येरमीया 17:18 - Sunuwar Bible

¹⁸ आं कली खेदा पाइब आन कली मुने तोक्‍कीन। तन्‍न आं कली चहिं मुने मतोक्‍यीनी। मेकोपुकी हिंमल। तन्‍न आं कली चहिं हिंतीक रे प्रोंइ‍यीनी। मेको आन ठेयब श्‍येत ङा नाक्‍त चाक्‍कीन। मेको आन कली निक्‍शी खेयप ङा श्‍येतम सतीन” देंती। बजन संग्रह ३५:४

येरमीया 17:18 ပူးပေါင်းရင်းမြစ်များ

अय्‍युब 16:14

मेकोम आं कली पाक्‍ना पाक्‍न, लडाइ पाइब खोदेंशो पा आं गे बारब।

भजन संग्रह 35:4

आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।

भजन संग्रह 35:8

मेको आन मतुइक्‍थु, हिंचा ङा ठेयब श्‍येत दुम्‍ल। मिनु मेको आन ख्रुइश्‍शा दाइश्‍शो ब्‍वारदम आंमान रेम्‍मल। मेको आन दोशो बिक्‍तीकेमी आंमान बिक्‍शा, बेक्‍मल।

भजन संग्रह 40:14

आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।

भजन संग्रह 70:2

आं कली साइक्‍चा माल्‍बपुकी मुने दोक्‍शा, वाम ग्‍याम दुम्‍मल। आं कली मरिम्‍शो दुम्‍शो दाक्‍बपुकी प्रोक्‍शा, ठेयब मुने दोक्‍मल।

भजन संग्रह 71:1

परमप्रभु यावे, गो इन कली जिम्‍मा गेंसीशो बाक्‍नुङ। गो गेनायो मुने मदोक्‍ङल।

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 11:20

तन्‍न गे, मुर नेल्‍ल आन परमप्रभु यावे, ठीक पा निसाफ पाइनीनी। मिनु थुं नु सोक्‍त नाक्‍शा कोव़नीनी। गेमी मेको आन कली क्‍येक्‍क लेश्‍शो गो कोव़चा तङल। मारदे हना गो इन कली आं निसाफ पतीक जिम्‍मा गेशो बाक्‍नुङ। भजन संग्रह ७:१०; येरमीया १७:१०; येरमीया २०:१२

येरमीया 12:3

मो हना यो परमप्रभु यावे, गे आं कली तुइक्‍नीनी। गे आं कली कोव़शा, नाक्‍नीनी। आं थुं गे नु बाक्‍ब। मेको आन कली साइक्‍चा कली लाइश्‍शो भेडा खोदेंशो पा, कीशा लतीन। मिनु साइक्‍तीक नाक्‍त कली तिल्‍शा वोतीन। भजन संग्रह १३९:१

येरमीया 14:17

गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७

येरमीया 16:18

गो मेको आन मरिम्‍शो पशो नु आन पाप आ पर्बम मेको आन कली निक्‍शी खेयप सजाइ गेनुङमी। मारदे हना मेकोपुकीमी सोक्‍ती मपाइश्‍शो मूर्तिपुकीम आं रागी ग्रांग्रा दिशो सेल्‍तेक्‍म। मिनु आं थेरशो रू आन ग्रांग्रा दिशो देवी देवताम प्रिंताक्‍म” देंत। यसैया ४०:२

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

येरमीया 17:16

तन्‍न गो इन गोठला दुम्‍तीक रे मप्रोक्‍ङ। गे तुइक्‍नीनी। गो नोले ङा नाक्‍ती सुर्ता पचा ममाल्‍नुङ, दे मिम्‍शो बाक्‍नुङ। गो मार देंङा, मेको इन ङोंइती बाक्‍ब।

येरमीया 17:19

परमप्रभु यावेम आं कली “गे मुर आन ओव़तीक ठेयब लाप्‍चो आ नेक्‍था रपो। मेको लाप्‍चो रे यहूदा ङा पिप लाङगा खिंङगा पाइब। यरूसलेम ङा गारो ङा लाप्‍चो नेल्‍ल आन ङोंइती लशा रपो। नेहेम्‍याह १३:१५-२२

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

ब्‍यवस्‍था 33:11

परमप्रभु यावे, गे मेको कली आसीक गेने। मेको आन गेय ताक्‍कीन। मेको कली काइ मदाक्‍ब आन कली नु आ जोरी सत्रु आन कली लेंशा मबोक्‍चा ङा पा खतम सेलीन” देंत।

प्रकाश 18:6

मिनु गे इन कली गेशो श्‍येत मेको कली लेत्‍तीन। श्‍येत का ला ममाइ, निक्‍शी खेयप श्‍येत गेने। इन कली गेशो श्‍येत निक्‍शी खेयप गेचा ठीक दुम्‍ब। भजन संग्रह १३७:८; येरमीया ५०:१५,२९; २थिस्‍सलोनिकी १:६