मिनु परमप्रभु यावेमी होसे नु लोव़ पचा गोप्‍तु। मेकोमी होसे कली “लावो, मिनु तेल्‍लेम मीश मुर कली ग्‍युंबे पावो। मिनु मेको नु आल थिवो। मारदे हना एको रागी परमप्रभु यावे कली प्रोंइ‍शा, तेल्‍लेम खोदेंशो दुम्‍शो बाक्‍ब” देंत। होसे ३:१; ब्‍यवस्‍था २३:१८