येरमीया 17:2 - Sunuwar Bible

² मेको आन आलपुकीमी यो आन चढ़ेतीक नु आन मूर्ति पाइश्‍शो थाम आन कली मिम्‍नीम। मेको नेल्‍ल गिगी रवा आन पुंम नु लाइश्‍शो पहाड तार बाक्‍तेक्‍म।

येरमीया 17:2 ပူးပေါင်းရင်းမြစ်များ

२ इतिहास 24:18

मिनु मेकोपुकीम परमप्रभु यावे, आन किकी पिपी आन परमप्रभु आ खिं प्रोंइशा, अशेराह आ मूर्ति पाइश्‍शो थाम नु अरु मूर्ति आन कली पूजा पामे बाक्‍त। मोपतीके परमप्रभु यावे यहूदा नु यरूसलेम ङा मुर आन पाप आ पर्बम गाइक्‍ता बाक्‍त।

२ इतिहास 33:19

मेको आ पुंइतीक लोव़ नु परमप्रभुम आ पुंइशो दोपा नेना, आ ब्रेम्‍शो दुम्‍चा क्‍येङा ङोंइती पशो पाप नेल्‍ल नु आ परमप्रभु कली थमा मसुइक्‍थु, डांडा ङा थान ते ते सेला, मूर्ति पाइश्‍शो थाम नु मूर्ति वोइश्‍शो नेल्‍ल परमप्रभु यावे आ लोव़ पाइब आन इतिहासम ब्रेक्‍शो बाक्‍ब।

२ इतिहास 33:3

मेकोमी आ आफ हिज्‍कीयाहम खतम पोक्‍शो डांडा ङा थान लेंशा सेला बाक्‍त। मिनु मेकोमी बाल देवता आन कली चढ़ेतीक सेला बाक्‍त। मेकोमी मूर्ति पाइश्‍शो थाम यो सेला बाक्‍त। मेकोमी सरीङ ङा सोरुल आन कली पूजा पा बाप्‍शा, सेउ पवा बाक्‍त। २राजा १८:४

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

प्रस्‍थान 34:13

मेको आन चढ़ेतीकपुकी प्रेश्‍शा, आन पूजा पचा कली ख्रुक्‍शो फुल्‍लु प्रोल्‍शा, मूर्ति पाइश्‍शो थाम कली क्‍योरशा, तिम्‍चा माल्‍नीनी। प्रस्‍थान २३:२४

यसैया 1:29

गे रवा आगाम पूजा पशो आ पर्बम मुने दोक्‍नीनी। इन दाक्‍शा योव़शो रवा रू आ पर्बम शुश मुने दोक्‍नीनी। यसैया ५७:५; यसैया ६५:३

यसैया 17:8

मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।

येरमीया 2:20

परमप्रभु यावेमी “साइ ङोंइती रे गे इ जुवा जिक्‍तीवी। मिनु इ डोरी प्रोइक्‍तीवी। मिनु गे ‘गो इ गेय मपाइनुङ’ देंते। गे डांडा नु रवा नेल्‍ल आन पुंम तेल्‍लेम पाप्‍तीवी। यसैया ५७:५५; इजीकीएल ६:१३

येरमीया 3:23

थमा पा, पहाड ङा देवी देवता आन थान जोल बाक्‍नीम। डांडा मेर ठेयब चाड सेल्‍तीके नेल्‍ल जोल बाक्‍नीम। थमा पा परमप्रभु यावे, आंइ परमप्रभु इस्राएल कली पाप रे प्रोंइब बाक्‍ब।

येरमीया 3:6

योसीयाहम सासन पची ना परमप्रभु यावेमी आं कली “थमा सुइक्‍ने मचाप्‍ब इस्राएलम मार, पवा, मतवी? मेकोमी डांडा नेल्‍ल ङोइश्‍शा, गिगी रवा नेल्‍ल आन पुंम तेल्‍लेम पाप्‍तु। येरमीया २:२०

येरमीया 7:18

मेको आन आलपुकीम शी खुप्‍नीम। आन आफपुकीम मी मुइक्‍नीम। मिनु मीश मुरपुकीम सरीङ ङा पिपीम कली बटुक चोचा कली फस नीनीम। अरु देवी देवता आन कली तूचा थोव़क चढ़ेनीम। आं कली गाइक्‍पाइक्‍चा कली मो पाइनीम।

इजीकीएल 20:28

गो कसम जशा मेको आन कली गेनुङ देंशो रागीम चाक्‍तामी। मेकोपुकीम मेकेर लाइश्‍शो डांडा नु शुश सफा पाइश्‍शो रवा ताम्‍तेक्‍म। मेकेर आन मार मार चढ़ेम्‍तेक्‍म। आं कली गाइक्‍पाइक्‍चा कली आन पोक्‍शो मार मार चढ़ेम्‍तेक्‍म। मेकेर आन ब्रोव़शो रिना पाइश्‍शो धूप चोशा, आन तूचा थोव़क चढ़ेतीक चढ़ेम्‍तेक्‍म।

ब्‍यवस्‍था 12:2

मिनु गे तेको रागी ङा मुर आन कली खेरनीनी, मेको आन देवी देवता आन थान नेल्‍ल प्रेत्‍चा माल्‍नीनी। मेको लाइश्‍शो डांडाम, पहाडीम नु नेल्‍ल रवा आन पुंम बाक्‍शो बाक्‍नीम। ब्‍यवस्‍था ७५,२५; प्रस्‍थान ३४:१३

न्‍यायाधीस 3:7

इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी परमप्रभु यावे, आन परमप्रभु कली प्रेंद‍मे बाक्‍त। मिनु बाल नु अशेराह देवी आस कली ठेयब सेल्‍मे बाक्‍त।