येरमीया 16:10 - Sunuwar Bible

¹⁰ मिनु गे एको मुर आन कली एको लोव़ नेल्‍ल देंनेनु, मेकोपुकीमी इ कली ‘मारदे परमप्रभु यावेम आंइ कली ओदेंशो ठेयब मरिम्‍शो दुम्‍तीक देंमे? आंइ मरिम्‍शो पशो मार बाक्‍बा? गो परमप्रभु यावे, आंइ परमप्रभु कली मार पाप पका ङा?’ देंनीम। येरमीया ५:१९

येरमीया 16:10 ပူးပေါင်းရင်းမြစ်များ

येरमीया 11:17

मुर नेल्‍ल आन परमप्रभु यावेम इन कली ख्रुम्‍तु। मिनु मेकोमी इन कली मरिम्‍शो पचशो बाक्‍ब। मारदे हना इस्राएल आ खिं ङा मुर नु यहूदा आ खिं ङा मुरुम मरिम्‍शो पाम्‍तेक्‍म। परमप्रभुमी “मेकोपुकीमी बाल देवता कली मार मार चढ़ेशा आं कली गाइक्‍पाइक्‍तीमी” देंत।

येरमीया 13:22

“मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७

येरमीया 2:23

मिनु “गे ‘गो ग्रांग्रा मदिशो नङ’ दे दोपा देंने चाप्‍नेवे? ‘गो बाल देवता आ नोले मखोइश्‍शो बाक्‍नुङ’ दे गे दोपा देंने चाप्‍नेवे? गे बेंसीम मार, पवी? मेको मिम्‍तो। गे थाम्‍पा एर ओंथ दोरशा गाक्‍ब दल‍ओंठ बाक्‍नेवे।

येरमीया 2:35

गे ‘गो दोस मताइब बाक्‍नुङ। मेको थमा पा गो नु मगाइक्‍ब’ देंनेवे। मारदे हना गेमी ‘गो पाप मपङ’ देंतीके गो इ कली निसाफ पाइनुङ। यसैया ४३:२५-२६

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 5:19

मिनु इन मुरपुकीम ‘मारदे इं परमप्रभु यावे, इं परमप्रभुमी इं कली ओदेंशो पवा?’ दे हिलो पाम्‍तेक्‍म हना, गे मेको आन कली ‘गेपुकीम दोपा आं कली प्रोंइशा, आंम रागीम अरु देवी देवता आन कली पूजा पनी, मोपा मुल गेपुकीम इन मतुइश्‍शो रागीम अर्को रागी ङा मुर आन गेय पाइनीनी’ देंशो बाक्‍ब माइक्‍मी। येरमीया १६:१०-१४

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

होसे 12:8

एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७