येरमीया 14:3 - Sunuwar Bible

³ मेकेर ङा ठेयब मुरपुकीम आन वाइल आन कली ब्‍वाक्‍कु ब्रथ सोइक्‍नीम। मिनु मेकोपुकी कुवाम लमानु ब्‍वाक्‍कु मथित्‍नीम। मिनु मेकोपुकी श्‍येत्‍थ ग्‍योंब कुरशा लेश्‍शा जाक्‍नीम। मिनु मेकोपुकी मुने दोक्‍शा मारेइ पने मचाप्‍ब दुम्‍शा, आमाइ, दे हिंशा आन पिया सुम्‍सीनीम।

येरमीया 14:3 ပူးပေါင်းရင်းမြစ်များ

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 19:4

पिप आ कुल सुम्‍शा ठेयब सेंदा पा ङाक्‍ना ङाक्‍ना “आं तौ अब्‍सालोम, अब्‍सालोम, आं तौ, आं तौ” देंमाक्‍त।

१ राजा 17:7

इच्‍का नाक्‍त नोले रेउ मयितीके मेको खोला ङा ब्‍वाक्‍कु सोव़माक्‍त।

२ राजा 18:31

हिज्‍कीयाह आ लोव़ मनेनीन। अस्‍सुर ङा पिपम ‘गो नु गारीन। मिनु ग्रूशा आं बाक्‍तीक जाक्‍कीन। मिनु गेपुकीमी इन अङगुर रू ङा अङगुर नु इन रवा ङा फोव़शी जचा ताइनीनी। इन इनार ङा ब्‍वाक्‍कु तूचा ताइनीनी। १राजा ५:५

एस्‍तर 6:12

मिनु नोले मोरदेकै पिप आ दरवार ङा ठेयब लाप्‍चोम लेत्‍त। मिनु हामान चहिं मुने पा कुल सुम्‍शा दोरोर पा दोरशा, आ खिं लत।

अय्‍युब 6:20

मेको आन आस सोव़शो खोला तशा बेक्‍त। मेकेर जाक्‍दीश्‍शा आन थुं बेक्‍त।

भजन संग्रह 109:29

आं कली दोस गेब आन कुल मुनेम सुम्‍सीमल। मिनु आन मुने दोक्‍तीके फेक्‍तीके वा खोदेंशो पा फेक्‍सीमल।

भजन संग्रह 40:14

आं कली साइक्‍चा माल्‍ब नेल्‍ले मुने दोक्‍शा, ग्‍येत्‍थ लुक्‍च दुम्‍मल। आं कली श्‍येत जशो दाक्‍ब नेल्‍ल लेश्‍शा लशा, खतम दुम्‍मल।

येरमीया 14:4

रागीम रेउ मयितीके रागी नेल्‍ल सोव़शा जेश्‍शो बाक्‍ब। रू ङा गेय पाइबपुकी मारेइ पने मचाप्‍ब दुम्‍शा, आमाइ, दे आन कुल सुम्‍सीनीम। योएल १:११

येरमीया 15:18

आं श्‍येत जतीक मारदे मनुम्‍मे? मिनु आं गार मारदे मसाब दुम्‍मे? गे आं कली मरिम्‍शो नु ब्‍वाक्‍कु मबाक्‍शो खोला खोदेंशो दुम्‍तीनी” देंती।

येरमीया 2:13

मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८

येरमीया 2:37

गे मेकेर रे यो हिंचा ङा पा प्रोक्‍चा माल्‍नेवे। मारदे हना परमप्रभु यावेमी थमा सुइक्‍चा कली योव़शो आन कली आ नेक्‍था मजाक्‍चा ङा पा तिल्‍तु। मेको आन वारच पतीके इ कली शोर गाक्‍शो बाक्‍ब” दे परमप्रभुम देंत।

येरमीया 20:11

तन्‍न परमप्रभु यावे बोल्‍यो लडाइ पाइब का खोदेंशो पा गो नु बाक्‍ब। मोपतीके आं कली खेदा पाइबपुकी दाइल पांइसीशा, गोल्‍नीम। मिनु मेकोपुकीम आं कली मग्रानीम। मेको थाम्‍पा मुने दोक्‍नीम। मारदे हना मेको आन मरिम्‍शो पशो गेनायो मप्रेंसीब। येरमीया १:८,१९

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

बिलाप 4:4

दूध तूब आल आन लें शुश तूतू दाक्‍शा, आन कुंकुमी खोक्‍ताक्‍व। आलपुकीमी जचा थोव़क पुंइनीम। तन्‍न सुइमी मेको आन कली मारेइ मगेनीम।

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

योएल 1:20

मिनु ब्‍वाकी ङा जन्‍तुपुकीमी यो इन कली थोशो बाक्‍नीम। मारदे हना खोला सोव़शो बाक्‍नीम। मिनु मीम गोरशो रागी ङा बस्‍तु भाव योव़तीक ङा घांस नेल्‍ल नेक्‍शो बाक्‍ब” देंत। भजन संग्रह १०४:१०-११

आमोस 4:7

मिनु “गो इन अन्‍न खुप्‍चा क्‍येङा महिना सां ङोंइती रेउ मयिपदु। गो सहर का कली रेउ यिपाइक्‍ता, अर्को सहर कली मयिपदु। मिनु रू कामी रेउ यिपाइक्‍ता, अर्को रूम मयिपदु। मिनु मेको सोव़त। १राजा १७:१

आमोस 4:8

मोपतीके मुरपुकी सहर सहर रे ब्‍वाक्‍कु तूचा कली सहर काम जाक्‍तेक्‍म। तन्‍न रूथ्री तूचा मताम। मो हना यो गेपुकी आं गे मलेन्‍नी” दे परमप्रभु यावेमी देंत।

जकरिया 14:17

मिनु तेको रागी नु खिं ङा मुर नु पिप, मुर नेल्‍ल आन परमप्रभु यावे कली मान पा ठेयब सेल्‍चा कली यरूसलेम मलाम्‍तेक्‍म हना, मेको आन कली रेउ मयीब।