येरमीया 14:8 - Sunuwar Bible

⁸ ए इस्राएल आ आस पतीके, श्‍येत जवानु मेको कली प्रोंइब, गे एको रागीम मारदे अर्को रागी ङा मुर खोदेंशो दुम्‍नीनी? गे मारदे नाक्‍दो का ला बाक्‍ब, लां गाक्‍ब मुर खोदेंशो दुम्‍नीनी?

येरमीया 14:8 ပူးပေါင်းရင်းမြစ်များ

भजन संग्रह 10:1

परमप्रभु यावे, गो आंइ श्‍येत जची ना, मारदे ङोन बाक्‍शा, ख्रुइक्‍नीनी?

भजन संग्रह 138:7

मिनु गो शुश श्‍येत जाता हना यो, गे आं कली प्रोंइनीनी। गे आं कली तशा आं जोरी सत्रु आन गाइश्‍शो रे प्रोंइ‍नीनी। गे इन सक्तिमी आं कली प्रोंइनीनी।

भजन संग्रह 46:1

परमप्रभु आंइ ख्रुइश्‍शा बाक्‍तीके नु आंइ सक्ति बाक्‍ब। गो श्‍येत जकानु, गेना हना यो आंइ नेक्‍था बाक्‍शा वारच पाइब बाक्‍ब।

भजन संग्रह 46:2

मोपतीके गो महिंनीकी। रागी नु डांडापुकी हिम्‍सीशा समुन्‍द्रम ग्रुम्‍तेक्‍म हना यो गो महिंनीकी।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

भजन संग्रह 71:5

मारदे हना परमप्रभु यावे, गे आं आस बाक्‍नीनी। गो आ ठिटा दुम्‍ङा रेन इन कली थमा सुइक्‍ता।

भजन संग्रह 9:9

परमप्रभु यावे दिप्‍चा पुंइसीशो मुर आन कली बोल्‍यो दरवार खोदेंशो बाक्‍ब। श्‍येत जशो आन कली बोल्‍यो ख्रुइश्‍शा बाक्‍तीक बाक्‍ब।

भजन संग्रह 91:15

मेकोमी आं कली थोइब। मिनु गो आ लोव़ लेत्‍नुङ। मेको श्‍येत जवानु, गो मेको नु बाक्‍नुङ। मेको कली श्‍येत रे प्रोंइशा, मान ताइब सेल्‍नुङ। भजन संग्रह ५०:१५

यसैया 33:2

परमप्रभु यावे, आंइ कली शिशी पाइक्‍की। गो इन कली रिम्‍ना रिम्‍न बाक्‍नीकी। गे सुनी कुस कुस आंइ सक्ति दुमीन। श्‍येत जची ना आंइ कली प्रोंइब दुमीन।

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 43:3

मारदे हना गो परमप्रभु यावे, इ परमप्रभु नङ। गो इस्राएली आन का ला बाक्‍शो परमप्रभु नङ। गो इ कली पाप रे प्रोंइब नङ। गो इजीप्‍त रागी इ पा ङा गेता। मिनु एथीयोपीया नु सेबा रागी इ कली प्रोंइचा कली गेता। यसैया ४१:१४

यसैया 45:15

थमा पा, गे परमप्रभु बाक्‍नीनी। गे ख्रुंइसीशो बाक्‍नीनी। गे इस्राएली आन परमप्रभु, श्‍येत रे प्रोंइब बाक्‍नीनी। रोमी ११:३३; यसैया ४३:११

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

यसैया 63:8

मेकोमी “मेकोपुकी थमा पा आं मुर बाक्‍नीम जोल मपाइब आल बाक्‍नीम” देंत। मोपतीके परमप्रभु यावे मेको आन कली श्‍येत रे प्रोंइब दुम्‍त। ब्‍यवस्‍था ३२:५,२०

येरमीया 16:19

मिनु मेकोपुकीमी “परमप्रभु यावे, गे आं सक्ति नु आं ख्रुइश्‍शा, ब्रोंइशा बाक्‍तीक बाक्‍नीनी। गे श्‍येत जची ना आं ख्रुइक्‍तीके बाक्‍नीनी। रागी रागी ङा मुर रागी ङा सुर रे इन ङोंइती जाक्‍नीम। मिनु मेकोपुकीमी ‘आंइ किकी पिपी आन देवी देवता जोल ला बाक्‍तेक्‍म। मेको शोर गाक्‍शो बाक्‍तेक्‍म। भजन संग्रह ३६:७

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

येरमीया 30:7

आबी, मेको नाक्‍त दोदेंशो हिंचा ङा नाक्‍त दुम्‍बा। मेको नाक्‍ती खोदेंशो अर्को तेकोइ नाक्‍ती मदुम्‍नीम। मेको नाक्‍ती याकूब कली शुश हिंचा ङा श्‍येत जतीक नाक्‍ती दुम्‍ब। तन्‍न मेको श्‍येत रे प्रोंइचा पुंइसीब” देंत। योएल २:११; सेफन्‍याह १:१४-१५

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

जकरिया 9:12

आस पा बाक्‍शो चोक्‍चा पुंइसीशो मुरपुकी इन बोल्‍यो ब्रोंइशा बाक्‍तीके लेश्‍शा लने। गो इन कली इन साम्‍शो क्‍येङा निक्‍शी खेयप खोइ शुश गे‍नुङ। जकरिया १०:९; यसैया ६१:७

प्रेरित 28:20

इन कली एको लोव़ नेल्‍ल रुप्‍पाइक्‍थ ब्रेश्‍शा खुप्‍ताक्‍न्‍नी। आं दोस चहिं मार बाक्‍ब देंशा हना, इं इस्राएलीपुकीमी परमप्रभु यावेमी पाप रे प्रोंइब ख्रीस्‍त कली रागीमी सोइश्‍शो देंशो लोव़ थमा सुइश्‍शो आ पर्बम साङलो पाइक्‍चा पुंइसाक्‍ङ” दे माइक्‍तीमी। प्रेरित २६:६-७

१ तिमोथी 1:1

ख्रीस्‍त आ सोइश्‍शो गो पावल नङ। इं कली पाप रे प्रोंइब परमप्रभु यावेमी “ख्रीस्‍त येसु आ सोइश्‍शो दुमो” दे माइक्‍ती। इं कली ब्रोंइचा गेनुङ, दे कबल पाइब ख्रीस्‍त येसुमी यो मोन माइक्‍ती। कलस्‍सी १:२७

न्‍यायाधीस 19:17

मिनु मेको खाल्‍पामी इर कोव़शा सहर ङा चोकमी बाक्‍शो लां गाक्‍ब मुर आन कली तवा बाक्‍त। मिनु लशा मेको आन कली “ते रे पिनी? ते लाइनीनी?” दे हिल्‍लो पवा बाक्‍त।