येरमीया 17:3 - Sunuwar Bible

³ मेको डांडा तार नु रूम बाक्‍तेक्‍म। मिनु इन रागी ङा शोंप नु इन रिम्‍शो मारेइ मारेइ थोव़क नेल्‍ल इन पाप पतीकेम रोइक्‍पाइक्‍नुङ। येरमीया १५:१३

येरमीया 17:3 ပူးပေါင်းရင်းမြစ်များ

२ राजा 24:13

मेकोमी परमप्रभु यावे आ खिं ङा शोंप नु पिप आ खिं ङा शोंप नेल्‍ल लदा बाक्‍त। मेकोमी सोलोमनम सेल्‍शो परमप्रभु यावे आ खिं ङा सुन के बोस ख्रोइश्‍शा लदा बाक्‍त। मोपा परमप्रभु यावे आ देंशो लोव़ गाम्‍माक्‍त। २राजा २०:१७

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

यसैया 27:9

मोपतीके मेको रे पा याकूब आ मुर आन दोस क्‍याम्‍सीब। मेको आन पाप पशो आ पर्बम मो पचा पुंइसीशो बाक्‍तेक्‍म। मेकोमी चढ़ेतीके ङा फुल्‍लु खरी खोदेंशो पा फस सेल्‍ब। मिनु मूर्ति पाइश्‍शो थाम नु धूप चोशा चढ़ेतीक काइ मलीपाइक्‍ब। लेवी २६:३०

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 15:13

इन पापम पतीके इन रागी नेल्‍लेम इन शोंप नु इन मारेइ मारेइ गो मोशान रोइश्‍शो मार मार खोदेंशो पा योक्‍शा गेनुङमी। येरमीया १७:३

येरमीया 20:5

गो एको सहर ङा शोंप नेल्‍ल, आ चेम्‍शो क्‍येट नेल्‍ल, आ शुश क्‍येट लाइब थोव़क नेल्‍ल नु यहूदा ङा पिप आन शोंप नेल्‍ल आन जोरी सत्रु आन कली गेनुङमी। मेकोपुकीमी आन मारेइ मारेइ रोइश्‍शा, मेको आन कली ग्‍याइश्‍शा बेबीलोन लाइक्‍नीम। यहोसु ३९:६

येरमीया 21:13

एको दिंमम बाक्‍बपुकी रोंगु तार सेल्‍शो सहर गो इन कली लडाइ तोइनुङ। गे आंइ कली जाक्‍शा, सुम लडाइ तोइबा ङा? “आंइ ख्रुइक्‍तीके सु ओव़ने चाप्‍बा ङा? आंइ बाक्‍तीकेम सु ओव़ने चाप्‍बा ङा?” देंनीनी।

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

बिलाप 1:10

आ जोरी सत्रुमी आ शोंप नेल्‍ल रोइक्‍ताक्‍यीमी। गे मेको आन कली इन बाक्‍‍तीके खिंम ओव़चा मगेतीनी हना यो, यरूसलेममी रागी रागी ङा मुर इन खिं ओव़चा ताम्‍तेक्‍म। येरमीया ५२:१७-१९; ब्‍यवस्‍था २३:४

इजीकीएल 16:39

मिनु गो इ कली इ मदाक्‍शो मुर आन गुइम जिम्‍मा गेनुङ। मिनु मेकोपुकीम इ लाइश्‍शो बाक्‍तीके नु लां ङा बाक्‍तीके प्रेत्‍नीम। मेकोपुकीमी इ वा प्रुइश्‍शा इ दारशो थोव़क रोइश्‍शा, इ कली शिश्रा सेल्‍शा प्रोंइनीम।

इजीकीएल 23:46

मिनु परमप्रभु, परमप्रभु यावेमी “मेको आस पर्बम ग्रांग्‍ये माग्‍ये पोक्‍ब हुल का पोक्‍कीन। मिनु मेको आस कली शुश हिंपाइश्‍शा मारेइ मारेइ रोइश्‍शा लतीन।

इजीकीएल 6:3

गे ‘ए इस्राएल ङा पहाड परमप्रभु, परमप्रभु यावे आ लोव़ नेनीन। पहाड नु डांडा खोल्‍सा नु बेंसी आन कली परमप्रभु यावेमी, गो इन तार तरवार का चाक्‍नुङ। मिनु गो इन डांडा ङा थान आन कली खतम पोक्‍‍नुङमी।

लेवी 26:30

गो इन डांडा ङा पूजा पतीक थामपुकी प्रेत्‍नुङ। इन धूप चोतीक नेल्‍ल प्रेत्‍नुङ। मिनु इन बेक्‍शो रां मेको ब्रोल्‍शो मूर्ति आन तार ताइक्‍नुङ। मिनु गो इन कली तशा ग्रांग्रा दिशा तिल्‍नुङ। इजीकीएल ६:४,६

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११