येरमीया 14:16 - Sunuwar Bible

¹⁶ मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 14:16 ပူးပေါင်းရင်းမြစ်များ

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

यसैया 51:20

इ आलपुकी थाम्‍तेक्‍म। मेको लांम गोल्‍शो बाक्‍नीम। मेको ब्‍वारदम रेश्‍शो रोकोश खोदेंशो दुम्‍शो बाक्‍नीम। परमप्रभु यावे आ गाइक्‍तीके नु हुइक्‍तीके मोदेंशो दुम्‍शो बाक्‍नीम। बिलाप २:११,१९

यसैया 9:16

मारदे हना इस्राएल ङा मुर आन कली शेंबपुकीमी हेंथे लां गाक्‍पाइक्‍तेक्‍म। मिनु आन शेंशो नेंबपुकी लां मतुइक्‍ब दुम्‍तेक्‍म।

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 18:21

मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।

येरमीया 20:6

पश्‍हुर, गे नु इ खिंम बाक्‍ब नेल्‍ल ग्‍याइक्‍चा पुंइसीशा बेबीलोनम लाइ‍नीनी। गे बेबीलोन लशा, मेकेर बेक्‍नीनी। इन कली मेकेर थिम्‍नीम। गे परमप्रभु आ लोव़ दूली सेल्‍शा, शेंताक्वी। इ लोव़ नेंब इ वारच नेल्‍ल इ खोदेंशो पा थिम्‍चा पुंइसीनीम” देंत।

येरमीया 27:15

परमप्रभु यावेम ‘गो मेको आन कली मसोइक्‍तुमी। तन्‍न मेकोपुकीम आं नेंम जोल पा लोव़ पाइनीम। मेको आन लोव़ नेंतीनी हना, गो इन कली एको रागी रे खेरनन्‍नी। मिनु गे बेक्‍नीनी। गेपुकी नु इन कली जोल पा लोव़ पाइब मो दुम्‍नीनी’ देंती” देंत।

येरमीया 4:18

मिनु परमप्रभु यावेमी “इ दूली लां गाक्‍तीके नु इ पतीके इ कली मोदेंशो दुम्‍शो बाक्‍त। इ सजाइ मेकोन बाक्‍ब। मेको शुश कशो बाक्‍ब। मिनु मेकोमी इ थुं खाइक्‍पाइक्‍तु” देंत।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

येरमीया 7:33

मिनु मेको मुर आन बेक्‍शो रां सरीङ ङा चिक्‍बपुकी नु रागी ङा जन्‍तु आन कली ब्‍वतीक दुम्‍ब। मेको आन कली हिंच कोंइशा, प्रोक्‍पाइक्‍ब सुइ मबाक्‍नीम। येरमीया ९:२१

येरमीया 8:1

परमप्रभु यावेम “मेना यहूदा ङा पिप आन रुश, सरकार आ गेय पाइब आन रुश, चढ़ेब आन रुश, परमप्रभु यावे आ लोव़ पाइब आन रुश नु यरूसलेममी बाक्‍ब मुर आन रुश मेको आन तुरस रे याक्‍नीम।

येरमीया 8:2

मिनु मेको रुश नेल्‍ल, नां, तास्‍ला नु सोरुल आन ङोंइती फ्रचा माल्‍नीम। मारदे हना मेको मुरपुकीमी मेको आन कली गेय पा शुश दाक्‍ताक्‍म। मेको आन नोले खोइक्‍ब दुम्‍‍तेक्‍म। मेको आन कली लां कोंइब सेल्‍शा पूजा पाम्‍तेक्‍म। मेको रुश आन कली खुप्‍शा थिम्‍चा मदुम्‍ब। मेको खप कली मोव़ल दुम्‍चा माल्‍नीम। ब्‍यवस्‍था ४:१९

येरमीया 9:20

मिनु गे मीश मुरपुकी परमप्रभु यावे आ लोव़ नेनीन। मेको आ लोव़ नेंचा कली इन नोफा दाइक्‍तीन। इन तमी आन कली रोंका पचा शेंदीन। आंम नेक्‍था ङा मुर नु रोंका पतीक शेंमुने।

येरमीया 9:22

परमप्रभु यावेमी “गे मुर आन कली मोदेंशो लोव़ पावो ‘मुर आन बेक्‍शो रां रूम मोव़ल खोदेंशो पा दोक्‍नीम। अन्‍न खुप्‍ब मुर आन नोले प्रोंइशो अन्‍न खोदेंशो पा, गोल्‍शा लीशो बाक्‍नीम। मिनु मेको आन कली सुइम सिला मपाइनीम’ देनो” देंत। येरमीया ७:३३; येरमीया १४:१६; येरमीया १६:४; येरमीया २५:३३; भजन संग्रह ७९:२

इजीकीएल 39:14

मेको रागी ग्रांग्रा मदिशो सेल्‍चा कली मुर वोइक्‍नीम। मेकोपुकीम नाक्‍त किंत किंत कोव़शा माल्‍शा, थिश्‍शा थिम्‍नीम। मिनु आन माल्‍तीक गेय ७ महिना सम्‍म पचा माल्‍नी‍म।

आमोस 7:17

मोपतीके परमप्रभु यावेमी इ कली ‘इ मीश सहरम तेल्‍लेम का दुम्‍ब। इ तमी तौ नेल्‍ल तरवारमी क्‍योरचा पुंइसीनीम। मिनु इ रागी पुक्‍शा योक्‍सीनीम। गे चहिं ग्रांग्रा दिशो रागी काम बेक्‍नेवे। मिनु इस्राएल थमा पा आ रागी रे ग्‍याइश्‍शा लाइक्‍चा पुंइसीब’ ” दे आमोसमी अमस्‍याह कली देंत।

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

प्रकाश 16:1

मिनु नोले गो परमप्रभु यावे आ खिं रे ठेयब सेंदा का नेंता। मेको सेंदामी परमप्रभु यावे आ ७ जना स्‍वर्ग ङा गेय पाइब आन कली “लने। परमप्रभु आ गाइक्‍चामी ब्रीशो ७ ओटा डप्‍का रागीमी मोतीन” देंत।