येरमीया 16:11 - Sunuwar Bible

¹¹ मिनु गे मेको आन कली ‘इन किकी पिपीमी आं कली प्रोंइशा, देवी देवता आन नोले खोइश्‍शा, मेको आन कली पूजा पा ठेयब सेल्‍तेक्‍म। मोपा आं कली प्रोंइशा आं अरेशो मपामे।

येरमीया 16:11 ပူးပေါင်းရင်းမြစ်များ

१ राजा 9:9

मिनु मुरपुकीमी ‘मेकोपुकीमी परमप्रभु यावे, आन परमप्रभुम मेको आन किकी पिपी आन कली इजीप्‍त रागी रे ग्रुंइशा चाक्‍तु हना यो, मेको कली प्रोंइशा, देवी देवता आन कली मानेशा, पूजा पाम्‍तेक्‍म। मोपतीके परमप्रभु यावेमी मेको आन कली मोदेंशो श्‍येत गेप्‍तु’ देंनीम” देंमाक्‍त।

२ इतिहास 7:22

मिनु लेंशा मुरपुकीम ‘मारदे हना मेकोपुकीमी परमप्रभु यावे, आन किकी पिपी आन परमप्रभुमी मेको आन कली इजीप्‍त रे ग्रुंइशा चाक्‍ब परमप्रभु यावे कली प्रोंइतेक्‍म। मिनु अर्को देवी देवता आंम के सेल्‍शा, पूजा पा गेय पाम्‍तेक्‍म। मोपतीके परमप्रभु यावेमी मेको आन कली मोदेंशो श्‍येत गेप्‍तु’ दे लोव़ लेत्‍नीम” देंमा बाक्‍त।

येरमीया 13:22

“मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७

येरमीया 2:8

चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।

येरमीया 22:9

मिनु मेको आन कली ‘मारदे हना मेकोपुकीमी परमप्रभु यावे, आन परमप्रभु आ कबल पशो प्रोंइशा, देवी देवता आन कली पूजा पा, मेको आन कली गेय पाम्‍तेक्‍म’ देंशा लोव़ लेत्‍चा पुंइसीनी” देंनीम।

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

येरमीया 9:14

मेको आन खकटा थुंमी आन दला दाक्‍स पा बाल देवता आ नोले खोइक्‍तेक्‍म। मेको आन किकी पिपी शेंशो लांम गाक्‍तेक्‍म। येरमीया ७:२४

बिलाप 5:7

आंइ किकी पिपीमी पाप पाम्‍तेक्‍म। मिनु बेक्‍तेक्‍म। गोपुकी मेको आन हेंथे पशो राइतक।

इजीकीएल 11:21

तन्‍न मेको आन ग्रांग्रा दिशो मारेइ मारेइ मूर्ति आन नोले खोइक्‍ब आन कली आन पशो नेल्‍ल आन पियामीन मोइक्‍नुङमी, दे परमप्रभु, परमप्रभु यावेमी देंत’ दे मतो” देंत।

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

मलाकी 3:7

इन किकी पिपी आन बाक्‍ची ना रे आं फुल्‍लुम मुशा ब्रेक्‍शो लोव़ मटिथु, हेंथे लां खोइक्‍तीनी। आं गे लेतीन। मिनु गो इन गे लेत्‍नुङ” दे मुर नेल्‍ल आन परमप्रभु यावेमी देंत। तन्‍न गेपुकीमी “गो दोपा लेत्‍चा?” देंतीनी। जकरिया १:३

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

न्‍यायाधीस 2:11

मिनु इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल देवी देवता आन कली ठेयब सेल्‍मे बाक्‍त।