येरमीया 16:15 - Sunuwar Bible

¹⁵ तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो नु इस्राएली आन कली उत्तर ङा रागी नु तेको तेको रागी रे चाक्‍शो खोदेंशो पा’ देंनीम। मारदे हना गो मेको आन कली आन किकी पिपी आन कली गेशो रागीम चाक्‍नुङमी। येरमीया २३:७-८

येरमीया 16:15 ပူးပေါင်းရင်းမြစ်များ

उत्पत्ती 28:15

गो गे नु बाक्‍शा, ते लाइनेवे, गो इ कली कोव़नन। गो इ कली एको रागी लेप्‍पाइक्‍नन। मारदे हना गो इ कली मप्रोंइनन। इ कली मार मार देंङा, गो मेको नेल्‍ल पाइनुङ” देंमाक्‍त।

भजन संग्रह 106:47

मिनु गे “परमप्रभु यावे, आंइ परमप्रभु, आंइ कली प्रोनीन। मिनु इन कली ‘गे रिम्‍शो पाइब बाक्‍नीनी’ देंचा कली नु इन नें ठेयब सेल्‍शा ग्‍येरसीचा कली आंइ कली रागी रागी रे खुप्‍तीन। ब्‍यवस्‍था ३०:३; १इतिहास १६:३५

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

येरमीया 12:15

तन्‍न गो मेको आन कली तुलुमी नोले लेंशा शिशी पाइक्‍नुङमी। मिनु मेको नेल्‍ल आन कली आन आन किकी पिपी आन शोंप गेशा, आन रागीम लेंशा चाक्‍नुङमी।

येरमीया 23:3

परमप्रभु यावेमी “गो आं लीशो बगाल नेल्‍ल आन कली इन खेरशो रागी रे खुप्‍शा लेश्‍शा, आन बगालम चाक्‍नुङमी। मिनु मेकोपुकी मेकेर सोशा बोशा शुश दुम्‍नीम।

येरमीया 23:7

मिनु परमप्रभु यावेमी “परमप्रभु यावे ब्रोंइशा बाक्‍शो खोदेंशो नु मुर आन कली इजीप्‍त रागी रे ग्रुंइशा एक चाक्‍शो मदेंतीक नाक्‍ती थमा पा जाक्‍नीम।

येरमीया 23:8

तन्‍न मार देंनीम देंशा हना, मेकोपुकीमी ‘परमप्रभु यावे ब्रोंइशा बाक्‍शो खोदेंशो नु इस्राएली आन चच युइ आन कली उत्तर ङा रागी नु तेको तेको रागी रे चाक्‍शो’ देंनीम। मारदे हना मेको आन रागीम बाक्‍चा ताइनीम” देंत। येरमीया १६:१४-१५

येरमीया 24:6

गो मेको आन कली रिम्‍शो दुम्‍पाइक्‍चा कली कोव़नुङ। मिनु गो मेको आन कली एको रागीम लेश्‍शा चाक्‍नुङमी। गो मेको आन थुं बारपाइक्‍नुङमी। आन थुं लुक्‍च मलपाइक्‍नुङमी। गो मेको आन कली ख्रुम्‍नुङमी। मतुल्‍नुङमी। येरमीया १:१०; येरमीया ३१:२८

येरमीया 29:14

मिनु गो इन कली थिप्‍पांइसीनुङ। इन जाम्‍शो शोंप इन कली गेनुङ। गो इन कली ग्‍याइश्‍शा लाइक्‍पाइश्‍शो रागी नेल्‍ल रे खुप्‍नुङ। तेको रागी रे इन कली ग्‍याइक्‍पदु, मेको रागीमी लेश्‍‍शा चाक्‍नन्‍नी” देंत। येरमीया ३०:३; येरमीया ३३:२६

येरमीया 3:18

मेको नाक्‍ती यहूदा आ खिं ङा मुर, इस्राएल आ खिं ङा मुरपुकी नु गारनीम। मिनु मेकोपुकी कालेम उत्तर रे पा इन किकी पिपी आन कली गेशो रागीम जाक्‍नीम। यसैया १:१-१३

येरमीया 30:10

गे आं गेय पाइब याकूब महिनो। गे इस्राएल सुर्ता मपावो। गो इ कली ङोन रागी रे चाक्‍नुङ। इ आल आन कली ग्‍याइश्‍शा लाइश्‍शो रागी रे प्रोंइशा चाक्‍नुङ। याकूब कली लेंशा थुं नाइश्‍शा, हेम्‍मा पा बाक्‍तीक दुम्‍ब। मेको कली सुइम हिंच कोंइने मचाप्‍नीम। येरमीया ४६:२७; यसैया ४३:५-६

येरमीया 30:3

आं मुर इस्राएली नु यहूदा ङा मुर आन थुं लेश्‍शा नाइक्‍चा गेतीक नाक्‍त थमा पा जाक्‍ब। मिनु गो मेको आन किकी पिपी आन कली गेशो रागीम लेंशा लाइक्‍नुङमी। मिनु मेकोपुकीमी मेको रागी आंम के सेल्‍नीम” देंत। येरमीया २९:१४

येरमीया 31:8

नेनीन, गो मेको आन कली उत्तर ङा रागी रे चाक्‍नुङमी। मिनु गो मेको आन कली रागी ङा सुर रे खुप्‍नुङमी। मेकोपुकी आन दातेमी मिक्‍च मताइब, गुइ खोइल मदुक्‍ब, कोव़ज कुरशो मीश मुर नु सुत्‍केरी रोइ पशो मीश मुर यो बाक्‍नीम। मेको आन ठेयब हुल लेश्‍शा एकेर जाक्‍चा माल्‍नीम। यसैया ३५:८-१०; इजीकीएल ३४:१६

येरमीया 32:37

कोव़ङीन, गो मेको आन कली आं गाइश्‍शो, चुरशो नु ठेयब ग्‍युश्रा बोक्‍तीकेमी तेको रागीम खेरुमी, मेको रागी नेल्‍ल रे ग्रुम्‍पाइक्‍नुङमी। गो मेको आन कली लेंशा एको रागीम लेश्‍शा चाक्‍नुङमी। मिनु मेको आन कली रिम्‍शो पा मारेइ मदुम्‍थु बाक्‍पाइक्‍नुङमी। ब्‍यवस्‍था ३०:३

येरमीया 50:19

गो इस्राएल कली आं कली योव़तीकेम लेश्‍शा चाक्‍नुङ। मिनु मेको कारमेल नु बाशान मेर जोइ‍ब। एफ्राइम नु गिलाद ङा पहाड मेर मेको आ शोव़लु बेक्‍शो रूब।

इजीकीएल 36:24

गो इन कली रागी रागी ङा मुर आन दाते रे ग्रुंइनुङ। मिनु राज्‍य नेल्‍ल रे इन कली खुप्‍शा, इन आंम रागीम चाक्‍नुङ।

इजीकीएल 39:28

मेना मेकोपुकीम गोन परमप्रभु यावे, आन परमप्रभु नङ, दे तुइक्‍नीम। मारदे हना गो मेको आन कली रागी रागी ङा मुर आन दातेम ग्‍याइश्‍शा लाइक्‍पाइक्‍तामी। मिनु का यो मजाम्‍चा ङा पा खुप्‍शा आन रागीम चाक्‍नुङमी।

योएल 3:1

परमप्रभु यावेमी “मेको नाक्‍ती गो यहूदा नु यरूसलेम आस रिम्‍शो दुम्‍तीक नाक्‍ती लेश्‍शा चाक्‍नुङ। होसे ७:१

आमोस 9:14

गो आं मुर इस्राएली आन कली आन मार मार लेश्‍शा गे‍नुङमी। मिनु मेको आन ब्रेश्‍शो सहर कली लेंशा सेल्‍शा, मेकेर बाक्‍नीम। मेकोपुकीम अङगुर ख्रुम्‍शा, अङगुर शांबु तूनीम। मेकोपुकीम फल फुल ख्रुम्‍‍शा, मेको आन फल जाइनीम। ब्‍यवस्‍था ३०:३; यसैया ६५:२१

आमोस 9:15

गो मेको आन कली गेनायो मखेरपांइसीचा ङा पा आन रागीमी वोइक्‍नुङ। आं गेशो रागी रे मेको आन कली सुइमी ग्रुंइने मचाप्‍नीम, दे इन परमप्रभु यावेमी देंशो बाक्‍ब” देंत।