येरमीया 15:3 - Sunuwar Bible

³ गो मेको आन कली ४ ओटा साइक्‍तीक श्‍येत सोइक्‍नुङमी। गो साइक्‍चा कली तरवार, कीशा लाइक्‍चा कली कुचुम, दाक्‍पाइक्‍चा कली नु खतम सेल्‍चा कली सरीङ ङा चिक्‍ब नु रागी ङा जन्‍तु सोइक्‍नुङमी। इजीकीएल १४:२१; येरमीया ७:३३

येरमीया 15:3 ပူးပေါင်းရင်းမြစ်များ

भजन संग्रह 68:23

गेपुकीमी इन खोइली इन जोरी सत्रु आन हुशेम ख्रुम्‍नीनी। मिनु इन कुचुमपुकीमी यो आन भाग ताइनीम” देंत।

यसैया 18:6

मिनु डांडा ङा ठेयब चिक्‍ब नु रागी ङा जन्‍तु आन कली ब्‍वचा गे‍ब। होश दुम्‍तीके ठेयब चिक्‍ब मेको तारी नित्‍नीम। मिनु हिंउदम ब्‍वाकी ङा जन्‍तुपुकीम मेको ब्‍वशा, मेको आ तारी इप्‍नीम” देंत।

येरमीया 12:9

मार, मेको सिवार आं थेरशो रू तशा गेहे पाइबा ङा? आं ङोंइती छिर छिर पाइश्‍शो सिखारी चिक्‍ब खोदेंशो मदुम ङा? मेको कली अर्को सिखारी चिक्‍बपुकीम पुम्‍शा राम्‍शी तोव़मेक्‍ल। लावो, लशा ब्‍वाकी ङा जन्‍तु नेल्‍ल आन कली पुक्‍मी। मिनु मेको कली ब्‍वपाइक्‍चा कली चाक्‍मी। यसैया ५६:९

येरमीया 14:12

मेकोपुकी माइजा बाक्‍तेक्‍म हना यो, गो मेको आन पुंइशो मनेंनुङ। मेकोपुकीमी चोशा चढ़ेतीके, अन्‍न चढ़ेतीके चढ़ेम्‍तेक्‍म हना यो, गो मेको आन कली मब्राइ‍नुङमी। मेको आ पा ङा गो मेको आन कली, तरवार, अन्‍काल नु बेक्‍तीक रोइम साइक्‍नुङमी” दे माइक्‍ती। यसैया ५८:३; येरमीया ६:२०

येरमीया 14:16

मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 7:33

मिनु मेको मुर आन बेक्‍शो रां सरीङ ङा चिक्‍बपुकी नु रागी ङा जन्‍तु आन कली ब्‍वतीक दुम्‍ब। मेको आन कली हिंच कोंइशा, प्रोक्‍पाइक्‍ब सुइ मबाक्‍नीम। येरमीया ९:२१

बिलाप 3:11

मेकोमी आं कली आं लां रे पा लाइश्‍शा, बेदर किदर पोक्‍ती। मेकोमी आं कली सुइ मपाइश्‍शो सेल्‍ती।

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

इजीकीएल 33:27

मिनु गे मेको आन कली “परमप्रभु, परमप्रभु यावेमी ‘गो आं ब्रोंइशा बाक्‍शो खोदेंशो पा ब्रेश्‍शो खिंम बाक्‍बपुकी तरवारम साइक्‍चा पुंइसीनीम। मिनु गो दिंमम बाक्‍ब आन कली ब्‍वाकी ङा जन्‍तु आन कली ब्‍वचा गेनुङमी। बोल्‍यो दरवार नु पुक्‍खीम बाक्‍बपुकी मुर बेक्‍तीक रोइम बेक्‍नीम।

लेवी 26:16

गो इन कली मार पाइनुङ देंशा हना, गो इन दातेमी शुश हिंतीके सेल्‍नुङ। मिनु इन रां सोव़ना सोव़न बाक्‍नीम। मिनु जरो पा इन मिक्‍च ततीके जाम्‍ना जाम्‍न लाइब। मिनु गे ओंखां पा बेक्‍नीनी। इन शोक्‍शो अन्‍न मोशा दुम्‍नीम। मारदे हना इन जोरी सत्रुम नेक्‍नीम।

लेवी 26:22

गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

लेवी 26:25

गो इन कली लडाइ तोपाइक्‍नुङ। मिनु आं कबल प्रोंइशो आ पर्बम क्‍येक्‍क लेत्‍नुङ। गेपुकी आंम आंमा सहरम बुक्‍तीनी हना, गो मेकेर यो इन दातेम बेक्‍पाइक्‍ब रोइ सोइक्‍नुङ। मिनु इन जोरी सत्रु आन गुइम दुम्‍नीनी। यसैया १:२०,२४

आमोस 5:19

मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।

ब्‍यवस्‍था 28:26

मिनु गेपुकी बेक्‍नीनु, चिक्‍बपुकी नु ब्‍वाकी ङा जन्‍तुपुकीमी इन श्‍ये ब्‍वाइनीम। मिनु मेको आन कली खेरब ‘हा हाइ’ दे ग्रीब सुइ मबाक्‍नीम।

ब्‍यवस्‍था 32:24

बेक्‍चा ङा शोव़लु, शुश नाप्‍शो जोरो, मुर कली साइक्‍ब रोइ नु मेको आन कली ब्रुप्‍शा ब्‍वाइब जन्‍तुपुकी नु खपीम ग्रे‍शा गाक्‍ब बीस पाइश्‍शो बुस्‍सपुकी सोइक्‍नुङ।

प्रकाश 6:8

मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। इजीकीएल १४:२१