येरमीया 16:5 - Sunuwar Bible

⁵ मारदे हना परमप्रभु यावेम “गे मुर बेक्‍शो खिंमी रोंका पथ नु रोंका पाइब आन कली लेम्‍थ मलावो। मारदे हना गो मेको जात ङा मुर रे थुं नाइक्‍तीक, गेना हना यो दाक्‍तीके नु शिशी पतीके लाइक्‍ने थुम्‍ता।

येरमीया 16:5 ပူးပေါင်းရင်းမြစ်များ

भजन संग्रह 25:6

परमप्रभु यावे, इन शिशी नु गेना हना यो दाक्‍तीके कली मिम्‍तीन। मारदे हना मेको साइ ङोंइती रेन बाक्‍त।

यसैया 27:11

मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

येरमीया 12:12

गोरशो रागी ङा डांडा मेर नेल्‍ल श्‍येत्‍थ पोक्‍बपुकी क्राक्‍थ्री चोक्‍थ्री पा जाक्‍शो बाक्‍नीम। मारदे हना परमप्रभु यावे आ तरवारम रागी आ सुर का रे अर्को सुर सम्‍म क्‍योरब। मिनु सुइ मब्रोंइनीम।

येरमीया 13:14

गो मुर आन कली जिपाइक्‍नुङमी। गो आम आफ नु आन तमी तौ आन दातेमी जिपाइक्‍नुङमी। गो मेको आन कली दाक्‍शा, शिशी पा साइक्‍तीक रे आं थुं मलेत्‍नुङ, दे परमप्रभु यावेम” देंत।

येरमीया 16:13

मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४

बिलाप 3:17

गो थुं नाइश्‍शा बाक्‍चा मताइक्‍नुङ। ग्‍येरशा बाक्‍चा मार बाक्‍मे, मेको प्रेंताक्‍ङ।

जकरिया 8:10

मेको क्‍येङा ङोंइती मुर आन कली गाल्‍च मगेमे। बी ब्‍यफ, क्‍यारश भेडा आन कली क्‍येट यो मगेमे। मेको आन जोरी सत्रुमी पतीके आन गेय पथ लने मचाप्‍शो बाक्‍तेक्‍म। मारदे हना गो मुर आन कली साइक्‍मुपाइक्‍तामी।

ब्‍यवस्‍था 31:17

मिनु गो मेको नाक्‍त मेको आन पर्बम शुश गाइक्‍नुङ। मिनु गो मेको आन कली प्रोंइशा, मेको आन कली वारच मपाइ‍नुङ। मेकोपुकी रोइक्‍चा पुंइसीनीम। मिनु मेकोपुकीमी शुश मरिम्‍शो दुम्‍शा, ठेयब श्‍येत जाइनीम। मिनु मेको नाक्‍त मेकोपुकीमी ‘इं परमप्रभु गोपुकी नु मबाक्‍तीके इं कली मोदेंशो दुम्‍शो बाक्‍ब’ देंनीम।

प्रकाश 6:4

मिनु गो अर्को शारा का ताता। मेको शारा चहिं शुश लल बाक्‍त। मिनु शारा ङोइक्‍ब कली रागी ङा मुर आन दुशा बाक्‍तीके नेल्‍ल रोइक्‍चा कली नु मुर क्‍योरमुपाइक्‍चा कली ठेयब चुक्‍ब गेशो बाक्‍त।