येरमीया 16:21 - Sunuwar Bible

²¹ मोपतीके गो मेको आन कली थमा पा रुप्‍पाइक्‍नुङमी। गो मेको आन कली आं सक्ति नु आं ठेयब दुम्‍तीके आ पर्बम शेंनुङमी। मिनु मेकोपुकीमी आं नें यावे बाक्‍ब, दे तुइक्‍नीम” दे परमप्रभु यावेमी देंत। प्रस्‍थान ३:१२

येरमीया 16:21 ပူးပေါင်းရင်းမြစ်များ

भजन संग्रह 83:18

मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

प्रस्‍थान 15:3

परमप्रभु यावे लडाइ पाइब बाक्‍ब। मेको आ नें परमप्रभु यावे बाक्‍ब। प्रस्‍थान १४:१४; भजन संग्रह ४६:१०; प्रस्‍थान ३:१५

प्रस्‍थान 6:3

गो अब्राहाम, इसहाक नु याकूब आन ङोंइती ग्रूशो ‘नेल्‍ल क्‍येङा सक्ति पाइश्‍शो परमप्रभु नङ’ दे मेको आन कली तुइक्‍पाइक्‍ताक्‍मी। तन्‍न ‘आं नें यावे बाक्‍ब’ दे मतुइक्‍पदुमी।

यसैया 43:3

मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

येरमीया 33:2

मिनु रागी सेल्‍ब परमप्रभु यावेमी लोव़ पाप्‍तु। मेको रागी बोल्‍यो सेल्‍ब आं नें यावे बाक्‍ब।

इजीकीएल 24:24

मोपा इजीकीएल गे इन कली चिन्‍ड का दुम्‍ब। मेकोम पशो खोदेंशो पा गे यो पचा माल्‍नीनी। मिनु एको लोव़ गाम्‍मेनु, गोन परमप्रभु, परमप्रभु यावे नङ, दे तुइक्‍नीनी’ देंशो बाक्‍ब” देंत। इजीकीएल १२:६,११

इजीकीएल 24:27

मेना गे ब्‍वाक्‍ने चाप्‍नेवे। मिनु गे मेको नु लोव़ पाइनेवे। मिनु गे सिक्‍सी पा मबाक्‍नेवे। मोपा गे मेको आन कली चिन्‍ड का दुम्‍नेवे। मिनु मेकोपुकीम गोन परमप्रभु यावे नङ, दे तुइक्‍नीम” देंत।

इजीकीएल 25:14

गो आं मुर इस्राएल रे पा एदोम कली क्‍येक्‍क लेत्‍नुङ। मिनु मेकोपुकीम आं गाइश्‍शो नु आं चुरशो खोदेंशो पा एदोम कली पाइक्‍नीम। मिनु मेकोपुकीम आं गाइश्‍शो नु चुरशो खोदेंशो पा क्‍येक्‍क लेत्‍नीम। मिनु मेकोपुकीमी परमप्रभु, परमप्रभु यावेमी क्येक्‍क लेश्‍शो बाक्‍ब, दे तुइक्‍नीम” देंत।

इजीकीएल 6:7

इन दातेमी मुर साइक्‍चा पुंइसीशा गोल्‍नीम। मिनु गेपुकीमी गो परमप्रभु यावे नङ, दे तुइक्‍नीनी।

आमोस 5:8

सोरुल आन कली सेल्‍ब, हिंचा ङा छिङछिङ रे सुनी ङा हाम्‍सो सेल्‍ब, नाक्‍ती कली छिङछिङ सेल्‍ब नु समुन्‍द्र ङा ब्‍वाक्‍कु कली ब्रेश्‍शा रागीमी मोइक्‍ब। आं नें परमप्रभु यावे बाक्‍ब। अय्‍युब ३८:३१; आमोस ९:६