येरमीया 16:9 - Sunuwar Bible

⁹ मारदे हना मुर नेल्‍ल आन परमप्रभु यावे, इस्राएली आन परमप्रभुमी ‘गो एको रागी रे इन पालाम, इन ङोंइती रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आस सेंदा क्‍याम्‍नुङ’। येरमीया ७:३४

येरमीया 16:9 ပူးပေါင်းရင်းမြစ်များ

भजन संग्रह 78:63

मिनु मीम मेको आन ठिटा वोंइश मुर आन कली दाक्‍तीमी। मिनु आन तमी आन कली ग्‍युंबे पाइक्‍चा मतामे।

येरमीया 25:10

मिनु गो मेको आन रे थुं नाइश्‍शा बाक्‍तीके, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। यात ग्री‍शो नु बत्ती आ हाम्‍सो नेल्‍ल योल्‍नुङ। येरमीया ७:३४

येरमीया 7:34

मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११

इजीकीएल 12:25

मारदे हना गो, परमप्रभु यावे आं देंशो लोव़ पशा, खाप्‍नुङ। मेको देश मपाइब रीब पा दुम्‍ब। ए मटीब खिं ङा मुर, इन पालामीन गो आं देंशो लोव़ खाप्‍नुङ’ दे परमप्रभु, परमप्रभु यावेमी देंशो बाक्‍ब” देंत।

इजीकीएल 26:13

गो इ कुम्‍सो थुम्‍पाइक्‍‍नुङ। इ बीना ताप्‍शो लेंशा मनेंसीब। आमोस ५:२३

होसे 2:11

गो मेको आ चाड नेल्‍ले मानेचा मगेनुङ। मेको आ बर्स बर्स ङा चाडपुकी नु औंसी ङा चाड, मेको आ नाइक्‍तीक नाक्‍तपुकी नु मेको आ अरु चाड नेल्‍ल मानेचा मगे‍नुङ।