येरमीया 14:10 - Sunuwar Bible

¹⁰ परमप्रभु यावेमी मेको मुर आन पर्बम “मेकोपुकी थमा पा हिरना हिरन बाक्‍नीम। हेंथे गाक्‍चा दाक्‍नीमी। थमा पा ठीक लां मगाक्‍‍नीम। मोपतीके परमप्रभु यावेम मेको आन कली मब्राइब। मुल मेकोमी आन मरिम्‍शो पशो आ पर्बम मिम्‍ब। मिनु मेको आन कली आन पाप आ पर्बम सजाइ गेब” देंत।

येरमीया 14:10 ပူးပေါင်းရင်းမြစ်များ

१ राजा 17:18

मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्‍शो दुम्‍शो बाक्‍बा? मार, गे आं पाप कोंइशा, आं तौ कली साइक्‍थ जाक्‍नी?” देंमाक्‍त।

भजन संग्रह 119:101

गो इन लोव़ टिचा कली मरिम्‍शो लां मखोइक्‍थु बाक्‍नुङ।

भजन संग्रह 95:10

गो ४० बर्स सम्‍म मेकोपुकी नु गाइक्‍ताक्‍ङ। एको दूली पाइब मुर बाक्‍नीम। आं कली मटीब बाक्‍नीम।

प्रस्‍थान 32:34

तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३

येरमीया 3:13

गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।

येरमीया 31:34

मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

येरमीया 6:20

गो शेबा रे चाक्‍शो धूप ममाल्‍नुङ। ङोन रागी रे चाक्‍शो बिक्‍च यो ममाल्‍नुङ। गो इन चोशा चढ़ेशो मब्राइ‍नुङ। गो इन क्‍योरशा चढ़ेशोम मग्‍येरनुङ” देंत। भजन संग्रह ४०:७; यसैया १:११-१५

येरमीया 8:5

मो हना यो एको मुरपुकी मारदे ची हिरशा गाक्‍मा? मारदे मेको नोले शोंइसीना सीन बाक्‍नीमी? आन मरिम्‍शो पतीके मप्रोंइथु, लेश्‍शा जाक्‍ने मबित्‍नीम।

इजीकीएल 29:16

मिनु इस्राएल आ खिं ङा मुरपुकीमी इजीप्‍त रागी कली लेंशा गेनायो थमा मसुइक्‍नीम। तन्‍न इस्राएलम इजीप्‍त कली ‘वारच पाइक्‍की’ दे पुंइथ लशा आन पाप मिम्‍पाइक्‍नीम। मेना मेकोपुकीम गोन परमप्रभु, परमप्रभु यावे नङ, दे तुइक्‍नीम” देंशो बाक्‍ब।

होसे 11:7

आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 11:9

गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

होसे 7:13

आबी आबी, मेकोपुकी गो रे पा ङोन लाम्‍तेक्‍म। मेकोपुकी खतम दुम्‍मल। मारदे हना मेकोपुकी आं कली मटीब दुम्‍शो बाक्‍नीम। गो मेको आन कली श्‍येत रे प्रोंइ‍चा दाक्‍नुङ। तन्‍न मेकोपुकीमी आं पर्बम जोल पाइनीम। भजन संग्रह ८१:१४-१५

होसे 7:2

गो मेको आन मरिम्‍शो पशो नेल्‍ल तुइश्‍शा मिम्‍नुङ। मेकोपुकीम मतुइक्‍नीम। मेकोपुकीमी मरिम्‍शो ला पाइनीम। मिनु मेको आन पाप गेना हना यो आं ङोंइती बाक्‍नीम” देंत।

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

आमोस 3:2

रागी ङा खिं खिं ङा मुर नेल्‍ल रे गो इन कली ला योव़तन्‍नी। मोपतीके गो इन मरिम्‍शो पशो आ पर्बम सजाइ गेनुङ। ब्‍यवस्‍था ४:३४

आमोस 5:22

गे आं कली चोशा चढ़ेतीक नु अन्‍न चढ़ेतीक चढ़ेतीनी हना यो, गो मेको मब्राइनुङ। मिनु इन नेल्‍ल क्‍येङा दोम्‍शो बस्‍तु दुशा बाक्‍चा आ पर्बम चढ़ेशो यो मकोव़नुङ। मीका ६:६-७

हिब्रू 8:12

मेको आन कली शिशी पा, आन पशो पाप नेल्‍ल क्‍याम्‍शा गेनुङमी। मेको आन मरिम्‍शो पशो गेनायो ममिम्‍नुङ” देंमाक्‍त। येरमीया ३१:३१-३४

१ सामुएल 15:2

मुर नेल्‍ल आन परमप्रभु यावेमी मार देंत, देंशा हना ‘इस्राएली इजीप्‍त रे ग्रूशा पिमानु, अमालेकीपुकीम मेको आन कली लडाइ तोम्‍तेक्‍म। मोपतीके अमालेकी आन कली थमा पा सजाइ गेनुङमी’ देंत। प्रस्‍थान १७:८-१६; ब्‍यवस्‍था २५:१७-१९