येरमीया 13:23 - Sunuwar Bible

²³ मार, एथीयोपीयामी आ कुशुल ङा रङ फाइक्‍ने चाप्‍बा ङा? मार, जोइमी आ चां ङा थोप्‍ला फाइक्‍ने चाप्‍बा ङा? गे मरिम्‍शो पचा बानी दुम्‍तीके रिम्‍शो पने मचाप्‍नेवे।

येरमीया 13:23 ပူးပေါင်းရင်းမြစ်များ

२ राजा 17:40

मो हना यो मेकोपुकीम मेको लोव़ मनेन्‍मे बाक्‍त। मिनु मेको आन ङोंइती ङा पशो खोदेंशो पामे बाक्‍त।

हितोपदेस 27:22

मूर्ख कली अन्‍न नु चुम्‍लुम वोइश्‍शा तूलीमी चुशा हना यो, आ मूर्खे पचा गेनायो मग्रूब।

उपदेसक 1:15

मार रोम्‍सीशो बाक्‍बा, मेको कली दिंपाइक्‍ने मचाम्‍सीब। मबाक्‍शो थोव़क हिक्‍ने मचाम्‍सीब। उपदेसक ७:१३

यसैया 1:5

मारदे गो इन कली लेंशा, तुप्‍चा माल्‍ङा? मारदे गे ङोंइती क्‍येङा मटीब दुम्‍नी। इन पिया नेल्‍ल रोइ पशो खोदेंशो बाक्‍ब। गे थशो खोदेंशो बाक्‍नीनी। येरमीया २:३०

येरमीया 17:9

मुर आन थुं नेल्‍ल क्‍येङा जोल पाइब बाक्‍ब। गेना हना यो दूली पाइब बाक्‍ब। मेको कली सुम रुप्‍ने चाप्‍बा ङा? १सामुएल १६:७; बजन संग्रह ७:१०; हितोपदेस १५:११; रोमी २:६

येरमीया 2:22

गे इ कली मार, मार, हिक्‍सी नु शुश साबुनम चिक्‍‍साक्‍वे हना यो, इ दोस ततीके लुम्‍सीशो आं ङोंइती बाक्‍ब” दे परमप्रभु, परमप्रभु यावेमी देंत।

येरमीया 2:30

गो इन आल आन कली मोशा तुप्‍ता‍मी। गो मेको आन कली शेंचा दाक्‍ताक्‍ङ। तन्‍न मबिस्‍सम। इन कली सोइश्‍शो आं लोव़ पाइब इन तरवारमी साइक्‍चा पुंइसाक्‍म। गेपुकी ग्रु दाक्‍ब गुप्‍स खोदेंशो बाक्‍नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 5:3

मिनु “परमप्रभु यावे, गे थमा लोव़ तचा ममाल्‍नीनी ङा? गे मेको आन कली तुप्‍तीनी। तन्‍न मेकोपुकी मखा‍इक्‍म। गे मेको आन कली खतम सेल्‍‍तीनी। तन्‍न मेकोपुकीमी इन देंशो पचा मबित्‍‍नीम। मेकोपुकीम आन कुल फुल्‍लु क्‍येङा यो खकटा सेल्‍तेक्‍म। मेकोपुकी लेश्‍शा जाक्‍ने मबिस्‍सम। येरमीया २:३०; येरमीया७:२८; येरमीया ९:२; यसैया ४८:४

येरमीया 9:5

मेको नेल्‍लेम आन नेक्‍था ङा मुर आन कली जोल पाइनीम। सुइमी थमा लोव़ मपाइनीम। मेकोपुकीम जोल पचा शेंसीशो बाक्‍नीम। मेकोपुकीम मरिम्‍शो ला पाइनीम।

१ सामुएल 19:21

मिनु सावलम मेको नेंशा, अर्को हुल का सोइक्‍ता बाक्‍त। मेकोपुकीम यो परमप्रभु यावे आ सोक्‍तीम लोव़ पामे बाक्‍त। मिनु सावलमी लेंशा अर्को हुल का सोइक्‍तीमी बाक्‍त। मिनु मेकोपुकी यो मोदेंशो दुम्‍मा बाक्‍त।