येरमीया 15:16 - Sunuwar Bible

¹⁶ इन लोव़ बाक्‍त हना, गो नोफा दाइश्‍शा नेंता। मेको आं कली ग्‍येरतीक नु आं थुं कली नाइक्‍पाइक्‍ब दुम्‍त। मारदे हना परमप्रभु यावे, मुर नेल्‍ल आन परमप्रभु, गो इन के नङ। ब्‍यवस्‍था ८:३; ब्‍यवस्‍था ३२:४६-४७; इजीकीएल ३:१-३; प्रकाश १०:८-९

येरमीया 15:16 ပူးပေါင်းရင်းမြစ်များ

नेहेम्‍याह 8:12

मिनु मुर नेल्‍लेमी आन देंशो लोव़ रुप्‍शा, ठेयब ग्‍येरतीक चाड मानेचा कली जचा ब्‍वचा तूचा नु मथीब आन कली मार मार सोइक्‍चा कली लाम्‍तेक्‍म।

अय्‍युब 23:12

गो मेको आ शेंशो पाता। मेको आ लोव़ नाक्‍त किंत किंत ङा आं जचा थोव़क क्‍येङा यो शुश मिम्‍ताक्‍ङ।

भजन संग्रह 119:111

इन देंशो लोव़ गेना हना यो आं शोंप बाक्‍ब। मारदे हना मेकोमी आं थुं शुश ग्‍येरपाइक्‍ब।

भजन संग्रह 119:16

गो इन फुल्‍लुम मुशा ब्रेक्‍शो लोव़ तुइश्‍शा, ग्‍येरसाक्‍यी। इन लोव़ मप्रेंनुङ।

भजन संग्रह 119:72

मिनु हजार हजार टुक्रा सुन चांदी क्‍येङा इन अरेशो लोव़ आं कली रिम्‍शो बाक्‍ब।

भजन संग्रह 119:97

गो इन अरेशो लोव़ शुश दाक्‍नुङ। गो नाक्‍त किंत किंत मेको आ पर्बम मिम्‍नुङ। भजन संग्रह १:२

भजन संग्रह 19:10

मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब।

येरमीया 14:9

गे मारदे इन थुं ग्‍येत्‍थ लुक्‍च दुम्‍शा बाक्‍शो मुर खोदेंशो दुम्‍नीनी? मारदे प्रोंइने मचाप्‍ब सक्ति मबाक्‍शो लडाइ पाइब खोदेंशो दुम्‍नीनी? परमप्रभु यावे, गे आंइ दातेम बाक्‍शो बाक्‍नीनी। गो इन नेंमी ब्रेत्‍‍चा पुंइसीशो बाक्‍नीकी। आंइ कली मप्रोनीन” देंनीम। येरमीया १५:१६; यसैया ४३:७

इजीकीएल 2:8

तन्‍न गे आं लोव़ नेनो। गे मेको मटीब आन खिं ङा मुर खोदेंशो मदुमो। इ शोव़ पाक्‍को। मिनु गो मार गेना, मेको जावो” देंत।

मीका 2:7

याकूब आ खिं ङा मुरपुकी, मोदेंशो देंचा दुम्‍बा? मार, परमप्रभु यावे आ फाल्‍तीक सक्ति नुम्‍मे ङा? मेकोमी मोदेंशो पाइबा ङा? परमप्रभु यावेमी रिम्‍शो पाइब आन कली रिम्‍शो लोव़ मपाइबा ङा? आमोस ६:३