येरमीया 17:20 - Sunuwar Bible

²⁰ मिनु मेको आन कली ‘एको ठेयब लाप्‍चो रे पा आगा ओव़ब यहूदा ङा पिप, मेकेर ङा मुर नेल्‍ल नु यरूसलेममी बाक्‍ब मुर नेल्‍ल परमप्रभु यावे आ लोव़ नेनीन’ देनो” देंत।

येरमीया 17:20 ပူးပေါင်းရင်းမြစ်များ

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 17:19

परमप्रभु यावेम आं कली “गे मुर आन ओव़तीक ठेयब लाप्‍चो आ नेक्‍था रपो। मेको लाप्‍चो रे यहूदा ङा पिप लाङगा खिंङगा पाइब। यरूसलेम ङा गारो ङा लाप्‍चो नेल्‍ल आन ङोंइती लशा रपो। नेहेम्‍याह १३:१५-२२

येरमीया 19:3

यहूदा ङा पिप नु यरूसलेमम बाक्‍ब मुरपुकी परमप्रभु यावे आ लोव़ नेनीन। मुर नेल्‍ल आन परमप्रभु यावे, इस्राएली आन परमप्रभुमी ‘आं लोव़ नेनीन। गो एको रागीम थम मरिम्‍शो दुम्‍पाइक्‍नुङ’ मेको आ पर्बम लोव़ नेंब नेल्‍ल आन नोफा दाइक्‍नीम। २राजा २१:१२

येरमीया 19:4

मेको मुरपुकीमी आं कली प्रोंइतीमी। मिनु एकेर अर्को रागी ङा देवी देवता आन कली चढ़ेशा, एको रागी ग्रांग्रा दिशो सेल्‍तेक्‍म। मेको देवी देवता आन किकी पिपी नु यहूदा ङा पिपम यो मतुइश्‍शो बाक्‍तेक्‍म। मिनु मेकोपुकीम रागी कली दोस मताइब आन हुशेम प्रिंताक्‍म।

येरमीया 21:11

परमप्रभु यावेम “यहूदा ङा पिप आ खिं ङा मुर आन कली ‘परमप्रभु यावे आ लोव़ नेनीन।

येरमीया 22:2

‘दाऊद आ नित्‍तीकेम निप्‍ब, यहूदा ङा पिप, इन गेय पाइबपुकी नु मेको ठेयब लाप्‍चो रे ओव़बपुकी परमप्रभु यावे आ लोव़ नेनीन।

इजीकीएल 2:7

गे मेको आन कली आं लोव़ पचा माल्‍नेवे। मेकोपुकीम नेन्‍मेक्‍ल कि मनेन्‍मेक्‍ल। मारदे हना मेकोपुकी मटीब आन खिं ङा मुर बाक्‍नीम।

इजीकीएल 3:17

मार लोव़ पाप्‍तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्‍तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७

होसे 5:1

मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

मीका 3:1

मिनु गो “गे, याकूब आ ठेयब मुरपुकी नु इस्राएली आन खिं ङा हुकुम पाइबपुकी, इन नोफा दाइश्‍शा नेनीन। गे ठीक निसाफ तुइक्‍चा ममाल्‍नीनी ङा? येरमीया ५:५

प्रकाश 2:29

परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल” दे ब्रेक्‍पाइक्‍ती।