येरमीया 14:2 - Sunuwar Bible

² “यहूदा रोंका पाइब। मेको आ सहर ङा ठेयब लाप्‍चोपुकी सक्ति मपाइश्‍शो दुम्‍शो बाक्‍नीम। मेकोपुकी रू आ पर्बम सुर्ता पाइनीम। मिनु यरूसलेम आ वाइ ब्रेश्‍शो सरीङ सम्‍म जाक्‍दीश्‍शो बाक्‍ब।

येरमीया 14:2 ပူးပေါင်းရင်းမြစ်များ

अय्‍युब 34:28

मेकोपुकीम प्रुङग आन ङाक्‍शो मेको आ ङोंइती जाक्‍दीपपाइक्‍तेक्‍म। मेकोम मारेइ मथीब आन पुंइशा ब्रेश्‍शो नेंतु। उत्‍पत्ती १६:११

भजन संग्रह 144:14

आंइ बीपुकी गिक्‍ब दुम्‍मल। आंइ गारो मब्रेल्‍ल। आंइ कली सुइमी ग्‍याइश्‍शा मलदमेक्‍ल। मिनु आंइ लांमी सुइ ङाक्‍शो मनेंसीब।

प्रस्‍थान 2:24

मिनु परमप्रभुमी अब्राहाम, इसहाक नु याकूब नु कबल पशो मिम्‍ता बाक्‍त। उत्‍पत्ती १५:१८; उत्‍पत्ती २६:३; उत्‍पत्ती २८:१३-१४

यसैया 15:5

आं थुं मोआब आ पर्बम वाइ ब्रेश्‍शा ङाक्‍ब। मेकेर ङा मुरपुकी सोआर नु एग्‍लाथ-शेलीशीया प्रोक्‍‍नीम। मेकोपुकी ङाक्‍ना ङाक्‍न लुहीथ ङा डांडा ङोइक्‍नीम। मेकोपुकीमी होरोनाइम ङा लांमी खतम दुम्‍चा आ पर्बम रोंका पाइनीम।

यसैया 24:11

लां गाक्‍ब मुरपुकी अङगुर शांबु मबाक्‍तीके सुर्ता पाइनीम। ग्‍येरसीतीके नेल्‍ल नुप्‍ब। रागी ङा ग्‍येरसीतीके जाम्‍त।

यसैया 24:4

रागी फू खोदेंशो पा सोल सुल बेक्‍ब। रागी नेल्‍ले मोदेंशो दुम्‍नीम। रागी ङा मान पाइक्‍चा पुंइसीब नेल्‍ल बेक्‍नीम।

यसैया 24:7

अङगुर शांबु ग्‍युरब। अङगुर बोट सोव़नीम। ङोंइती ग्‍येरसीशा बाक्‍ब मुर नेल्‍ल हुकयी पाइनीम।

यसैया 3:26

सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

यसैया 33:9

रागी रोंका पशा, गोरशो दुम्‍शो बाक्‍ब। लेबानोन मुने दोक्‍शा, बेक्‍त। शारोन गोरशो रागी खोदेंशो दुम्‍त। बाशान नु कारमेलम आस सफा तोक्‍नीस।

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

येरमीया 11:11

मोपतीके परमप्रभु यावेमी “गो थमा पा, मेको आन कली ठेयब श्‍येत गेनुङमी। मिनु मेको रे प्रोक्‍ने मचाप्‍नीम। आं कली पुंइतेक्‍म हना यो, गो मेको आन लोव़ मनेंनुङ। भजन संग्रह १८:४२; यसैया १:१५; इजीकीएल ८:१८

येरमीया 12:11

मेकोपुकीम रागी गोरशो सेल्‍तेक्‍म। मेको रागी कली आं ङोंइती सोव़शो नु सुइ मबाक्‍तीक सेल्‍तेक्‍म। रागी नेल्‍ल गोरशो सेल्‍तेक्‍म। मिनु सुइ आन थुं मखाइ” देंत।

येरमीया 12:4

रागीम गेना सम्‍म रोंका पाइबा? मिनु रू ङा घांस गेना सम्‍म सोल सुल बेक्‍नीमी? मेकेर बाक्‍बपुकीम परमप्रभु यावे आ अरेशो लोव़ मटितीके, मेकेर ङा जन्‍तु नु चिक्‍ब नेल्‍ल बेक्‍तेक्‍म। मोपा मेकोपुकीमी “आंइ कली मार, दुम्‍शो बाक्‍बा, मेकोमी मारेइ मतुइक्‍ब” दें‍नीम। येरमीया ९:९

येरमीया 18:22

गेमी मेको आन कली आन मतुइक्‍थु साइक्‍ब चाक्‍नीनु, मेको आन खिं रे ङाक्‍शो ब्रेश्‍शो नेंसेक्‍ल। मारदे हना मेकोपुकीमी आं कली ग्‍याइक्‍चा कली खाल्‍टा दोशो बाक्‍तेक्‍म। मिनु आं खोइल फ्रिम्‍चा कली ख्रुइश्‍शा ब्‍वारद दाइश्‍शो बाक्‍तेक्‍म।

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

येरमीया 46:12

रागी रागी ङा मुरपुकीम इ मुने दोक्‍शो लोव़ नेंतेक्‍म। इ वाइ ब्रेश्‍शोम रागी नेल्‍ल ब्रीब। मारदे हना लडाइ पाइब, लडाइ पाइब नु थोक्‍मुइनीम। मिनु मेको नेल्‍ल काले‍मी गोल्‍नीम’ ” दे परमप्रभु यावेमी देंत।

येरमीया 8:21

आं श्‍येत जशो मुर आ पर्बम गो रोंका पा थुं खाइक्‍ती।

बिलाप 2:8

परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

बिलाप 2:9

मेको आ ठेयब लाप्‍चो खपीम दोक्‍तेक्‍म। मेकोमी आ आग्‍लो जिक्‍शा खतम पोक्‍तु। मेकेर ङा पिप नु आन तौ नेल्‍ल रागी रागी ङा मुर आन दातेमी बाक्‍नीम। मेकेर लां कोंइब परमप्रभु यावे आ अरेशो मबाक्‍ब। मिनु परमप्रभु यावे आ लोव़ पाइबपुकीमी परमप्रभु यावे रे पा मारेइ लोव़ मताइ‍नीम।

बिलाप 5:10

गो शोव़लु बेक्‍‍तीके आंइ कुशुल चुप्‍लु खोदेंशो पा होश दुम्‍त।

होसे 4:3

मोपतीके एको रागीमी रोंका पाइब। एकेर बाक्‍ब नेल्‍ले ओंखां पा जाम्‍शा लाइनीम। बस्‍तु भाव, चिक्‍ब नु समुन्‍द्र ङा ङांइ बेक्‍शा, जाम्‍शा लाइनीम।

योएल 1:10

मिनु रू नेल्‍ल श्‍येत्‍थ दुम्‍शो बाक्‍नीम। खप रोंका पाइब। मारदे हना अन्‍न नेल्‍ल खतम दुम्‍शो बाक्‍ब। अङगुर आ रस सोव़त। तेल रवा आन फल सोव़तेक्‍म।

योएल 1:11

गे रूम गेय पाइबपुकी सुर्ता पने। अङगुर ख्रुम्‍बपुकी रोंका पने। क्‍योव़ज चेरब आ पर्बम यो रोंका पने। मारदे हना बाली नाली खतम दुम्‍शो बाक्‍नीम।

योएल 1:14

मिनु माइजा बाक्‍चा कली मुर आन कली खुप्‍तीन। परमप्रभु यावे आ खिंम रागीम बाक्‍ब मुर नेल्‍ल बुक्‍शा, खाल्‍पा आन कली ब्रेत्‍तीन। गे खाल्‍पा नु मुर आन कली परमप्रभु यावे, इन परमप्रभु आ खिंम पुक्‍कीन। मिनु परमप्रभु यावे कली ठेयब सेंदा पा ‘वारच पाइक्‍की’ दे पुनीन” देंत। भजन संग्रह १०४:१०,११; योएल २:१५

योएल 2:6

मिनु जात जात ङा मुर मेको आन कली तशा हिंशा, आन कुल राव किक्‍पाइक्‍नीम।

हाग्‍गै 1:11

मिनु गो रू नु डांडा तार रेउ मयिपदु। अन्‍न, अङगुर, तेल नु रूम सिप्‍ब मारेइ मारेइ मसिप्‍पदु। मुर नु रागीम ब्रोंइ‍शो नेल्‍ल आन कली श्‍येत जपाइक्‍ता। मुर आन गेय नेल्‍ल शोर गाक्‍शो सेल्‍ता” देंत। हाग्‍गै २:१७; आमोस ४:९

जकरिया 7:13

दोपा मेकोपुकीमी आं लोव़ मनेन्‍मे, मोपा गो यो मेको आन पुंइशो लोव़ मनेंनुङ।

१ सामुएल 5:12

मिनु मबेक्‍शो आन कली गार मुतीक रोइम श्‍येत जपाइश्‍शो बाक्‍माक्‍त। मेको सहर ङा मुर आन ङाक्‍शो सरीङ सम्‍म जाक्‍दीमाक्‍त।

१ सामुएल 9:16

मेकोमी “दीसा गो बेन्‍यामीन रागी ङा मुर का इ कली ग्रुम्‍थ सोइक्‍नुङ। मिनु गे मेको कली आं मुर, इस्राएली, आन पिप सेल्‍शा, तेल लुक्‍तो। मेकोमी आं मुर आन कली पलिस्‍ती आन गुइ रे प्रोंइब। मारदे हना गो आं मुर आन श्‍येत ताता। मेको आन पुंइशो नेंता” देंमाक्‍त।